Меѓу аферите кои не го помрднаа Блатер од позицијата се: неодамнешното откритие дека Катар потплатил членови на бордот на ФИФА за гласањето на домаќин на СП 2022-ра (Слични сомнежи има и за Русија 2018-та), оставката на потпретседателот на ФИФА Џек Ворнер заради обвиненија за крадење на фондови на ФИФА, како и обвиненијата за местење пријателски натпревари пред СП 2010.
Самиот Блатер успеа да ја натера ФИФА да го одбие барањето за воведување ограничување по старост и број на мандати на претседателот на организацијата. Блатер има 78 години и во 2015-та ќе се кандидира за 5-ти мандат.
Неговиот главен против кандидат е Мишел Платини, за кого многумина стравуваат дека е само помлада верзија на Блатер, и кој беше еден од членовите на ФИФА кои гласаа за одржување на Мундијал во Катар.
Самата ФИФА успева да постигне перфектна околина за работа. На пример договорот за Мундијалите е дека домаќинот ја плаќа изградбата на целата инфраструктура (стадиони, терени, патишта, сместување), и за возврат ги задржува сите пари од влезници и туризам, додека ФИФА ги зема парите од спонзорства и телевизиски права. Во случајот со СП 2010-та, Јужна Африка плати 3 милијарди долари за организирање на Мундијалот, а имаше приходи од околу 300 милиони долари, од друга страна ФИФА инкасираше 3,5 милијарди долари.
Таа е сместена во Швајцарија и функционира како невладина организација, која никому не му плаќа данок. Според Економист, секој натпревар од Светското првенство ќе генерира околу 1 милијарда долари (не се сите пари за ФИФА, ама има и за нив). Освен ова ФИФА е врховното тело во овој спорт и не одговара пред никоја влада или институција во светот.
Единствени кои до сега побарале некаква одговорност од ФИФА, се нејзините главни спонзори (Адидас, БП, Бадвајзер, Кока-кола и Виза) и тоа по информациите за местење на организацијата на Мундијалот.
"Во секој случај, првиот чекор за реформирање на ФИФА би бил притисокот врз Блатер да си замине, а државите од Латинска Америка да се приклучат кон нивните европски колеги во барањата за негова оставка. Ако тој е сменет за време на Светското првенство, победници ќе бидат сите земји членки - и самиот фудбал," пишува латино-американскиот магазин América Economía во својот едиторијал.
На тема ФИФА, мамата мамина, едно видео што претходно го објавивме.
