Од една страна имаше огромна галама од бројни вработени на Гугл и надворешни луѓе што се општо против влегувањето на компанијата на кинески пазар под условите кои и беа наметнати. Од другата страна беа далеку помалубројните, ама локално кинески, гласови кои беа за тоа Гугл да влезе на нивен пазар, па макар и под условите кои му се наметнати.

Постојано слушам дека во САД навика е на запчаникот што ќе зашкрипи да му се става масло, и изгледа навистина е така. Еден од неодамнешните инциденти во Силициумската долина околу Кина (Ние сме вработени на Гугл, и Гугл мора да се откаже од Драгонфлај) предизвика судир меѓу Гугл и вработените на Гугл, додека истовремено во целата работа недостасува глас од Кина, третата страна во сето ова.

На сите работи што Кина успева да ги спроведе и исконтролира на своја територија и меѓу свој народ, никако да дојде ред да ги натера луѓето да почнат да плаќаат данок.

И покрај запнувањето од највисоко ниво, Ши Џинпинг во повеќе наврати повторува дека во станови треба да се живее не е само да се купуваат, над 20% од вкупниот фонд на станови и куќи во Кина се празни.

Спикерот работи за државната новинска агенција Синхуа, иако звучи крајно футуристички за сега вештачката интелигенција му е стигната само до ниво на компјутерски генерирана кукла.

Последен пат кога беа потребни повеќе од 7 кинески јуани за да се купи еден американски долар беше мај 2008, првите чекори на светот кон финансиска криза. Деновиве јуанот повторно оди накај бројот 7.

Затоа што се претерало со нерегулираните цени на невести во Кина, локалните власти на повеќе села решаваат да ограничат колку најмногу пари може да се понудат или побараат за невеста.

По два месеца сини неба и локални власти кои собираа масовни хвалоспеви, небото над Пекинг повторно се врати на старите 50 нијанси смрдливо сиво.

Кога ќе чуеш дека главниот на Интерпол, организацијата задолжена за пронаоѓање луѓе, исчезнал и со денови никаде го нема прво ти доаѓа да провериш веста да не е кромид. Потоа следува соопштение од кинеските власи па работите почнуваат да се разбиструваат.

Затоа што кога други држави финансираат проекти во странство тоа се смета за „економска војна“ а кога истото го прави САД, ММФ, Светска банка тоа се „структурни реформи и проекти“, Американците одлучија да основаат агенција која ќе им помага на земји во развој да се ослободат од финансискиот долг кон Кина. Во исто време Кина поседува над 6.000 милијарди од американскиот долг.

Прототипот на пребарувачот на Гугл што се адаптира за да добие дозвола за работа на кинескиот пазар излезе дека вклучува и поврзување на пребарувањата со бројот на мобилен телефон на уредот од кој што е пребарувано.

Пред некое време во обид за внесување во Њу Џерси беше запленета пратка од 300.000 пара лажни Најк патики, со вкупна вредност од околу 73 милиони долари. Официјално никој не знае од каде се патиките, неофицијално сите знаат дека се од кинески Путиан.

Бројката на Ујгури во Кина се движи меѓу 11 и 15 милиони луѓе (зависи кого прашаш), и за сега Обединетите нации и САД се главни критичари за начинот на кој Кина ги третира муслиманите во својата земја. Во исто време, стандардно гласните и (финансиски) активни муслимански земји низ светот се неми на темата.

Ако некој нема недостаток од загаден воздух тоа се Кинезите. Позитивна страна на вака несреќната околност е што можат пообемно да ги истражат последиците што живеењето во гнаса од градови го има врз огромни бројки од луѓе.

Во крајно филмски исход на настаните, кинеската влада се смета за одговорна за грабежите на најразлични историски кинески артефакти од музеи низ Европа. П.С. тањирчето на сликата е продадено за 36 милиони долари.

Дата, вештачка интелигенција и интернет надзор се трите столба кои ќе ја остварат дамнешната желба на секој империјален и современ кинески владетел - како да знаеш сè за јавноста без притоа истата таа се напне дека ја следиш и прислушуваш.

Стандардните проценки се дека со влегување во трговската војна со САД, кинескиот БДП неизбежно ќе падне од 0,1 или 0,2 проценти па според некои и за цели 2%. Американецот професор по финансии на Пекинг Универзитетот, Мајкл Петис, објаснува дека ова е прилично правилна пресметка кога би се работело за која било друга држава освен Кина.

Еден од најкатастрофалните неуспеси на американските разузнавачи се случува во 2010 кога кинеските власти започнуваат акција во која цели две години систематски ја демонтираат шпионската мрежа на ЦИА во земјата притоа егзекутирајќи десетици американски информатори и соработници.

Ангела Меркел е канцеларка на Германија скоро 13 години, и патува во Кина речиси еднаш годишно. Таа беше на зелени пазари и во стари храмови, зборуваше со градоначалници и дебатираше со партиски функционери. Таа ги виде германските фабрики и ги прегледуваше кинеските компании. Ѝ држеа часови по готвење и ѝ презентираа автономни автомобили. Ниту една друга држава го нема толку побудено интересот на Меркел како Кина.

Кинеските власти баш и не можат директно да возвратат на заканите на Трамп дека ќе воведе тарифи на дополнителни 200 милијарди долари производи увезени од Кина, од проста причина што Кина годишно од САД увезува производи во вредност од максимум 130 милијарди долари.

Рекордерот Велибор Милутиновиќ е човек за кого може и треба да се сними филм. Останат без татко и мајка на млади години тргнува на пат околу светот и фудбалските тајни ги раскажува во пет различни земји со кои оди на Мундијали.

Кинеските власти ги предупредуваат своите сограѓани кои планираат да патуваат во САД на двете најголеми зла во земјата: чести вооружени престрелки и огромни сметки за лекување, а и со тоа цариниците нема разбирање.

Главната тема на претпоследната епизода од „Минатата недела, вечерва“ беше кинескиот претседател Кси Џинпинг и таа беше разработена како што Џон Оливер тоа стандардно го прави: горе-долу хумор, горе-долу факти и задолжително да се вмеша Трамп. Неделава секое споменување на Џон Оливер е избришано од најголемата социјална мрежа во Кина, Веибо.

Речиси 10% од глобалните приходи од реклами на Фејсбук доаѓаат од Кина, и годинава во пари тоа ќе изнесува околу 5 милијарди долари, ако не и повеќе. За овие пари Кина е вториот по големина извор на приходи од реклами за Фејсбук по САД.