Владата планира да ги олабави правилата за да дозволи повеќе затвореници да се фатат за работа додека ја издржуваат казната и да ја пополнат дупката во работна рака која се очекува да се создаде после Брегзит и заминувањето на сегашните наемни работници од посиромашните земји од ЕУ од британските плантажи и овоштарници.
По сегашните правила, затвореник може денски да излегува и да оди на работа во некоја цивилна средина една година по издржување на казната.
Идејата е во иднина да не постои таков грејс период. Фармерите да се обраќаат до најблискиот затвор и да им кажат колку и какви луѓе им требаат а овие да им одберат соодветни кадри и да им ги праќаат на работа. Затвореникот за тоа би добивал регуларна надница за тој вид работа.
На британските земјоделци им е битно промените да бидат донесени до септември кога е време за берба на нивното популарно Бремли јаболко.
