Чистка на Истокот, Кливленд и Визардс одат понатаму, Далас преживува

Кошаркарите на Вашингтон и Кливленд се пласираа во следната рунда на источната конференција. ЛА Клиперс го доби Сан Антонио и израмни на 2-2 во серијата, во која Далас уште се држи со Хјустон Рокетс.

Кливленд стигна до првото полуфинале од 2010. година кога ги напушти Леброн Џејмс. „Кралот“ синоќа беше најзаслужен за триумфот на Кавси од 101:93 против Бостон Селтикс.

Леброн уфрли 27 поени со 10 скокови и 8 асистенции, а голема поддршка имаше од Кајри Ирвинг кои исто така имаше дабл-дабл учинок со 24 поени и 11 скокови. Кај Селтикс, кај ја загуби серијата со 4-0, најефикасни беа Ајзеа Томас и Џеред Салинџер со по 21 поен. Натпреварот го одбележи и повредата на Кевин Лав, кој во првата четвртина го повреди рамето и не се врати на паркетот.

Кливленд во четвртфиналето на плејофот го чека победникот од дуелот Чикаго - Милвоки. Во таа серија, Булси водат 3-1.

Леброн се загреваше со страшни забивања:

Краудер и Перкинс ќе ја направеа голема за малку:

Џеј Ар Смит го повреди Краудер по што ќе добие суспензија:

ЛА Клиперс му го вратија брејкот на Сан Антонио, откако славеа вчера во Тексас 114-105. Крис Пол беше најзаслужен што Клиперс израмнија на 2-2 и ја вратија серијата во Лос Анџелес. Пол ја одигра можеби и најдобрата партија сезонава. Постигна 34 поени а имаше и 7 асистенции.

Клиперс го загубија претходниот меч со негативен рекорд од 73 постигнати поени, а синоќа уфрлија двојно повеќе затоа што шутираа со 54% успешност. Редик постигна 17 поени, а Грифин беше фантастичен со 20 поени и дури 19 скокови. Синот на тренерот Док Риверс, Остин уфрли 16 поени што е негов рекорд во плејофот.

Спарси погодија само 6 тројки од 25 обиди. Данкан беше водечки стрелец кај Сан Антонио со 22 поени и 14 скокови. Следниот натпревар се игра во вторник во Лос Анџелес, а во четврток серијата се враќа во Тексас.

Крис Пол игра неверојатно во плејофот: