Тузланскиот судија Бекир Кравиќ на дербито меѓу Жељезничар - Црвена Звезда во најдобрата лига на поранешна Југославија, му удрил глава на Среќко Илиќ од Жељо и за таков гест бил ригорозно казнет. Видеото стигнало и до една култна емисија во Британија - Saint & Greavsie каде Иан Џон и Џими Гривс коментираале поштапалици од фудбалски терени.

Во 11. коло од аргентинската Примера Дивизион, Годој Круз и Велез Сарсфилд одиграа 1-1. Домаќинот поведе по само 2' минути игра преку Пјер Бариос а најголем виновник за тоа е 33-годишниот голман на Велез Лукас Хојос кој направи невидена грешка.

Александер Медина, тренерот на аргентински Велез Сарсфилд како да подзаборави дека не е во теренот. Ама судијата набрзо го потсети по глупоста што ја направи врз фудбалерот на Годој Круз Максимо Пероне.

Додека Тотенхем се спрема во Израел да одигра пријателска со Рома, бразилското трио Ришарлисон, Лукас Мура и Емерсон решија да го оладат Кореецот Сон.

Македонија Ѓорче Петров ги заврши евро настапите откако синоќа во Софија со 4-0 загуби од повеќекратниот бугарски првак ЦСКА. При водство на домашниот состав од 1-0, пред крај на првиот дел бугарскиот коментатор на ТВ Диема не издржа да не вмеша политика и историја па тврдеше како Ѓорче Петров бил б'лгарин.

Фудбалерите на тетовска Шкендија славеа со 3-1 против летонска Валмиера во реваншот од 2. квалификациско коло за пласман во Лига Конференции. Голот на македонскиот репрезентативец Љупче Дориев за 2-1 во 33' минута ќе конкурира за најубав гол во квалификациите на овој УЕФА турнир.

Жоржињо и Каи Хаверц против Тиаго Силва и неверојатно фудбалски спремната Наталија Гвитлер на партија сервис на маса, игра позната како Текбол. Да може човек цел да ги гледа.

Најдобриот тренер на денешницата има свои методи на работа за кои многу играчи рекле дена се најсовршени. Пеп Гвардиола минатата сезона пред големи дерби дуели ги мотивирал фудбалерите да гризат со топка и по топка.

Второто квалификациско коло, раната фаза од европските квалификации значи и елиминација на дури 11 клубови од просторите на поранешна Југославија. Скоро сите од нив испаднаа од анонимни клубови кои не може да се најдат ни на мапа.

После повеќенеделен молк, Португалецот кој уште не е прибран во Манчестер Јунајтед и ги пропушти целите подготовки само затоа што наводно сака да замине, конечно се огласи.

Атлетико Мадрид на Диего Симеоне со 0-4 ја победи Нумансија на пријателска средба пред почетокот на новата сезона во шпанска Примера. Лемар, Кореа, Кондогбија и Матеуш Куња ги дадоа головите ама најјак момент од мечот беше еден млад дечко кој тргна да прави селфи со Коке на сред корнер.

Во четвртфинале на Куп на Еквадор, Индепендиенте дел Ваје со 1-3 ја совлада Имбабура во луд натпревар со три црвени картони, гол во 90+7’ минута и гол во 90+15’ минута од длабоко судиско продолжение. И тоа какво голчиште! Од гол на гол буквално.

Бенџамин Шешко има 17 години. Роден е во малото градче Радече во Словенија во 2003-та. Играл за матичниот клуб од местото каде е роден, па во Рудар Трбовље, Кршко и Домжале. Во јуни 2019-та богатиот Ред Бул Салцбург потпишува договор со него и го кали во филијалата Лиферинг.

Ким Мин-џа е нов стопер во Наполи. Има 25 години, доаѓа како замена на карпата Кулибали кој отиде во Челси летово. Го викаат „Ѕверот“ а кариерата ја почнал во татковината Јужна Кореа. Во 2019-та оди во Кина каде игра за Пекинг Гуоан а во август 2021 го засили Фенербахче. После турскиот клуб доаѓа во Наполи за 18,05 милиони евра.

Ивица Јуриќ, хрватскиот стратег кој неколку сезони по ред пристојно води разни италијански клубови а од 1 јули 2021-ва стана тренер на Торино, во средата бил нападнат од спортскиот директор на клубот на сред улица во Австрија каде клубот е на подготовки.

Навивачите на Фенербахче ги провоцираа симпатизерите, фудбалерите и стручниот штаб на украинскиот Динамо Киев во рамки од квалификациите за Лига на шампиони.

Деветнаесет годишниот Хамад Меџедовиќ во моментов важи за голем талент во Србија и пред неколку дена го освои првиот важен трофеј во кариерата, на турнир во Луденшајд (Германија). За Хамад јавноста дознава сега кога татко му откри колку многу им помогнал Новак Ѓоковиќ.

Прва, не втора, не трета, не селска лига. Прва аргентинска лига. По натпреварот меѓу Баракас Сентрал и Патронато кој завршил со победа на домаќините од 2-1, гостинските фудбалери со сета сила ѝ се пуштиле на полицијата незадоволни од, пази, судиски одлуки. А овие ни пендрак да извадат.

Горан Пандев денес, на 27. јули полни 39 години (Гоче е роден во 1983-та). Неговиот роденден не го забораваат ниту Серија А, лига на која и даде толку многу, ниту Интер со кој Македонецот освои историска триплета под водство на Жозе Мурињо (Лига шампиони, скудето и Куп на Италија).

Шапекоенсе и Гремио одиграа без голови во средба од бразилска втора лига Серија Б а гостинскиот фудбалер Битело во 31’ минута доби директен црвен картон поради старт без памет.

Во 1. коло од германската 3. лига, Вехен Визбаден поведе 1-0 против Борусија Дортмунд II преку Густаф Нилсон ама само благодарение на невниманието на гостинскиот голман Лука Унбенхаун кој погрешно разбрал една ситуација. Мислел дека судијата досудил прекин па ноншалантно си ја спушти топката. Ама налета Нилсон и го реши. До крајот гостите израмнија на 1-1 па извлекоа бод.

Ајакс го победи украински Шахтјор Доњецк во склоп на подготовките на двата тима пред стартот на новата сезона. Домаќините победија 3-1 ама момент на мечот беше неверојатниот пробив на гостинскиот фудбалер, 21-годишниот Михаил Мудрик кој се прослави на славната „Јохан Кројф Арена“. Веќе за него се заинтересирале големи клубови кои се спремни да платат и 20 милиони евра на клубот од Доњецк кој со талентот има договор до 2026.

Откако на првиот натпревар во Загреб навивачите на Динамо и на Шкупи, Бед Блу Бојс и Шверцери скандираа погрдно на сметка на Србите, иста сцена следуваше и на реваншот одигран во Скопје. И двата инциденти останаа незабележани од УЕФА, барем за сега.

Репортер на бугарскиот медиум Dsport.bg во вторникот бил во најавена посета на македонскиот европретставник Македонија Ѓорче Петров, ривал на ЦСКА Софија во квлаификации за Лига Конференции. Тренерот на Ѓорчепетровци, Муарем Бајрами како прав домаќин го прими гостинот и го прошета низ клупските простории.