Американската филијала на глобалната мрежа во 2013-та имала нето оперативна загуба од 250 милиони долари, а по истата ставка во 2014-та завршила со минус од уште 335 милиони долари.

За да го сопре бескрупулозното медиумско производство на детски ѕвезди, кинескиот меиумски регулатор забрани користење деца на познати фаци во популарните реални шоуа  И после пак комунистите не чинеле.

Ударната плавуша на Фокс, Мегин Кели, заради која Доналд Трамп одби да учествува во една од републиканските дебати, чувствува замор и вели дека она што го работи предизвикувања оштетувања на мозокот. Па ќе бара 20 милиони за да ја издржи таа неиздржливост.

Преку 1.000 симпатизери на Берни Сандерс се собраа пред канцелариите на CNN во Лос Ангелес за да го изразат својот револт против маргинализирањето на нивниот кандидат во програмата на телевизиската мрежа која ја нарекуваат Clinton News Netvwork. 

Асошиетед Прес е моќна и угледна новинска агенција со безброј блескави моменти во својата 170 годишна историја. Но, имаат тие и и свои потемни периоди од постоењето кога стандардите потклекнале под примамливоста на "ексклузивноста".

Поротата во Флорида одлучи дека Гавкер треба да му исплати 140 милиони долари на Хулк Хоган за прекршување на приватноста, заради објавување на приватно секс видео на поранешниот кечер. Отштетата е 40 милиони долари поголема отколку што Хоган побара.

За фото-репортерите кои од првата линија сведочат за драмата на бегалците и дилемата дали да се фатат за апаратот или за луѓето.

Откако новата хрватска влада ја распушти Комисијата за непрофитни медиуми, Тпортал фаќа да истражува "каков е односот на државните министерства и медиумите, со нагласок на непрофитните, во останатите членки на ЕУ."

Пред да се случи вчерашниот настап на Оскарите, Крис Рок во изминатите две недели најмалку 10 пати се појавил во стендап клубот Комеди стор во Западен Холивуд, за да го испробува својот материјал.

Приказната е дека тинејџерот, инаку гејмер, добил награда да пројде еден месец во хотелска соба со руска порно ѕвезда. Дечкото има 16 години, а наградата ја добил по основа на тоа дека играл Каунтер Страјк. И ништо од ова не ви беше сомнително?

Минатиот октомври Плејбој објави дека по 62 години печатење, од годинава повеќе нема да објавува голотија. Дојде новата година, и луѓето стварно си стојат на збор.

Од 42-ца финалисти на Американски Идол, помалку од половина биле на турнеја во последните три години. Само 19 имаат снимено нова музика од 2013. Калеб Џонсон победникот од 13-та сезона, во првата недела по премиерата продаде само 11.000 примероци од неговиот прв албум по Идол.

Полска новинарка му прави незгодно интервју на руски министер. Нејзиниот уредник му се извинува на министерот. Неговите шефови го набркуваат од работа.

Единствена работа која денес никако не би била е директор на телевизија. Зошто? Па заради страшното чудовиште кое се заканува сите да ги проголта. Телевизиите, мислам. Исто како и голем број други дејности, како книжарници, продавници, па дури и цели трговски центри проголтани од прашумата на Амазон.

Чувството дека само ние и нашите пријатели сме останале нормални е една ехо - комора во која одекнуваат и се засилуваат само сопствените мислења и одеднаш почнуваме да веруваме дека ја познаваме Македонија.

Неодржлив бизнис модел е причината која е наведена во одлуката за затворање на американската филијала на глобалната новинска мрежа. Последниот работен ден за Ал Џезира Америка е 30-ти април. Наместо на телевизија, повеќе ќе се посветат на интернет.

Во новата медиумска 2016 година влегуваме со барем една позитивна вест за човештвото: насловните со Кардашијанки веќе не ги продаваат магазините како порано.

Кога наспроти целиот здрав финансиски разум, Џеф Безос во август 2013-та го купува Вашингтон пост за 250 милиони долари, сајтот има 26 милиони уникатни посетители месечно. Ноември 2015-та сајтот го завршува со 72 милини уникатни посетители. Подеднакво неочекувано беше што наместо да отпушта, Безос вработи уште 70 луѓе, од кои околу 50 се новинари.

Затоа што бројките околу тоа колку пати е отворена една статија и не кажуваат нешто претерано за нејзиниот квалитет, уредништвото на Тајмс се интересира за една посуптилна мерка - колку часови читање собрала некоја статија. И тоа се мери.

Под наслов "Гејови што ги почитуваме" уредништвото на руската верзија на магазинот Максим прави листа на славни мажи кои се толку добри во својата работа што им ја "простуваат" нивната сексуална определба.

Во зделка од 725 милиони долари Фокс доби контролен пакет во телевизијата, магазинот и ТВ студиото на Национална географија. Сепак, ова беше само последниот чин во неколку годишната драма што и се случува на Национална Географија.

Руперт Мурдок почна да го устројува тазе купеното милениче Национална географија по урнекот на својата империја Фокс. Отпушти сериозна бројка луѓе меѓу кои и оние кои на Фокс никогаш не му биле особено важни, проверувачите на факти.

За март 2016-та култниот Плејбој најави драстично и рискантно ребрендирање при што во печатеното издание девојките веќе нема да бидат голи. По тој тажен повод Њујоркер објавува реакции на читателите. Последнaта читателка доби дури и покана за работа во Плејбој.   

Белградскиот неделник Време беше еден од ретките медиумски ѕвезди Северници во регионот во кој мечката се изнаигра, те пред туѓа те пред своја врата. Во времињата на секакво бесчестие беше задоволство да се биде од нивна и да се мезат текстовите на покоjните Стојан Церовиќ и Урош Комленовиќ, те на фала богу живите Милош Васиќ, Теофил Панчиќ, Љуба Живков, Драган Тодоровиќ, Драгољуб Жарковиќ, Кремер, Баздуљ, Басара.... Тие луѓе толку сме ги читале (а нешто и пренесувале на овие простори), што веќе не ни знаеме што е нивно а што наше. Деновиве наполниле 25 години и тоа го прославија како што ги личи, кратко и јебитачно. Оди па додај нешто паметно на ова: