- Пентагон тврди дека американските напади врз иранските капацитети ја вратиле назад нуклеарната програма на Иран за една до две години.
- САД на 22 јуни нападнаа три ирански нуклеарни капацитети со десетина бомби „бункербастер“ од 13,6 тони и со дваесетина крстосувачки проектили „томахавк“. Претседателот Трамп го опиша нападот како „еден од најефикасните во историјата“, но од Пентагон протекоа документи што укажуваа дека постројките не биле сериозно оштетени, а Иран го префрлил збогатениот ураниум на други локации.
- „Ја деградиравме нивната програма за една до две години, барем така кажува внатрешната проценка во Пентагон. Сите разузнавачки податоци што досега ги имаме ни укажуваат дека иранските капацитети, особено тие што ги погодивме, се целосно уништени“, изјави портпаролот Шон Парнел.
- Рафаел Гроси, шефот на агенцијата на ОН за нуклеарна енергија, во неделата изјави дека Иран би можел по неколку месеци да го продолжи процесот за збогатување ураниум.
- Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
- Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
- Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
- За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
- Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
- Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
- Просекот е 7 урагани во сезона, од кои 2 до 3 се во септември.
- Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
- Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
- Најмалку, само по два, имало во 1982 и 2013 година.
