"'Знаејќи колку креативноста може да влијае на нашиот бизнис, почнавме да работиме со најдобрите агенции. Во тоа време (2003-та) имавме лоша репутација скокајќи од една на друга агенција. За да се движиме напред ни беше потребно нашите агенции да го предизвикуваат нашето мислење, да ги оставиме да ни кажат ако нешто е срање, да не' одбијат за нешто и ние да бидеме подготвени да го чуеме тоа. Ова не значи дека ние нема да им се спротивставиме, ама тие требаа да знаат дека ние им верувавме да се обидат, да кикснат, да успеат и да иновираат.'"
Со промената на филозофијата, Кока-кола успева да ги освои Wieden+Kennedy и Turner Duckworth, кои за брендот ги создаваат некои од најиновативните иницијативи и кампањи, заради кои Кока Кола беше прогласена за Cannes Creative Marketer of the Year 2013. Претходно брендот собра речиси 30 лавови (награди) на истиот фестивал во 2012.
Главниот човек зад промената на филозофијата и успехот е директорот за маркетинг на Кока-кола, Пио Шункер, кој во 2003-та доаѓа во компанијата од Огилвиј Њујорк.
Главниот проблем во тоа време не е препознавањето на брендот, туку "возбуденоста на потрошувачите" околу Кока-кола. Така во периодот од 2001-ва до 2006-та, Кока-кола бележи постојан пад на продажбата, за во 2012-та (кога глобалниот пазар на газирани пијалаци има пад од 1,2%) тие да забележат раст на продажбата од речиси 1%.
Една од промените што ги воведува Шункер е и поврзување на сите одговорни за маркетингот на компанијата. Компензацијата и платата на надворешните партнери и на над 100-те вработени во маркетингот на компанијата е поврзан и со тоа колку добро тие соработуваат и иновираат заедно. Освен ова, воведени се и месечни состаноци на агенциите, на кои присуствуваат сите агенции што работат за Кока-кола по која било основа.
Додека Wieden+Kennedy работеа на креирање на феноменални кампањи за брендот, Тарнер Дакворт се зафати со редизајнирање на сеприсутното пакување на Кока-Кола.
"Тарнер ни рече дека нашите лименки изгледаат како ѓубре. Ова повреди многу чувства. Но сепак понуди поедноставен редизајн. Тарнер објасни дека е полесно за бренд менаџерите само да трупаат елементи на пакувањето наместо да ги отстрануваат, што придонело Кока-кола да изгледа пренатрупано со текот на годините. Беше намалена палетата на бои на Кока-кола (која достигнала до 5 бои) за да се нагласи црвената. Тие инсистираа и да се отстранат сликите со меурчиња од лименките, објаснувајќи дека потрошувачите веќе знаат дека се работи за газиран пијалак, и ова излезе една од најтешките битки што агенцијата ја имаше со Кока-кола."
Тарнер денес објаснува дека одбивањето на Кока-кола би била најголемата грешка на неговата кариера: "Пио ни дојде и ни рече 'ако видиш од нас бриф кој не ти се допаѓа, немој да го работиш. Можеш да ни кажеш дека не е добар.' Вакво ниво на доверба и почит ретко постои кај клиент."
