Фудбалерите или нивните најблиски одвреме навреме знаат од семејните албуми да извадат некоја фотографија од детството на сега веќе големите ѕвезди. Во светло во кое не сме ги виделе речиси никогаш.
Фотографката Џоана Рику (Joana Ricou) во соработка со неколкумина биолози прави валкани слики. Не, на нив нема ни кинки секс, ни голотија. Има - нечистотија од папокот.
Во пресрет на изложбата на цртежи и графики од приватна колекција во Галеријата на МКЦ која се отвара на 19.02, ви го претставуваме единствениот фотограф на кого му било дозволено да ѕирне во интимниот живот на шпанскиот сликар, а кој пред некој ден наполни еден век.
Кога пред три децении Ед Стили, кој денес има 85 години, почнал да изработува инструменти, всушност немал појма што прави. Немал никакво искуство ниту некој да го подучи, а богами немал ни материјали, освен остатоци од дрво од пиланата каде работел. Ама имал едно нешто што не се купува - верба.
Германски суд донесе занимлива одлука во врска со приватноста а се сведува на прашањето: дали бившиот партнер може да ги задржи интимните спомени од вас. Засега се работи за оние интимни спомени во форма на фотографии и видеа а за мозокот дополнително ќе треба да се утврди дали и како.
Има луѓе кои го проверуваат својот мобилен исто толку често колку што трепкаат или дишат, како тоа да им станало дел од нивниот дневен физиолошки процес, без кој едноставно би ги снемало. За оние кај кои останало барем малку самосвест, еве фотографии од тоа во што можат да се претворат, дур не е доцна.
Сè уште трае дебатата за тоа дали требаше или не медиумите да објавуваат фотографии од удавеното тригодишно Сиријче. На мета се најде и германски Билд кој реши да покаже како би изгледал весникот без фотографии.
Затоа што ФБ и Инстаграм профилот нема сами да се наполнат со слики од одмор, еден австриски фотограф има 8 фори за вас за подобри или барем поинтерсни фотографии со смартфон.
Ричард Принс (1949) е еден од најкритикуваните, а истовремено одлично продавани современи уметници. Неговата техника еуфемистично се нарекува „рефотографирање", а всушност се состои од обично крадење туѓи фотографии и правење минимални интервенции врз нив. Најнов скандал поврзан со него - изложба на слики од Инстаграм и нивно продавање за 90,000 долари.
Актерска клетва е да бидеш запамтен само по еден лик, а притоа никој да не ги цени другите дарби кои ги имаш. А Нимој, кој почина вчера, 27.02, на 83 години, навистина бил активен и вон актерството - режирал, фотографирал, пеел, и пишувал поезија.
Првиот успешен обид да се слика снежен кристал се случил пред повеќе од сто години, а денес за истото се користи многу слична технологија. Кога повторно ќе заглавите на нерасчистен пат или на лизгав коловоз, обидете се да се сетите на микроскопската убавина скриена во секоја снегулка.
Нова книга под наслов „Напад на огромните прсти" е преглед на најголемите утки на фотографскиот медиум, чиј главен лик е прстот кој го затскрива прекрасниот пејсаж или ликот на фотографираниот.
Додека привршува светското во кошарка, на игралиштата низ светот скокаат деца кои можеби ќе настапат на некое од идните првенства. Има и такви кои чмаат празни, чекајќи некој да им вдахне живот. Сите тие се инспирација за серија фотографии.
Шахтите се неправедно предмет на потсмев и дискриминација во однос на другите архитектонски објекти, затоа што покриваат нешто што сакаме да заборавиме дека постои - нашите срања. Но за чудо тие, доколку им се даде шанса, тие можат да бидат и убави! На кого му паднало на памет ваква бизарна идеја? Нормално, на Јапонците.
Ги знаете кои се, можеби и по име. Доаѓаат на културни настани, јадат, пијат, си земаат нешто и за дома во ќесички, буквално се грабаат за што и да се дели (книги, маици) и никогаш не сте на чисто кои се всушност овие луѓе. Еден фотограф од Чешка решил да ги овековечи на фотографии.
Документарен филм чија премиера во САД се случи во март оваа година, а во Британија токму денес (18.7), зборува за ликот и делото на една таинствена жена, која за време на животот направила повеќе од 150,000 фотографии за кои до скоро никој не знаел. Сега тие се вбројуваат во врвот на уличната фотографија.
Веројатно веќе сте чуле за проектот кој собра скоро осум милиони фанови на ФБ и кој низ фотографии ги раскажува личните приказни на жителите на Големото јаболко. Како и сите добри идеи, и оваа е многу едноставна, но крајно ефектна. Имаме и наш претставник, a веќе почнуваат да се појавуваат и скопски варијанти.
Интересен проект на Кристина де Мидл, британска фотографка, која врз основа на текстовите на оние спам пораки во кои некој бара од вас пари или согласност за некаква чудна трансакција, се обидела да замисли како навистина би изгледале тие луѓе - фиктивни карактери - кога навистина би постоеле.
Анти-пропаганда која е маскирана како пропаганда - фото проект кој ги испитува начините на манипулација која ја вршат тоталитарните системи. Меѓу другото и со тоа што организираат натпревари за сè и сешто.
Вчера, 24.5, во Кумровец беше отворена изложба „Фото-Тито", збирка аматерски фотографии на другарот и претседател. Meѓу неколкуте очигледни варијации на еден ист мотив (Јованка, пудлици, Крлежа), човекот сакал и самиот да си се слика.
Во ерата на Фејсбук и другите социјални мрежи кога луѓето фото документираат и најбанални моменти од своите животи, на актуелност добива една стара идеја на Ерих Фром за фотографијата како отуѓено сеќавање.
