Драматичното намалување на посетители, од милиони на само илјада, се должи на пандемијата, а саудиските власти аџилакот годинава го закажаа за 29 јули.

Бројни членови на високите бизнис и политички елити на Русија веќе неколку месеци имаат предвремен пристап до експериментална вакцина против коронавирусот, објавува Блумберг.

Почнувајќи од четврток на полноќ цел Мелбурн се затвора, а жителите на вториот по големина град во Австралија ќе смеат да излезат од дома само за да одат на работа, до продавница, ако се грижат за некое лице или за да вежбаат. Мерките се воведуваат откако 6,4-милионската сојузна држава Викторија во вторникот имаше рекордни 191 нов случај.

Студенти во Алабама почнаа да организираат журки на тема ковид-19, чија главна цел е да видат кој од гостите прв ќе се зарази.

Советот е од здравствени експерти и се однесува на Американците кои и ова успеаа да го претворат во политичко прашање. Во меѓувреме САД стигнаа до 2,6 милиони случаи на ковид-19.

Стратегот зад шведската ковид-19 стратегија, државниот епидемиолог Андерс Тегнел, е подготвен да ја ревидира употребата на маски, откако претходно беше изричито против нив.

Иако не е ни блиску до титулата „лек против корона“ што од очај му беше инстантно доделена, дексаметазонот за сега е најдоброто нешто кое фармацевтската индустрија (и општо глобалната медицина) има да им го понуди на најсериозно заболените од ковид-19.

Продавниците се отвораат, а луѓето го игнорираат социјалното дистанцирање. Ова ги исполнува попретпазливите, како мене, со длабока вознемиреност.

По зборовите на главниот епидемиолог во земјата, Шведска има направено далеку помалку напредок од очекуваното во постигнување на групен имунитет на коронавирусот.

Вообичаено сметаме дека маските за уста се заштита од кашлање и кивање. Но вирусот може да се пренесе и преку зборување. Притоа некои јазици, заради својата фонетика, се наводно потенцијално подобри „канали“ за пренесување на заразата отколку други.

Според најновите информации, Бразил на 18-ти јуни го рестартира фудбалот. На легендарната Маракана каде има мобилни болници за заразени од КОВИД-19 треба да се сретнат Фламенго и Бангу и покрај пандемијата.

Еден ден по спроведување на 75.000 тестови во 20-милионскиот Пекинг пријавени се 36 нови инфекции, што е најсериозниот раст на бројот инфекции во Кина во последните неколку месеци.

Над половина од населението на Бергамо, каде што е спроведено истражувањето, имаат ковид-19 антитела, објавуваат италијанските здравствени власти.

Планот е армијата од 60.000 кодоши кои ќе треба да го набљудуваат спроведувањето на мерките за социјално дистанцирање да биде главно составена од невработени.

Земјата има 97 милиони жители, и е прв комшија со Кина со која има над 1.440 километри копнена граница, а и покрај сето ова Виетнам до сега на своја почва имаше нешто над 300 случаи на ковид-19 (вкупно), ниту еден мртов и речиси цел месец нема регистрирано ново пренесување на болеста.

Во мерењето се опфатени само оние што починале во болнички кревет, а друга статистика што ја вади англиското здравство е дека 18% од починатите (повторно во болници) имале деменција.

Можеби научниците се уште имаат куп дилеми околу вирусот. Ама барем едно се разјасни: тој е всушност таа.

Пред 7 недели Јужна Кореја и САД имаат ист број на смртни случаи од ковид-19. Денес, Јужна Кореја (на 52 милиона луѓе) има вкупно околу 300 смртни случаи од вирусот, САД имаат над 70.000 смртни случаи од вирусот.

По само неколку месеци паника околу коронавирус и нарушување на глобалното снабдување, сигурноста на производството стана поважна отколку ефикасноста на производството, односно на никого не му вреди што нешто е поевтино и побрзо произведено во Кина, ако тоа не може да го донесе дома.

Болничар кој се пожалил дека е присилен да работи и покрај тоа што е заразен со коронавирус, е во критична состојба откако викендов паднал од прозорец од болница во западна Русија.

Ветувањето е дека тестот, преку крв, може да утврди присуство на вирусот на 24 часа по заразувањето, период во кој луѓето се уште не покажуваат симптоми и неколку дена пред носителот да може да го шири вирусот на други луѓе.

Пред повеќе од 300 години во Лондон владеела чума. Најчесто цитиран книжевен „документ“ во врска со овој период е „Дневник на годината на чумата“ од Даниел Дефо, истиот оној што ја напиша „Робинзон Крусо“.

Земјата нема затворено ниту училишта, ниту вежбални, ниту кафулиња или ресторани, но ги има замолено граѓаните да се однесуваат одговорно и да следат правила за социјално дистанцирање. И за сега ништо апокалиптично не се случи во земјата.