- Два сериозни спорта со голема и долга традиција најверојатно ќе бидат изоставени од следните Олимписки Игри. Претседателот на Меѓународниот олимписки комитет (МОК) Томас Бах вели дека биле загрижени што во овие два спорта, бокс и кревање тегови, нивните меѓународни федерации имале големи проблеми во организацијата на нивните спортови.
- Големиот број допингувани натпреварувачи во кревањето тегови се смета за најголем проблем во овој спорт
- Во водењето на боксот утврдени се неправилности, пред се во необјективно судење на боксерскиот турнир на ЛОИ 2016 во Рио Де Жанеиро каде наводно најмалку 10 борби биле наместени и лошо се судело. Сомнително и спорно било судењето на финалниот меч на шампионот на тие Олимписки Игри Французинот Тони Јока кој претходно во полуфинале го совлада хрватскиот шампион Филип Хрговиќ.
- МОК ја исклучи АИБА (Меѓународната боксерска федерација) од својот список на легитимни федерации зошто АИБА долго била вмешана во свет на сомнителни и коруптивни зделки. Во јуни 2019 Гафур Рахимов од Узбекистан морал да ја напушти претседателската функција на АИБА поради обвиненија за криминални зделки меѓу кои и криумчарење дрога. САД распишал потерница по него.
- Светскиот рекет број 1 Јаник Синер денес преку видео порака на своите налози објави дека ја завршува сезоната предвреме. Причина за тоа е желбата да се опорави во целост од повредите.
- „Јас, заедно со лекарите решивме дека ми е потребен третман на коленото што значи дека сезоната 2026 е официјално завршена. Последните неколку години особено завршницата во Торино ми дадоа толку многу убави чувства и емоции кои годинава ќе бидат поинакви.
- Но во моментов размислувам и за мојата долгорочна кариера. Ќе направам се што е можно да се вратам 100% подготовен. Ви благодарам однапред за вашата поддршка и се надевам дека ќе ве видам многу, многу скоро пак на теренот“, рече Синер.
- Италијанецот сезонава доминираше и освои дури пет Мастерси во низа: Индијан Велс, Мајами, Монте Карло, Рим и Мадрид. Освои и Гренд слем титула на Вимблдон, а поради повреда изгуби од Серундоло на Ролан Гарос во Париз.
- Беира Салифоска, позната како Беки, уште еднаш покажа дека со упорност, поддршка и силна волја можат да се поместуваат личните граници. Заедно со својот асистент, таа успешно ги истрча сите 21 километар на Wizz Air Скопскиот маратон.
- Беира е лице со целосно оштетен вид од раѓање, а нејзиниот настап на полумаратонската дистанца претставува голем личен подвиг. Пред неколку години таа веќе беше дел од Скопскиот маратон, кога успешно ја заврши трката на 5 километри. Овојпат предизвикот беше повеќе од четирипати подолг.
- „21 километар храброст, сила и инспирација! „Горди сме на тебе, Беира! Ти си вистинска инспирација“, објавија од Државното училиште за деца и младинци со оштетен вид „Димитар Влахов“ – Скопје.
