Кошаркарски натпревар (најверојатно во Италија) кој не успеавме да го дешифрираме, а и не е тоа толку битно. Она што може да се забележи е дека режијата е во страшна дилема, но добро си ја заврши работата. Го задржа убавиот кадар во публика колку што треба, а потоа се префрли на тајм аутот, кој со оглед на тоа како заврши, веројатно го води српски тренер.

И децава не се тоа што беа. Бара фотографија од играч на Ливерпул, а му вади дрес од Јунајтед. Оди на Јап Стам напрај му вака.

Саудиска Арабија го славеше денот на независноста, а своја интерна прослава организираше и Ал Наср во која го вклучи и најплатениот фудбалер во историјата. Се појави со сабја и традиционална облека.

Понесени од пресот на Пеп кој проблемите со грлото на Де Брујне ги објасни во стил на комичар, на работа фативме да ги споредуваме прес конференциите на нашите тренери со оние во Италија, Шпанија, Англија... Колку се они понапред, отворени, инвентивни, храбри, често пати и заебанти. Нашиве како на парастос. Два различни света.

10 јуни, Олимписки стадион Ататурк. Тоа е датумот и местото на одигрувањето на финалето од Лига на шампиони, на кое Ливерпул нема да игра, освен ако не го победи Реал на гости 0:4 па им тргне до крај. Закажано, па откажано. Причина: Клоп ме излажа.

Фудбалерите на Интер со 1:0 го совладаа Порто во првиот дуел од осминафиналето. Стрелец во самиот финиш беше Лукаку, во моментите кога гостите играа со играч помалку. Во Германија, Лајпциг и Сити ремизираа.

Со головите на Марез и Гвардиол, Лајпциг и Манчестер Сити одиграа 1:1 на првиот осминафинален дуел од ЛШ. Во судиското продолжение имаше несфатливо чудна одлука, кога Бенџамин Хенрикс не со една, туку со две раце направи пенал. Гостите се бунеа, ама ни судија реагираше, ниту ВАР имаше.

Вечерашните противници во Лига на шампиони, последен пат се сретнаа во осминафинале сезоната 2004/2005. Интер на гости одигра 1:1, а дома победи 3:1. На клупа беше Манчини и ги имаше славните Матераци, Ѕанети, Верон, Камбјасо, Станковиќ, како и во тоа време извонредниот Адриано кој блесна со три погодоци.

Германски Скај организирал необичен настан. Две групи млади луѓе навивачи на Борусија Менхенгладбах и Баерн Минхен ги гледаат своите клубови, пренос во живо, но не смеат да испуштат глас. Има судија кој дели казнени поени за тимот чиј член ќе испушти глас. Победникот добивал пристојни награди.

Шпанскиот тенисер кој е прв носител на АТП 500 турнирот во Рио Де Жаниеро го водеше Бразилецот Матеус Алвес со 6-4, 5-3 и беше на само еден гем до победа, но силниот дожд не дозволи да го доиграат мечот. 19 годишниот Алкараз ги прибра децата кои собираат топчиња со него под стреа, а истото го направи и лани, на истиот турнир.

Во саботата да ти имало прејако скандирање кое мора да го чуете, меѓу навивачите на Нотингем, инаку европски прваци 1979 и 1980 и навивачите на Сити кои никако да освојат ЛШ. Значи можело без мајки, шајки. Завршниот удар го задаваат домаќините кои им го спуштија на крај.

Наполи знае многу добро да погоди трансфер. Во 2020-та за Виктор Осимен на Лил му платија 70 милиони евра, рекорд за африкански фудбалер. Дечкото гази и стана миленик во градот. Сезонава има 20 гола на 24 средби на сите натпреварувања и е прв стрелец во Серија А. Деца во Неапол почнаа да се маскираат во Виктор Осимен.

