Досегашен хајлајт на новата серија на Саша Барон Коен веројатно беше моментот кога Дик Чејни му го потпиша комплетчето за вотербординг. Но, озлогласениот екс шериф од Аризона кој апсеше луѓе по боја на кожа (осуден па помилуван од Трамп) Џо Арпајо, секогаш сакал да предничи.

Најдобриот кошаркар на денешницата влезе во отворен спор со американскиот претседател кој прв почна. Многу познати личности застанаа зад Леброн.

29-годишната Мариа Бутина која пред неколку недели беше уапсена во САД под обвинение дека е руски шпион кој се обидува да се инфилтрира во републиканските кругови, сама на пијано се има издадено дека е руски шпион, и тоа не еднаш туку неколку пати. Со други зборови Русите во САД распоредуваат шпион кој не држи алкохол и кој не молчи за својата задача.

Како што е стандардно за изминативе две години, ваквите себе-проверки на Американците се предизвикани од вчудовидувањето кое настапи од тоа дека воопшто некој би гласал за Доналд Трамп, и сè што потоа следуваше.

За некого преводот е сиромашкиот братучед на литературата, нужно зло, па дури и богохулие. За други, преводот е мост за меѓукултурно разбирање и креативно толкување. Нова книга ги истражува обете страни на медалата.

Откако Трамп преку Советникот за национална безбедност, Џон Болтон, пушти абер дека сака Путин да му дојде на гости во Белата куќа, реакцијата на рускиот претседател беше - ништо. Цели пет дена ниту ја прифати, ниту ја одби поканата.

Признанието на доскорешниот адвокат на американскиот претседател дека Трамп бил известен за состанокот со Русите во јуни 2016 во Трамп тауер, нема да држи во суд доколку остане само на тоа едно сведоштво.

Ова е вкупната количина на вишок говедско, свинско, пилешко и мисиркино месо што моментално лежи во индустриските ладилници низ САД, и ако се производителите за верување, веќе снемува место за чување на вишокот.

Пред некој ден во емисија се испокараа Вупи Голберг и Џанин Пиро, за левица- десница, Трамп - неТрамп. Џанин сумира на кое дереџе е дојдена американска јавност: озлобеност, политикантство во сè, брат брата одфрендува заради политика.  

Во деновите по изборната победа против Хилари, Марк Закерберг лично му се јавува на Трамп за да му честита на него и на неговата кампања на победата, која потроши милиони долари на рекламирање на Фејсбук. Базфид објавува дека приватниот разговор е „само еден од серијата приватна поддршка на вработени на Фејсбук за начинот на кој кампањата на Трамп ја употребува платформата.“

И Путин и Трамп на самитот во главниот град на Финска пристигнаа со најтешката цивилна механизација со која располагаат - претседателските лимузини.

Од вторникот секој политички или воен лидер кој ќе нареди инвазија на странска земја ќе се смета за виновен за агресија, и ќе подлежи на казна од меѓународниот кривичен суд во Хаг.

И сите ќе одат кај семејствата што Трамп ги раздели на граница.

Трамп во Лондон меѓудругото беше дочекан и со балон „бебе Трамп“, кој освен што беше разочарување во однос на ветената големина и тоа како изгледа во реалност, како што ќе напише имамот Тавиди, и не зборува многу за луѓето што го „летаа“ балонот.

Трамп ни приближно не е првиот Републиканец кој јавно ја преиспитувал потребата од постоење на НАТО, пишува Питер Беинарт во анализа за Атлантик, потсетувајќи дека членството во НАТО, за жал, нема клучна врска со демократијата во таа земја. Во име на некој нов грант за борба против 'сè помоќниот непријател', ги чекаме Борјан и Орданоски да го прогласат и Атлантик за руска пропаганда.

„Трескавичното бладање на либералите на тема Трамп-Русија достигна статус на пародија“ е насловот на колумната на Метју Валтер во магазинот Вик, инспирирана од обемната главна сторија на новиот број на Њујорк магазин, чиј краен заклучок е дека актуелниот американски претседател од 1987 е агент на руската влада.

Кинеските власти баш и не можат директно да возвратат на заканите на Трамп дека ќе воведе тарифи на дополнителни 200 милијарди долари производи увезени од Кина, од проста причина што Кина годишно од САД увезува производи во вредност од максимум 130 милијарди долари.

Како што успешно ја заврши кампањата за брегзит, така Борис Џонсон беше назначен за министер за надворешни работи во новата британска Влада која требаше заеднички да ја носи државата низ преговорите за напуштање на ЕУ. Таму продолжи во истиот стил од времето кога беше градоначалник на Лондон, овозможувајќи и на Тереза Меј десетина пенали за без никакво двоумење да му даде отказ. На крај се случи обратното, Џонсон во знак на притисок врз Меј ја напушти британската влада.

Уште непочнат работниот дел од состанокот, во она уводно парче во кое новинарските екипи имаат пар минути да фатат фотографии и видео снимки додека главните играчи главно разменуваат куротазни погледи и пораки, Трамп реши на Столтенберг јавно да му плесне пар факти за тоа кој е под руско влијание.

Членките не уплаќаат членарина, Турција купува руски С-400 а некои овдешни будалетинки ја убедуваат својата лумпен публика дека ние сме биле главна ѕвезда на самиот на НАТО. Тејк ит изи.

Есента ни беше на гости на Скопскиот џез фестивал. Сега објавува нов албум под наслов „Песни на отпорот 1942-2018“. На една од нив му гостува и долгогодишниот соработник, Том Вејтс.

Светската здравствена организација и нејзините делегати од стотина земји биле подготвени брзо и без проблеми да обноват резолуција за важноста на мајчиното млеко. И потоа наишле на делегацијата на САД која на некои земји им ставила до знаење дека мајчино млеко ќе проплачат ако не се пишманат. 

Наведувајќи со што сè ЕУ моментално се справува, и нејзината неспособност да постигне „голем договор“ кој ќе ги опфати клучните проблеми, професорот од Принстон по Историја и меѓународни работи, Харолд Џејмс, објаснува дека главниот проблем е сложеноста на ЕУ која речиси не е опремена да функционира во времиња на хаос како денешниве.

Саудиска Арабија, Јордан и Палестина, секој во одделни прилики, го предупредиле Израел околу зголеменото влијание на Турција во Источен Ерусалим, наведува израелскиот весник Хаарец.

На Доналд Трамп му доаѓа убаво кој било од Холивуд да го пофали, не па еден од култните фигури на филмската уметност. Дејвид Линч во актуелниот претседател гледа потенцијал да стане еден од најголемите претседатели кои САД воопшто ги имале. Оние што се ежат на Трамп викаат дека ваквата изјава на Линч му ја разбираат колку што му ги разбираат филмовите.