"Техничките статистики можат да бидат направени да лажат. Ова значи дека чисти статистики можат да раскажат само дел од приказната. Другиот дел е генерално субјективен и доаѓа под огромен притисок од чисто ненаучни фактори како вкус и наклоност. Работи кои не можете да ги измерите со ниту еден микрометар и не можете да ги погодите како што треба дури и со најголемата фокус група.
Изгледот во најголем дел е субјективен, заради тоа ќе ја прескокнеме компликацијата за тоа кој супер-автомобил изгледа најдобро и ќе ви оставиме сами да го изберете својот победник. Кога имате неколку стотици илјади фунти да потрошите на автомобил, веројатно знаете кои работи ги претпочита вашиот мозок," е објаснувањето на Топ Гиар, зошто ќе ги бодуваат автомобилите само врз основа на нивните перформанси на патеката.
5-те автомобили во изборот на Топ Гиар се:
- Bugatti Veyron - 1,5 милиони долари
- Pagani Huayra - 1,4 милиони долари
- Aston Martin One-77 - 1,4 милиони долари
- McLaren P1 - 1,15 милиони долари
- Hennessey Venom - 1,1 милиони долари
Наместо да чекаме одбројување, од Топ Гиар уште од старт го прогласуваат McLaren P1 за победник во оваа конкуренција. Ова е објаснувањето каде секој автомобил заостанува зад P1.
Стандардниот Bugatti Veyron е многу сличен со P1 во однос на забрзувањето, а СуперСпорт верзијата е далеку побрза од Мекларенот. Ама во друго е работата.
"Меѓутоа во однос на уживањето на возачот, Р1 прави Вејронот да изгледа како Ауди ТТ... Р1 е интимен на начин на кој Вејронот никогаш не може да биде, тој е поврзан со возачот на сосема друго ниво. Ти го управуваш Вејронот, меѓутоа Р1 мора да го возиш," пишува Том Форд за Топ Гиар.
Неговата забелешка е дека Вејронот во основа е толку совршен што тој секогаш без бунење ќе ја заврши работата како што си му кажал, додека со Р1 мора да работиш и да се внесеш во возењето за да го постигнеш тоа, што на крај ќе ти даде повеќе уживање.
Токму перфектноста која беше предност на Вејронот, е она што и недостасува на Pagani Huayra за да го надмине Р1, која е премногу непредвидлива и нескротлива во споредба со Мекларенот. Паганито губи и по основа на полош квалитет на возење и побавно менување на брзините.
Aston Martin One-77 има одличен изглед и е доста вешт ако се има во предвид неговата големина. За се' останато тој не може да се спореди со МекЛаренот, кој според Топ Гиар е на сосема друго ниво. Најголема критика е за лошиот менувач на One-77.
"McLaren P1 е она што Hennessey Venom сака да биде кога ќе порасне." Забелешката на Веномот е дека не е ни приближно рафиниран во своите реакции и дека во споредба со Мекларенот изгледа како една од американските "musclecars."
