Тоа е таа фотографија на фоторепортерот Едимар Соарес, направена за време на "генералната проба" за Мундијалот, Купот на конфедерациите минатиот јуни.
СП 2014-та ќе го чини Бразил 11 милијарди долари и од целиот тој спектакл земјата ќе види малку фајде.
Во моментов, илјадници Бразилци живеат во импровизирани градови - шатори, изместени од своите родни ќерпичи бидејќи пречеле во организацијата на ивентот.
"Ние го обожаваме и фудбалот и нашата репрезентација но ќе беше многу попаметно парите да ги потрошиме на инфраструктура, училишта и болници," вели еден професор по социологија од Бразил, сумирајќи ги причините за големите отпори кон скапиот домаќинлук на СП.
