Иако вториов е неспоредливо поевтин и има многу безбедна историја на користење, доволно беше некој од  горе да намигне во другата насока и ремдесивирот преку ноќ да стане хит во борбата против ковид-19. Има ли пари во оваа приказна? Нормално дека има. 

Два твита на американскиот претседател добија придружно предупредување дека се спорни во поглед на изнесените факти. На Трамп не е човек да му верува ама застрашувачки изгледа и иднината во која врховен судија на тема вистина ќе имаат моќни мултинационални приватни корпорации кои бркаат профит.   

Поддршката која Џо Бајден ја доби од спикерот Неси Пелоси и убавите зборови кои таа ги упати на адреса на демократскиот коњ во претседателската трка, екипата на Трамп реши да ги дооопише со негови гафови и проблематични ставови расфрлани по медиумите последниве години. Кога за гафови некого решава да ремети некој како Трамп, јасно ви е колку јак избор овојпат имаат Американците.

Маска - Основна заштитна опрема на секој поединец и популарен моден детал. Се носи така што се мести под брадата, да ви ја придржува вилицата, за да не шетате со отворена уста. Во крајна нужда може да се стави и преку уста ама така што носот да остане слободен. Ако се навлече и преку нос, тогаш човек не може да дише, наочарите му се замаглуваат и може да умре.

Многумина веруваат дека Доналд Трамп знае често да каже лага затоа што едноставно е таков - лажго. Но, има една друга, веројатно позагрижувачка можност: дека толку му сече.

Милорад Додик! Послушајте го ова него бескрупулозно пресметување со политичките противници при што апла во фаца им вика дека ги знае што олош се бидејќи ги прислушува. Па ги хушка едни против други. Ни свиркачи, ни анонимни доставувачи кои демек оставиле некаков материјал во двор, ништо од тоа. Директ: „“Нема власт која не ја прислушува опозицијата, жалете се на Транспаренси, на кого сакате!“, ќе го каже Додик она што Никсон не смееше да помисли да го изусти.

Британскиот министер за здравство со нетрпение чекаше да може да каже дека медиумите претерале, изјавувајќи „искрено, прашањата што ни ги поставуваат новинарите во моментов иритираат голем дел од јавноста.“ Прашањето на новинарката на Атлантик е „Зошто тие што се на власт така се расфрлаат во својата моќ?“ Одговорот од нејзе е „Затоа што можат“.

Во последниот пиар потег подеднакво насочен кон оние што не го поднесуваат и кон оние што се крстат во него, Трамп реши да ја прекине 40-годишната традиција и да не го открие претседателскиот портрет на Обама.

Петер Фицек е дел од радикално десничарско движење кое го одрекува постоењето на модерната германска држава. Рахјсбургерите - неговите поданици - имаат свој пасош и свои „ангелски“ пари. Колку и да звучи откачено, сето ова со години функционира, и покрај обидот на властите за растурање на „кралството“.

Германската Бундеслига се врати. Имаше неколку интересни натпревари, голови, но и тажни празни трибини.

Не требаше да дојде коронавирус за Трамп да им е неподнослив на Американци, ниту пак за тој да се однесува поинаку од сите други светски лидери, само сега разликата е што многу повеќе животи се во прашање.

А од кај знаеш, можеби стварно му е внук на Трамп.

До пред само неколку месеци главно обележје на делувањето на кинеската дипломатија беше дискретност и енигамтичност, која требаше внимателно да се следи за да не се превиди некој суптилен знак. Сега Кинезите почнаа да лупаат по маса.

Малку е необично после толку долга историја на радиото, дури оваа, 2020-та, да се воведува Пулицер за аудио новинарство, категорија која вклучува радио програми и подкасти. Погледнато од добрата страна, ова е големо признание за авторите и продуцентите на подкасти, но и поттик за оние кои допрва мислат да се занимаваат со овој жанр. Ние, признаваме, се навлековме.

Бајден моментално има значителна предност на најголемиот дел од анкетите, а Трамп и понатаму е под опсада заради задоцнетиот и неадекватен одговор (за најбогатата земја на светот) на коронавирусот, и во ваква ситуација, на денешен ден, инвеститорите и кладилниците, предност му даваат на Трамп како победник на претседателските избори во САД.

Во обраќање пред нацијата Мадуро објави дека се уапсени двајца Американци, по име Лук Денман и Аиран Бери, кои работеле за американската компанија за безбедност Силверкорп. Мадуро ова го знае затоа што двајцата со себе ги носеле сите документи.

Пред 7 недели Јужна Кореја и САД имаат ист број на смртни случаи од ковид-19. Денес, Јужна Кореја (на 52 милиона луѓе) има вкупно околу 300 смртни случаи од вирусот, САД имаат над 70.000 смртни случаи од вирусот.

Во средата вечер, на МСНБЦ, економистот Џефри Сакс стигна до вести со изјавате дека „Доналд Трамп е најлошиот претседател во историјата“ и „идиот“, но Хелејн Олен, која пишува за Вашингтон Пост баш и не обрнува внимание на тоа - вниманието ѝ го одвлекува - косата.

Во моментот кога Форбс последен пат се слуша со Канје, тој вели: „Не сум ти јас по бројките. Да ме тераш ова да го претворам во бројки е како да ја прашуваш баба ти точно по каков рецепт е тортата.“ Ама сепак, има еден број што на Канје не му дава да поспие во неговиот беж ентериер. Милијарда.

Иако цело време тлееше, теоријата дека ковид-19 (сакајќи или не сакајќи) е излезен од лабораторија доби сериозна тежина откако стана една од алатките за поткусурување меѓу администрацијата на Трамп и Кина. Американски научници што немаат што да поткусуруваат се на сосема спротивната страна од оваа теорија.

Доналд Трамп, бизнисмен по образование и професија, со моментален ангажман како претседател на САД, најлаички запраша дали може луѓето да се вшприцува со средство за дезинфекција како лек од коронавирус, и сега на цел здравствен систем и експерти околу него треба да им паднат пломби од објаснување дека човек не треба да се вшприцува со средство за дезинфекција.