Би Би Си ја почнува сторијата на оваа тема во една чајџилница во Кјото, старата престолнина на Јапонија позната по големиот број храмови, преубавите градини и туристите со стапови за селфи. Чајџилницата ја држи 38 годишен човек но не е тоа поентата: дуќанот постои од 1160 година!
„Ние се фокусираме на чајот и не се трудиме да го шириме бизнисот на други полиња. Тоа е начинот на кој опстојуваме,“ ја открива Јусуке Цуен тајната на дуќанот кој постои 900 години.
А тоа не е редок случај. Банката на Кореја пред десетина години обелодени дека на глобално ниво постојат 5.586 компании кои се постари од 200 години. Ги има во 41 земја но 56% од сите се наоѓаат6 во Јапонија. Таму е и најстариот хотел на светот кој е отворен во 705-тата година, имаат слаткарски дуќан кој започнал околу 1.000 година, градежниот гигант Такенака е основан во 1610 година а некои од глобално познатите јапонски брендови како што е Нинтендо и Сунтору имаат неочекувано долги истории кои се протегаат до 1.800 година.
Деканот на тамошниот факултет за менаџмент објаснува дека тоа што на овие фирми им е поважна одржливоста отколку максимизирање на профитот е главната причина за нивната долготрајност.
„Во Јапонија главното прашање не е како компанијата да аде најмногу пари туку како таа да ја пренесеме на нашите деца и внуци,“ вели Јошинори Хара.
Во поширок контекст, Јапонија е земја во која традицијата, почитта кон предците и постарите се на високо место во хиерархијата на вредностите.
Некои од ваквите компании имаат прибегнато и кон прифатената пракса да се посвојуваат млади машки работници и да се сметаат за крвно сродство за да се осигура континуитет на семејниот бизнис. Тоа е нешто го го имаат направено и големи компании како Сузуки и Панасоник.
Инаку, Нинтендо е добра илустрација за тоа како фокусирањето на основниот бизнис е добар модел за долготрајност. Нивниот основен бизнис е да се прави забава. Фирмата е основана во 1889 година за да произведуваат карти за јапонската игра ханафуда која им е дојдена од Португалија во 16 век а се состои од собирање карти со различни цветни дезени кои носат различни поени. Еден век подоцна, останувајќи на полето забава, Нинтендо прават револуција во домашниот ентертеинмент со нивниот гејминг систем.
