Читајќи ја „дебелата“ биографија на Хемфри Бартон за Бернштајн (преведена и на македонски), човек не може а да не се праша зошто до сега никому не му текнало да сними филм за овој бескрајно талентиран и необичен лик. Во меѓувреме сепак му текнало, и тоа на Бредли Купер. 

Ај-ди.вајс споделува мислење за „Злосторства на иднината“, со Кристен Стјуарт, Виго Мортенсен и Леа Сејду.

Актерот Руперт Еверет рече дека не смета дека геј ликови треба да ги играат исклучиво геј актери.

Јапонците се мајстори да направат чудо од навидум обични работи. На пример од она што за нас стереотипно е грдо и валкано место, кадешто не се оди освен ако ептен не мораш - јавното ВЦ.

Истражувањето е во вид на нов филм со Ребел Вилсон, Senior Year, или по нашки, „Четврта средно“. Доаѓа на Нетфликс на 13 мај.

Новиот филм на мексиканскиот режисер со Бредли Купер, Кејт Бланшет и Руни Мара црпи од два извора: крими роман од 1946 и првиот филм снимен според неа од 1947. Вистинските кошмари на авторот на книгата се убедливо преточени во „ноар“ приказна, која во реалниот живот завршила подеднакво мистериозно.

„А Евреин смее да глуми лик што не е Евреин?“ Со ова, Хелен Мирен како да го замолчи делот од светот што реши да го доведува во прашање нејзиниот ангажман за насловната улога во филмот за Голда Меир.

Двајца фанови му приредуваат чудни проблеми на филмот Yesterday на Дени Бојл, инаку излезен 2019 - го носат на суд.

И така добил една од своите први филмски улоги.

На авторот на „Шестото сетило“ секогаш му се драги експерименти, ама најновиот проект може да се покаже како најголем предзивик досега во кариерата.

Во моментов е сезона на „Всушност, љубов“, па може да се потсетиме на едно горливо прашање што сценаристката на филмот го одговори во 2015.

Доаѓа одмазднички, викиншки филм и сега има и трејлер.

Направен врз основа на истоимена книга на Ерик Џегер од 2005, ова е филм за една историска мистерија, која не е разрешена ни по шест века: дали благородничката Маргарита де Каруж била силувана од штитоносецот Жак Ле Гри? Во средниот век единствен доказ за вистината во отсуство на сведоци била победа во вооружен дуел, на живот или смрт. 

Алис Себолд, најпозната по својот роман „Прекрасни коски“ по кој Питер Џексон („Господар на прстените“) сними филм, во 1999 напиша мемоар во кој клучен момент е силувањето коешто го преживеала во 1981. Сега таа му се извинува на човек кој поминал 16 години зад решетки за дело кое не го сторил. 

Славниот филм на Клинт Иствуд е најновиот кој е синхронизиран на јазикот на народот Навахо, после „Војна на ѕвездите“ и „Барајќи го Немо“.

Наводно, имало некој нов филм што било чист криминал да го гледаш во кино. Наводно, филмот заслужувал да биде пуштан во кафана. И тоа не во обична кафана туку во кафанчуга. Во кафанчуга со жива музика што ќе ти ја свири целата музика од филмот, со чад од цигари, со келнери постари од калдрмата пред кафаната, со гости поистрајни од келнерите, со дупнати чаршафи и со кршење чаши. Е, само таква почит би била правда за овој филм.

Пандемијата наметна потреба од меѓучовечка солидарност и љубезност. Но ова влијаеше глобално на театарските, филмските и книжевните критики, кои станаа по меки и по „со разбирање“. Дали ова ќе остане тренд?

Актуелната кралица на Данска, Маргрета Втора, на своето дизајнерско портфолио ќе додаде и адаптација на фантастичниот краток роман на Карен Бликсен, „Еренгард“.

„Прв контакт“ е австралиски документарец од 1983, кој раскажува за навлегувањето на белите луѓе во неистражената внатрешност на Нова Гвинеја во 1930, каде живееле еден милион луѓе кои никогаш не виделе различни од нив. На моменти тој е пресмешен, на други трогателен.

Aктерите за новиот руски филм „Предизвик“, кој ќе се снима на вселенската станица ќе бидат лансирани во ракета од космодромот Бајконур на 5 октомври оваа година. Истовремено, сличен проект најавија НАСА и Том Круз. Вселенската трка изгледа повторно почнува.

Некако ни е јасно дека ако сите филмски телефонски разговори би започнувале со вовед и би завршувале со реален епилог (како нашите традиционални „ајде“...„да, да“...„ајде“...„ќе се чуеме“...„да, да“) тогаш филмот би поминал само во такви монолози. Ама баш никој да не се поздравува ко човек на телефон делува некако грубо.

Новиот филм со Ентони Хопкинс е трогателен и моќен, а за тоа придонесуваат најмалку два елемента: неговата одлична глума, но и нешто што се вика „продукциски дизајн“ а на кое ретко обрнуваме внимание.

На 30 јануари 1969, во тешка година за бендот, Битлси ненајавено изведуваат концерт на покрив во Лондон.
На 30 мај 2020, во година обележана со пандемијата, неколкумина пријатели со фамилиите и комшиите се собираат на свирка на сличен покрив во Ниш. Целиот потфат останува забележан на камера.

„Ексцентрична музичка комедија“ - вака бил опишан филмот „Циркус“ во времето на неговата премиера. Но од денешна гледна точка тој содржи многу повеќе од музика и хумор.