„Памтам дека секој зимски распуст на зимската програма ги гледавме Let it Be и Hard day's night. Поради нив ја засакавме музиката, а подоцна и музиката нè засака нас".
Вака почнува нов 40-минутен филм, документарно-игран колаж, кој зборува за остварувањето на соништата, „со помош на семејството, добрите луѓе и вистинските пријатели“. Во носталгична, банебумбаровска атмосфера, тој најпрвин ни ги претставува браќата Дејан и Бошко Бошковиќ и нивното растење со заедничката страст, музиката. Во 2014 тие се разделуваат - Бошко се сели за Норвешка, а Дејан останува во Ниш да биде „чувар на нивните спомени“.
„Кат“ до март 2020, и вестите на српската телевизија. Регистрирани се 41 случај на заразени со коронавирус. Не се исклучува можност за воведување вонредна состојба. Од Италија, каде е прогласен целосен карантин, пристигнуваат вознемирувачки вести за голем број починати. Но Италијанците не се предаваат, пејат и свират на своите прозорци и тераси, за така заеднички полесно да ја пребродат кризата.
Дејан наскоро треба да наполни 50 години. Претходната се одбележани исто толку од последниот концерт на Битлси на покривот на Севил Роу. И личната, и колективната ситуација како да го активираат алармот, дека е време плановите кои се одложувале „за некогаш“ конечно да се остварат. Меѓу нив и оној за заедничка свирка со пријателите на покривот, како пркос и на годините, и на пандемијата.
Филмот „Соништа“ е сепак многу повеќе отколку приказна за организирање еден концерт, што дури и самото по себе не е толку едноставно колку што изгледа. Тоа е комбинација на мотивационо видео, прирачник за самопомош и потсетник, на нештата што се важни, а на кои ни текнува само во несигурни времиња. Покривот на Дејан е претесен за сите луѓе, духови и приказни кои на него се собираат тој мајски ден. Но на некој магичен начин од таа тераса се простира поглед на целиот свет, а тој, ете барем во тие минути, делува некако поубав и поразнобоен отколку обично. Додека повеќето од нас чекаат некој друг да го стори тоа, Дејан знаел - the movement you need is on your shoulder.
Целиот филм тука:
