„Еве што точно треба да направиме за да го спасиме нашето прекрасно општество. Информацијата што ви ја нудиме е онаа на којашто сите чекавме. Правејќи вака можеме на денот на инаугурацијата да го прогласиме Берни за претседател, наместо Трамп. Прочитајте го текстот и споделете со пријатели.“.

Мајкл Сипли 12 години, од 2004 до јуни 2016, работи како уредник и новинар на Њујорк тајмс, по сето она што се случи со предвидувањата околу изборите, и неколку себе-осврти на уредниците на весникот неговиот став е дека грешката на Њујорк тајмс е што се однесува како светот да постои за Њујорк тајмс, а не обратно.

Постои гнев на обичниот народ кон статус-кво во политиката кој меинстрим политичките новинари едноставно не го разбираат, и за да биде болката поголема Трамп им се случува на медиумите само неколку месеци откако истите овие медиуми ја направија истата оваа грешка околу брегзит.

Се разбира дека не, не е тоа туку така. Само што, Хафингтон пост реши дека веќе нема потреба да ги потсетува своите читатели дека Доналд Трамп е расист и ксенофоб. Сега кога е претседател, сакале со него да почнат од чисто.

Бизнисменот Ванг Џианлин со 33 милијарди долари се смета за најбогатиот човек во Кина, а од пред некој ден е и еден од најмоќните луѓе во шоу-бизнисот во САД откако за милијарда долари ја купи Дик Кларк продукцијата, компанијата која е замешана во речиси секоја ентертејмент област.

Спорот на главната уредничка на Слејт е што медиумите околу денот на изборите имаат прифатено таков однос што ги става новинарите во неприродна ситуација: информациите што ги имаат, да ги кријат од својата публика.

Што ако во лудилото од пред две децении за модернизирање на редакциите и проширување на содржините на интернет, уредниците направија колосална бизнис грешка на која потрошија стотици милиони долари? Што ако индустријата требаше да се задржи на своите силни страни (печатеното издание кое и ден денес носи најголем дел од приходите од реклами и претплати), наместо да се пробува онлајн?

Атлантик е еден од највоздржаните американски магазини за време на избори. Во своето постоење (пазете, постојат 159 години!) само во два наврата поддржале некој кандидат за претседател. И еве сега се појавува Доналд Трамп.

Дента пред потпишување на договорот со Дизни, првиот човек на Вајс, Шејн Смит, во Лас Вегас на блекџек освојува 1 милион долари. Следната вечер во претседателскиот апартман во хотелот Белаџио, Смит добива уште 400 милиони долари, овој пат инвестиција од Дизни.

Угледниот американски NPR се придружи на долгата листа сајтови кои ја укинаа можноста на читателите да коментираат под нивните статии. Откако пробуричкале во импозантните бројки, го сфатиле ноторниот факт дека целата бучава ја прават мала група луѓе; па ете им го ним Фејсбук да си вадат очи  (нагалено: дебатираат).  

Во анализа на веста од пред неколку месеци дека Македонија, поточно Велес, претставува престолнина на про-Трамп сајтовите, Гардијан успева да идентификува над 150 домејни поврзани со вести со Трамп регистрирани на луѓе од Велес.

Гавкер.ком комплетно затвори, а основачот Ник Дентон комплетно е тргнат од раководењето со Гавкер медиа, чии брендови како Гизмодо и Лајфхакер завршија кај Унивижн за 135 милиони долари. Дел од договорот е Дентон ништо да не работи.

Компанијата чиј основен бизнис е кабелски оператор, и веќе е сопственик на Енбиси Универзал, за 3,8 милијарди долари под свое го стави Дримворкс анимејшн, студиото зад Шрек, Мадагаскар и Кунг фу панда.

Откако му остана должен на Хулк Хоган 140 милиони долари, сајтот Гавкер спасот го бараше во прогласување банкрот, по што следуваше лицитација. Гавкер медиа беше купен за 135 милиони долари, меѓутоа новиот сопственик одлучи дека носечкиот сајт, Gawker.com, ќе биде затворен.

Пред неколку седмици француските весници одлучија дека повеќе нема да објавуваат фотографии и имиња на терористи, по основа дека нема да учествуваат во „стратегијата на омраза“ на групи како ИСИС и Боко Харам, кои се постојано желни за медиумско внимание. Иако одлуката на медиумите е реакција на ужасите што им се случуваат во двор, таа има и сериозна подлога во науката.

Прво дојде армискиот хеликоптер од кој се истоварија војници кои се обидоа да ја заземат телевизијата. По нив дојде полицијата со панцири и автоматско оружје, која упадна во канцелариите обидувајќи се да ги уапсат војниците. На крај беше толпата од 200 луѓе кои извикувајќи "Господ е голем" упаднаа во телевизијата сакајќи да ги распарчат младите војници, пишува дописникот на Базфид од Турција, Барзу Дарагахи.

И да не следиш вести 2016 до сега беше преполна со настани што не можат да те одминат, и ова важи дури и ако држиш до некој арогантно висок став на толеранција кон светот дека вест е само нешто што се случува во Западна Европа или САД.

Не само што не е усвоен, туку ваков предлог се нема ни појавено во Думата, заради што не ни можел да биде разгледуван, а не па усвоен.

Британските печатени медиуми во веројатно најлош можен момент за ЕУ ја демонстрираа својата релевантност меѓу гласачите, доволно поттурнувајќи го јавното мислење за резултатите од референдумот да бидат напуштање на Унијата.

Њујорк тајмс составува еден гиф од тоа како веста за масакрот во Орландо се развиваше на насловната на нивниот сајт.

Откако една серија твитови стана вест во повеќе меѓународни медиуми за потоа самиот твитерџија да признае дека приказната е лабаво базирана на вистина, Гардијан разгледува како "во трката по сообраќај кликовите се главни - дури и ако фактите не одговараат."

Европските каталози на дигиталните платфотми како што се Нетфликс и Амазон ќе мора да имаат минимум 20% содржина од европско производство, реши Европската комисија.

Заради потребата од финансиска диета и желбата да се врати на својот стар карактер, Би Би Си реши да го ослаби веб сајтот. Меѓу другото, од таму ќе бидат тргнати 11.000 бесплатни онлајн рецепти за храна.