Мутацијата кај донаторот била откриена дури кога бил дијагностициран рак кај десет од биолошките деца родени во периодот од 2008 и 2015 година. Кај повеќе од 20 било потврдено дека наследиле мутација на генот ТП53, која создава услови за развој на Li-Fraumeni синдром - предиспозиција за леукемија и не-Хочкинов лимфом.
Европската банка за сперма дозволува да се користи ист донатор за зачнување деца 75 пати насекаде низ Европа. Меѓународната употреба го отежнува идентификувањето и известувањето на семејствата, што уште повеќе го комплицира одговорот. Децата со ризичниот ген ќе мора редовно да се следат со снимки на целото тело, магнетна резонанца на мозокот и како возрасни да имаат чести прегледи на дојка и на абдоменот.
Експерти упорно предупредуваат на социјалните и психолошките ризици од користење сперма од еден донатор за зачнување голем број деца во разни земји.
Треба да има европско ограничување за бројот на зачнати деца од еден донатор. Не можеме да правиме секвенционирање на целиот геном за сите донатори на сперма. Но, ова е абнормална дисеминација на генетска болест. Не секој маж има 75 деца низ Европа, предупреди Едвиге Каспер, биолог од универзитетската болница во Руан во Франција, која го претстави случајот на годишната конференција на Европското здружение за хумана генетика во Милано.
