Ако на некој уште не му е јасно колку Италијанците обрнуваат внимание на кафето (и храната се разбира), нека слушне што зборуваше царов за време на пренос на ОИ. „Во прес центарот има кафе, кое веројатно го прават со водата од реката Сена“.

Не се ова Олимписки игри, туку трка под името „Sprint With The Stars“ или можност на деца пливачи да се тркаат на 50 метри со олимпиец.

Ѓоковиќ лесно го суреди Надал со 2:0, но ќе беше уште полесно ако го немаше оној пад при водство од 4:0 во вториот сет. Ако треба да го избереме најатрактивниот поен кој му го зема на човекот кој царува на земјината подлога на Роланд Гарос со 14 трофеи, тогаш тоа е ова безобразно враќање, за кое и од противникот доби аплаузи.

Кралот на земја има само 5 порази на Роланд Гарос на дури 117 меча. Три од нив му се од Новак Ѓоковиќ.

Добро, уличниот скејтбординг е спорт во кој доминираат тинејџери, но сепак не е дека на секои четири години златото го освојуваат девојчиња на нејзина возраст. Ова е врвно и многу ретко олимписко достигнување.

Таа нивна битка на Олимписките игри датира од полуфиналето во Пекинг 2008. Тука Рафа има 22, а Новак 21 година. Шпанецот победи 2:1 и се пласираше во финале каде го совлада Чилеанецот Фернандо Гонзалес и тоа му е единствен златен олимписки медал. Ѓоковиќ остана на бронзата.

На Олимписките игри има место само за најдобрите.

Ута Абе има 24 години и во последните 8 години има освоено 22 медали од кои 19 златни. Се работи за четирикратна светска шампионка, која во Париз беше дојдена со една цел, а тоа е да го одбрани златото во џудо во категорија до 52 килограми. Но во второ коло загуби од Узбекистанката Диора Келдијорова, а тоа значи крај на Олимписките игри, како да е крај на светот. Тренерот никако не успеваше да ја смири. Во очај беше.

Анастасија Мојсовска e втората македонска спортистка која настапи на Летните олимписки игри во Париз, како и втора за која е завршена Олимпијадата.

Легендарниот француски комичар и јутјубер Реми Галард кој го држи 100-от најпретплатен канал за комедии на Јутјуб со 7,4 милиони претплатници, веќе е во полн трк на Олимписките игри. Овде само златни медали гледаме.

Олимписките игри и официјално се отворени. Париз направи спектакуларно и уникатно 4 часовно шоу, невидено до сега, бидејќи не се одржа на стадион, туку на отворено, во центарот на градот, со многу гламур, мода, уметност, спорт, музика. Церемонијата на лице место ја следеа околу 300.000 луѓе.

За едни како да беше вчера, други пак не биле ниту родени. Олимписките игри во Барселона 1992 се култи и незаборавни по многу нешта, како на пример незаборавниот дрим тим на САД, но и уникатниот начин на кој беше запален олимпискиот котел.

Со почеток од 19:30, стартуваше до сега невиденото дефиле на преку 10.000 спортисти на Олимписките игри во Париз кои за прв пат парадираат на река, а не на стадион.

За сите спортови со исклучок на тенис, најевтината карта е 24 евра. Најскапите карти се продаваат за атлетика, кошарка и пливање и тие чинат 980 евра, а најевтините три спортови се скејтбординг, БМX и веслање. Задоволството да се следи отворањето чини од 90 до 2.700 евра.

Пиклбол е мешавина на тенис и пинг понг измислен во Америка пред 60 години. Водечките тела на овој спорт тврдат дека Меѓународниот олимписки комитет сака да го признае и да го вклучи на Олимпијада после 2032-ра.

Фудбалот стандардно тече на Олимписките игри веќе трет ден, пред вечерашната церемонија од официјалното отворање. Фудбалерките на САД ја совладаа Замбија со 3:0, а за одбележување е голот на Тринити Родман, која со еден интелигентен потег исфрли две дефанзивки, а потоа ја матираше голманката.

Се работи за стар двобој во кој четирикратниот шампион на НБА го победи во пливачка трка, освојувачот на 28 златни олимписки медали. Добре де, со предност.

Историјата за словенечниот велосипедизам и спорт воопшто беше прославена достојно во центарот на Љубљана. На бината се појави херојот Тадеј Погачар кој стана прв велосипедист во 21 век, кој во иста година успеал да ги освои двете најголеми трки, Џиро д’Италија и Тур де Дранс. Ама пивнал. Епа ќе пивне. Заслужил дечкото.

Ждрепката на Олимписките игри во тенис, не можеше да биде попривлечна за неутралната публика, а понесреќна за Новак Ѓоковиќ и Рафаел Надал. Едниот од нив двајца ќе мора порано да ги пакува куферите.

Кражбата не е направена во Париз, туку во Брисел, а ограбен е австралискиот шампион во BMX, Логан Мартин, кој освои златен медал во Токио 2020. Го ограбиле додека бил таму на подготовки. Имал голема среќа што велосипедите не биле во обиеното комбе, па крадците му го украле новчаникот, ранецот и уште неколку работи како како на пример сок кој го испиле на лице место. Дел од клупата пронашле во парк, како на пример шлем, ракавици, маса за масажа и други предмети.

Не знаеш дали е погласен звукот на стативата или на публиката. Замислете ова да влезеше во гол пречка. Дупка ќе направеше во земја. Топ над сите топови.

После 24 Гренд слем титули на Ѓоковиќ, 22 на Надал и 20 на Федерер, мислевме дека сè сме виделе во тенисот. Ама не е така. После овој клип имаме гем, сет и меч.