За тие што ги абат тастатурите уште од времето на Буш помладиот комплетно неверојатно изгледа целата ревизија што периодов се прави на ликот кој беше прогласуван за најлошиот и најнеквалификуваниот претседател на САД, претседателот чија интелигенција беше тема на општ потсмев, и претседателот кој ги постави основите за Гвантанамо, измачување затвореници и масовно прислушување како дома, така и низ свет, елементи кои пак некако успеаа да опстанат и една деценија по него.

Еден од клубовите со најрадикални навивачи во Израел, Беитар од Ерусалим во знак на благодарност до американскиот претседател реши во своето име да додаде и Трамп. Така ќе настапуваат на официјални натпревари.

Поранешниот лекар на актуелниот американски претседател тврди дека луѓе од Белата куќа лани упаднале во неговата ординација и ја однеле целата документација за Трамп откако овој во медиуми откри дека со години му препишувал препарати за раст на коса.

Откако првично ја поштеди ЕУ од тарифите што и ги воведе на Кина, Трамп деновиве на митинг пред своите симпатизери изјави дека веројатно и Унијата ќе добие тарифи, затоа што глуми дека е фина, а цело време ги искористувала Соединетите држави.

Америка нема пучеви или тенкови на улица. Меѓутоа постои еден вид длабока држава, и таа опфаќа бирократи од националната безбедност кои ги користат тајно собраните информации за оформување и спречување на активностите на избраните функционери, пишува професорот по право од Харвард, Џек Голдсмит, во текстот за Гардијан.

Мултимилионската тужба поднесена во судот во Менхетен обвинува дека претставници на кампањата на Трамп соработуваат со руската влада и нејзиното воено разузнавање за да и наштетат на Хилари Клинтон, преку хакирање на компјутерскиот систем на демократската партија и ширење на материјалите што таму биле откриени.

По подолго време убедувања од неговите најблиски соработници и советници, беше потребна интервенција од Емануел Макрон за Трамп да одлучи да не ги повлече двете илјади американски војници во Сирија, и да не се опушти со ширење слобода и правда од воздух.

Целта на нападот беше „уништување на хемиското оружје на Сирија“, имаше три потенцијални мети: научно-истражувачки центар во Дамаск и два склада за хемиско оружје во и околу Хомс, а беше изведен од правдољубивото трио САД, Британија и Франција.

Навивачите на сиријскиот клуб Тишрин спремија два транспаренти посветени на првиот човек на САД кој реши да ја нападне Сирија. Едниот е: „Доста убивате луѓе во име на мирот“, а другиот ќе го разберете.

Како што расте гневот кон големите технолошки компании и секој што ги злоупотребувал личните податоци, така Вол стрит на волеј реагира на секој неочекуван сигнал. Овој пат тоа беше твит од Трамп.

Како што е редот, Трамп во еден твит го потврди отпуштањето на досегашниот министер за надворешни работи на САД, Рекс Тилерсон, и го објави неговиот наследник, Мајк Помпео, досегашниот прв човек на американското разузнавање.

Сторми Даниелс е порно ѕвезда која може, а може и не, имала секс со Трамп пред повеќе од 10 години, отприлика во времето кога на американскиот претседател му се раѓа петтото дете (од третата сопруга). Од јануари годинава Даниелс станува една од најголемите потенцијални опасности за Трамп.

Едниот е син на поранешeн канадски премиер, а моментално и самиот премиер на Канада. Вториот е син на поранешен американски богаташ, а и самиот стана богаташ, кој моментално е претседател на САД. Разликата меѓу стариот и новиот модел е во тоа што на новиот барем засега му е битно да изгледа дека знаењето е важно и не е сè во парите, стариот одамна се има откажано од тоа.

„Американска утопија“ се случил непланирано. Брајан Ино му пратил неколку снимки со тапани, Брн почнал да експериментира, и одеднаш добил десет нови песни. Реалист, но не и циник или песимист, тој и овој пат го истражува моментот во кој живееме, велејќи во една од песните: „Ние сме туристи во овој живот/Само туристи, ама глетката е фина“.

Ако има поголема нејаснотија од тоа како Трамп е претседател на САД, тогаш тоа е - како воопшто се случува фризурата на Трамп. Деновиве на качување во авион, ветерот ја отвори икебаната од коса што американскиот претседател ја носи на глава, и луѓето станаа уште позбунети (и позгорзени).

Иако веќе подолго време зборува за неговата желба војници да маршираат низ булеварите на Вашингтон како претстава за воената надмоќ на САД, идејата за парада во главниот град на САД почнува да добива службена форма по еден состанок од 18 јануари во Пентагон меѓу Трамп и неговите генерали.

Републиканците од Разузнавачкиот комитет на Конгресот објавија меморандум на шест страни кој обелоденува тајни информации за работата на ФБИ во истрагата против Трамп и пропустите што Федералното биро ги има направено.

По повод првиот говор на Трамп за состојбата на нацијата, Џими Кимел како своја главна гостинка ја закажа Сторми Даниелс, порно-ѕвездата кој можеби земала 130.000 долари од Трамп за да молчи за една средба која можеби ја имала со сегашниот американски претседател пред неколку години.

Американската администрација размислува државата да преземе дел од националната мобилна мрежа, конкретно 5Г мрежата. Предлогот за национализација бидејќи доаѓа од советниците на Трамп за безбедност, се води како мерка за заштита на американската мобилна мрежа од Кина.

Во време кога Трамп успева да ја ужаснува целата своја околина однесувајќи се како што се однесува 70 и кусур годишен богаташ кому сите претходни претседатели и влади му дозволувале да прави што ќе посака и да заработува во систем што го наместиле во корист на побогатите, Вил Фарел го воскреснува ликот на Џорџ Буш помладиот, на кого дури и криво му паѓа колку брзо сè му заборавиле.

Човекот кој моментално раководи со САД како услов за службено патување во Лондон од британската премиерка побарал да им се забрани на сите да демонстрираат против него.

Спортската јавност и натаму се интересира за тенисерот кој се вика, верувале или не, Тенис Сандгрен и доаѓа од САД. Во Европа и не е нешто познат, ама во Америка околу него се водат жестоки дебати меѓу левицата и крајната десница.

Сè што организирано е против Трамп не може да дочека конечно да се докаже целата афера околу руското мешање во американските избори и победата на Трамп, нешто што исто така може да се толкува како колективен мелем за стравот и паниките од времето во кое се најдоа и сите промени што се случуваат. Исто така веројатно е и дека е претерано со доделувањето супермоќи на Путин и неговата способност за глобален куклар.