Прво треба да знаете дека навистина станува збор за научно истражување а не за некој скриен PR текст, плус целата статија е објавена во Archives of Internal Medicine (журнал на американската медицинска асоцијација).
Второ, авторите на студијата нагласуваат дека ова не значи дека треба да почнете со чоколадо диета и дека истражувањето е правено на чоколадо за готвење.
Истражувањето покажало дека регуларната консумација на чоколадо е поврзана со понизок BMI (body mass index). Резултатите останале исти дури и кога во равенката биле земени во предвид и други фактори, како редовно вежбање.
Истражувачите од Универзитетот во Калифорнија во Сан Диего, објаснуваат дека важно е колку редовно консумирате чоколадо. Во истражувањето не била најдена врска со количината.
"Нашето истражување само го дополнува веќе големиот број на студии кои покажуваат дека составот на калориите, а не само нивниот број, се важни за одредување на нивното крајно влијание врз тежината," објаснува докторката Беатрис Голомб, која го предводела истражувањето.
Околу научниот дел, има две објаснувања за ваквите резултати. Првото, дека чоколадото е полно со антиоксиданси, кои му вршат еден куп работа на организмот од балансирање на хормонот кој ја регулира тежината, до подобрување на метаболизмот. Второто, е дека чоколадото предизвикува заситеност, заради што нема да се прејадете со друга храна.
