Да кажеш за Шекспир дека е „мех“, па дури и дека го мразиш, е рамно на богохулие. Оние кои отпорашки се изјасниле на овој начин заслужуваат почит, ако ништо друго поради нивната храброст да му контрираат на големото мнозинство.

Меги О’Фарел е ирска писателка, која во овој свој осми роман комбинира историски податоци со фикција за да го опише најголемиот кошмар за секој родител: смртта на сопственото дете.

Во своето време - 18 век - Сара Сидонс со право можела да се нарече „селебрити“. Нејзина специјалност биле трагедиите, а најпозната улога онаа на лејди Магбет. Со нејзиното име се врзува и една урбана легенда, за ефектот што едно уметничко дело може да го има врз кревката човечка психа.

Во време на Шекспир чумата, исто како и денешнава „чума“, ги опустошувала улиците и ги затворала театрите. Дали тој ја напишал својата мрачна драма додека бил во самоизолација во текот на 1606?

Шекспир починал кога Милтон имал 8 години. Славниот автор на „Загубениот рај“ (на македонски препеан од Драги Михајловски) се смета за книжевен наследник на бардот. Но сега има и доказ за нивната духовна поврзаност. 

Контроверзите околу авторството на драмите кои му се припишуваат на бардот се стари скоро исто колку и самите дела. Но можеби тоа е затоа што до сега никој не ја зел предвид можноста Вилијaм всушност да бил - Вилијaмина.

Oграничувањето на еден твит во моментов е 280 карактери. Но неодамна еден млад истражувач покажа дека е можно во него да се спакуваат комплетните дела на Шекспир. И тоа не во вербален твит, туку во слика со ептен мали димензии.

Од перото на Бен Елтон, авторот на антологиската „Црна гуја“, пресмешна мини-серија за Шекспир, која е одлична алатка за привлекување средношколци и студенти по англиски кон неговиот лик и дела. Затоа што иако е хумористична, таа е сепак историски и книжевно издржана.

Дали гледањето насилни содржини на сцена различно се доживуваат од нивното гледање на монитор? Спојувајќи маркетинг со реално истражување, еден театар користи наука за да добие одговор на ова прашање.

Од сите работи кои можат да се украдат, криумчарат, продадат, книгите некако не се првите на кои човек би помислил. А сепак вакви случаи не само што имало туку има и денес, а во игра најчесто се и големи пари, и интерес за она што се води како „исчезнато“ од страна на академските кругови.

Со векови славната драма на Шекспир е симбол на трагичен крај на една љубов. Но нели би било фино кога приказната за Ромео и Јулија би можела да заврши на различни начини, од кои повеќето не трагични, туку откачени?

Оваа година се навршуваат четири века од смртта на двајца великани на светската литература - Шекспир и Сервантес. Се смета дека тие умреле токму нa ист ден, 23.04. И тоа не е единственото што ги поврзува.

Последниот ракопис на Шекспир, за драма во која тој преку ликот на Томас Мор повикува против „нехуманоста од огромни пропорции“ во однос на тогашните бегалци, наскоро ќе биде достапен онлајн. Тој е дел од 300 новодигитализирани документи, кои фрлаат светлина не само на ликот и делото на бардот, туку и на пошироките општествени и културни прилики во кои тој творел.

Претстави, изложби, конференции, округли маси - сето ова е дел од одбележувањето на четири века од смртта на Бардот кои се навршуваат на 23 април, а во која би било некако логично да предничат Британците. Но најголемата глобална прослава изгледа сепак (ќе) се одвива во САД.

Кога минатиот месец Оскар Писториус беше осуден за убиство, судијата го опиша случајот како „човечка трагедија од шекспировски пропорции". Правниците често посегнуваат по делата на Бардот, како нивната содржина да има не само уметничка, туку и правничка тежина.

Во претходен видео есеј ги пребројувавме мртвите кај Тарантино - импресивна трицифрена бројка, главно застрелани и искасапени луѓе. Но ако мислите дека насилството е карактеристика на современата уметност, се лажете. Еве од што сè умираат ликовите на Шекспир.

Интернет деновиве се запали по „откритието" дека Шекспир сакал да дува. Светските медиуми се тркаа во објавување на форензички анализи од лулињата кои ги користел Бардот. Како што обично бива, она што останува откако разбрануваните онлајн води ќе се повлечат, е по некој скелет од информација, кој само покажува колку сме суштински некритични кон она што ни се сервира како „вест".

Иако сонетите на Шекспир главно се толкуваат како љубовни, и како такви се често цитирани на маици, плишани срциња и покани за свадби, има и такви кои се всушност остра критика на нехуманите времиња во кои владеат разорени морални и естетски вредности. Таков е 66-тиот, чија атмосфера можеби ќе ви се види позната.

Кога умееш со зборови, те бива и да кажеш „те сакам" на сто начини, но и да отераш на толку софистициран начин што некој може да помисли дека му дaваш комплимент. Шекспир бил махер за ова.

Шекспировиот Глоуб театар има неверојатен план за прослава на 450 години од раѓањето на Бардот - изведба на „Хамлет" буквално низ целиот свет. Ако е така, значи можеме да ги очекуваме и во Македонија.

Техеран и Скопје имаат најмалку две заеднички работи - загаден воздух и тензичен сообраќај. Но техеранските уметници креативно го користат она што не можат да го променат. Во такси возила кои сообраќаат по одредена рута одржуваат по четири претстави на вечер.

Секоја година во градот на Шекспировите Ромео и Јулија, пристигнуваат илјадници писма полни љубовни јади, адресирани до поубавата половина на овој пар.

Научници успеале да ги енкодираат собраните дела на Вилијам Шекспир и да ги складираат во ДНК. И во човечкиот хард диск останало уште многу место за порно клипови.

Филмот следи група актери кои ја подготвуваат шекспировата „Јулие Цезар" . Навидум ништо посебно, додека не сфатите дека не се работи ниту за вистински актери, ниту за филмско студио.