- Американската агенција за меѓународен развој (УСАИД) и официјално повеќе не постои. Претседателот Доналд Трамп постепено ја укина поради непотребни и штетни трошоци.
- До март беа укинати повеќе од 80% од програмите на агенцијата. Остатокот, кој опфаќа околу 1.000 програми, денеска беше формално префрлен врз Стејт департментот.
- Поранешните претседатели Барак Обама и Џорџ Буш ја критикуваат одлуката за затворање на најголемата светска програма за меѓународна помош. Истражување објавено во медицинскиот журнал Lancet укажува дека кратењето на помошта може да предизвика 14 милиони предвремени смртни случаи до 2030 година.
- Стејт департментот возвраќа дека тоа се неточни претпоставки и инсистира дека САД ќе продолжи да администрира меѓународна помош на поефикасен начин.
- УСАИД беше основана е во 1961 година и маше околу 10.000 вработени, од кои две третини во мисиите низ светот. И претходно, а особено откако Трамп се врати во Белата куќа, беше поврзувана со низа скандали и со сомнителни финансирања.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
