На терен се варијантите Пирола (BA.2.86) и Ерис (EG.5.1) кои се шират доста брзо, особено Пирола која се чини полесно пренослива од сите други досегашни мутации на коронавирусот. Тоа не е единствената специфика која ја разликува BA.2.86 од другите - таа носи и некои невообичаени симптоми.
Покрај типичните симптоми на болки во екстремитетите, болки во грлото, треска и кивање, главоболката од Пирола може да биде особено интензивна и да помогне да се разликува од грип и слично.
Она што досега е документирано како екстра симптоми се црвени и болни прсти (на раце и нозе), дијареа, чешање и црвени очи, промени во устата или на јазикот (т.н. ковид јазик), осип на кожата и засипнатост.
За разлика од грипот, ковидот не се однесува сезонски и затоа е важно да се обрне внимание на симптомите.
Во меѓувреме, студија од Калифорнија покаже дека вакцинирани деца и млади (од 7 до 18) се заразни исто онолку време како и нивните невакцинирани врсници. Имале бустер или не, тие го шират вирусот временски исто како и другите откако ќе бидат тестирани позитивно; во просек три дена.
Студијата додава дополнителен сомнеж за целисходноста на бустерите. До почетокот на оваа година, во неколку американски држави, вклучително и Калифорнија и Илиноис, вакцините беа задолжителни за учениците иако од Универзитетот Стенфорд им порачаа дека враќањето во училиште не треба да се дискриминира според вакциналниот статус.
**************
Види и:
Фајзер повеќе од дупло го поскапува лекот за ковид
