- Револуционерниот британски театарски режисер Питер Брук, чие огромно влијание допре низ целиот свет, почина на 97 години. Брук го редефинира начинот на кој размислуваме за театарот со неговите претстави во Кралскиот Шекспиров театар во Стратфорд (РСЦ); во Буф ди Норд, трошната париска музичка сала која беше негова база повеќе од 30 години; во африканските села каде што неговите актери импровизираа претстави; и на сцените – и грандиозни и скромни – посетени од неговиот глобален ансамбл.
- Како еден од највизионерските и највлијателните мислители на театарот, напиша неколку книги, меѓу кои и „Празниот простор“ (1968), кој почнува со неговата визија: „Можам да земам кој било празен простор и да го наречам гола сцена. Човек шета низ овој празен простор, додека некој друг го гледа, и тоа е сè што е потребно за да се создаде еден театарски чин“.
- Иако му се восхитуваа во театарските кругови, тој беше помалку познат на пошироката јавност поради неговото одбивање да се помири со комерцијалниот вкус. Режисерот отсекогаш ја одбивал етикетата да се занимава со ангажиран театар, но секогаш повторува дека неговите претстави се наменети за саморефлексија и духовен развој.
- Третото издание на меѓународниот фестивал на деветтата уметност „Стрип Трип“ ќе се одржи од 6 до 8 јуни 2025 година во МКЦ. Главен гостин на фестивалот е реномираниот стрип-автор Рајнхард Клајст од Германија кој е познат во светски рамки со графичките биографии за Дејвид Боуви, Ник Кејв и Џони Кеш (Букбокс осврт тука), како и графичките романи „Боксерот“ (Букбокс осврт тука) и „Олимписки сон – приказната за Самија Јусуф Омар“.
- Клајст ќе настапи на „Стрип Трип“ со изложба, панел дискусија, цртачка сесија, како и уникатен цртачки перформанс со музичка придружба од Мартин Џорлев, Виктор Стојановски и Марко Печеновиќ. Меѓународни гости на фестивалот се и реномираните стрип-автори Марко Дјешка од Хрватска, Марко Стојановиќ од Србија и Гани Сундури од Косово.
- Македонски претставници на „Стрип Трип“ се Александар Сотировски, Смиле Цветановски, Давор Драмиќанин, Наташа Андонова, Филип Алексовски, Матеј Богдановски, Симон Калајџиев и Стефан Николовски. Дополнително, на писателот и теоретичар Томислав Османли ќе му биде врачена наградата „Македонско стрип наследство“ со која се препознава неговиот придонес кон македонското стрип творештво. Во текот на фестивалот ќе бидат објавени и победниците на конкурсот за најдобар краток стрип.
Целата програма тука
- Стотина изданија – монографии и зборници за македонскиот стандарден и дијалектен јазик, збирки стари текстови, речници, меѓу кои Тријазичникот на Ѓорѓија Пулевски, книгата „За македонцките работи“ на Крсте Мисирков, Абецедарот објавен пред сто години во Атина – се достапни во електронска форма на веб-порталот Дигитални ресурси на македонскиот јазик, креиран од Истражувачкиот центар за ареална лингвистика (ИЦАЛ) при МАНУ.
- Веб-порталот беше презентиран денеска (28.5.) во МАНУ, во рамки на промоцијата на „Македонски дијалектен атлас (од ризницата на картотеката лексички материјали)“.
- „Јас не можам да апелирам МАНУ да вработи информатичар, тоа е исто како да се побара астронаут да биде примен. Претседателството се обидува на разни начини и поентата е дека успеавме од тоа што ги имавме на тврди дискови да обновиме и да го поставиме на надворешен сервер, комерцијален, но сепак да си стои сето тоа под МАНУ“, изјави на настанот академик Марјан Марковиќ, одговорен за проектот.