Се случува во многу земји, исто и кај нас и на фудбал и на ракомет. Знае тоа да биде поради превласт на трибина или поради многу алкохол, па потоа го имаш она „Што ме гледаш на криво?“ Наполи синоќа ја освои тешката тврдина во Франкфурт, ама нивните навивачи имаа некакво незадоволство или па можеби нерасчистени сметки меѓу себе.

Фудбалот бил единствена шанса на Виктор Осимен да куртули од големата сиромаштија во која живеел. Во детство останал без мајка, почнал да работи на 6 години, а во 2018-та година не можел да најде клуб и добил отказ во Белгија. А денес Барселона, Реал Мадрид и другите гиганти прашуваат колку треба да дадат за него.

Покрај атракциите од НБА, и во Евролига има мастраф за кошаркарските мераклии. Најдобри десет потези од најдобрите тимови на Стариот континент.

Чилеанецот Марселињо Нуњез кој има 22 години и игра за Норвич, го постигна голот на сезоната во англиски Чемпионшип. Неговиот тим го победи Бирмингем 3-1, Нуњез даде два гола од кои еден му беше невозможен а имаше и асистенција за гол.

Ултрасите на Ајнтрахт Франкфурт го откажале кортеото пред мечот со Наполи, со образложение дека добиле ограничувања наметнати од пожарна и полиција. Да им ја видиме алтернативата.

Вечерва продолжува Лига на шампиони, а Манчестер Сити гостува кај Ред Бул Лајпциг во Германија. На прес пред мечот, Пеп Гвардиола одговарал на новинарски прашања, а сликовито објаснил зошто не допатувал најдобриот играч во тимот, Кевин Де Брујне.

Во својата петта сезона во Амстердам, Душан Тадиќ стигна до убав јубилеј од 100 гола за Ајакс. За подвигот, децата во основното во Бачка Топола каде што завршил, добија 100 нови топки од клубот. Каков гест во чест на капитенот.

Ливерпул тргна силно и после 14 минути му даде два гола на Реал Мадрид. Во тие моменти никој не претпоставуваше што му се случи на домашниот тим. Реал прво израмни до крајот на првиот дел на 2-2 со головите на Винисиус, а до крајот ги згромија црвените со страшни 2:5. Навивачите на Реал Мадрид со овации ги испратија домашните навивачи и за тоа добија пофалби ширум Европа. Прашање е дали би скандирале Ливерпул да не победеа.

Наполи сезонава е сериозен тим кој дроби во Италија со неверојатна предност од +15 пред второпласираниот Интер. Истовремено се заканува и во ЛШ, каде ја освои многу тешката тврдина на Ајнтрахт Франкфурт. И тоа со страшна доминација од 67% посед на топка, 17:5 во удари од кои 10:1 во рамки на гол. Откако Осимен го отвори резултатот, младиот Грузиецот кој веќе стана ѕвезда, му сервираше многу мангупска топка на Ди Лоренцо за конечни 0:2.

Тимот на Јирген Клоп игра сезона за заборав. Паралелно со очајните резултати во Премиер лига, каде пркнаа последниве две кола, се соочи со дебакл уште во осминафиналето од ЛШ. Од 2:0 против Реал, пукна срам со пораз од 2:5. Осимен и Ди Лоренцо се изборија за ветувачки резултат на Наполи кој доминираше во Германија со 67% посед на топка и 17:5 во удари. Кварацхелија промаши пенал, Елмас влезе во 80-та.

Ливерпул и Реал Мадрид приредија уживање во првите 45 минути за сите пари. На брзите голови на Нуњез и Салах после 14 минути игра, Винисиус возврати со два комада за 15 минути. По киксот на Куртоа, слична глупост направи и Алисон.

Осминафиналето Ливерпул - Реал Мадрид, како реприза на финалните битки во 2018-та и 2022-ра, стартуваше спектакуларно со многу рано водство на домаќините од 2:0. Тибо Куртоа капитулираше очајно лошо во 4 и 14 минута, прво со Дарвин Нуњез кој му изрежира супер атракција, а потоа против Салах на кој практично му подари гол.