Патеката во Бормио како да е правена за неверојатниот Фрањо Вон Алмен. Тој не беше главен фаворит за златен медал во супер-џи но покажа дека и тоа како добро знае да скија во дисциплината која не му е најдобра страна.
Со број 7 на дресот Швајцарецот извозе спектакуларно и со време од 1:25,32 за 13 стотинки го надмина во тој момент водечкиот Рајан Кохрејн од САД.
Со ова освоено трето злато Фрањо Фон Алмен стана само трет скијач во историјата на овој спорт со дури три злата на едни исти Зимски олимписки игри. Пред него таков подвиг оствариле Тони Зилер од Австралија (1956-та во Кортина Д'Ампецо) и Французинот Жан Клод Кили (1968-ма во Гренобл).
Од тогаш до денес ниту најголемите скијачки ѕвезди во секоја ера не успеале да стигнат до ваков епски хет-трик.
Franjo von Allmen won the first gold medal of #MilanoCortina2026 in the men's #AlpineSkiing!
— The Olympic Games (@Olympics) February 10, 2026
We meet him in his hometown of Boltigen, Bern, where the most chill motocross fan off the slopes shows us a different side.🤩
Watch the full #AthletesToWatch episode ➡️:… pic.twitter.com/TmRYrcrIgo
Втор на трката во супер-џи на крај беше Американецот Рајан Кохрејн кој сребрен медал освои и пред четири години на ЗОИ во Пекинг во истата дисциплина. Трет заврши и бронзен медал освои најголемиот фаворит за злато пред трката, Марко Одермат кому супер-џи му е најомилена дисциплина.
Ова е втор медал за Швајцарецот Одермат на Олимписките игри а тој заостануваше зад својот сонародник и репрезентативен колега 28 стотинки. Одермат има златен медал во велеслалом од Пекинг 2022.
Следната дисциплина во алпско скијање кај мажите е велеслалом во сабота на 14-ти февруари.
