Offside › Набрзинка

Навивачот на Реал нема да припари на стадион поради нацистичкиот поздрав

26 февруари 2026

Во ек на тензија во шпанскиот фудбал со Винисиус и расизамот на кој се жали на повеќе стадиони, навивач на Реал со сиот пат се реши нацистички да салутира. Како што стојат работите од фотеља ќе гледа фудбал.
„Реал Мадрид соопштува дека итно е побарано од Дисциплинската комисија на клубот да покрене итна постапка за исклучување на членот кој беше снимен од камерите како упатува нацистички поздрав каде што се наоѓа навивачката трибина, неколку моменти пред почетокот на натпреварот помеѓу Реал Мадрид и Бенфика.
Овој член беше пронајден од страна на обезбедувањето на клубот неколку моменти откако се појави во преносот и веднаш беше избркан од стадионот Сантијаго Бернабеу“, стои во соопштението на кралскиот клуб.

Другар ти за Реал си или за Лацио?

извор

Кој се качуваше на подиумот во Формула 1 до сега сезона?

8 август 2026

После 11 извозени трки во Формула 1 сега е летна пауза. Патувачкиот циркус продолжува од 21 до 23 август во Холандија.
Во генералниот пласман во моментов води најголемото изненадување на сезоната, младиот 19-годишен Италијанец Кими Антонели од Мерцедес со 219 поени.
Втор е Луис Хамилтон од Ферари кој го подигна нивото и формата и досега собра 169 бода па активно ќе се бори за титулата. Трет е Џорџ Расел од Мерцедес со 160 поени а четврти Шарл Леклер од Ферари со 138 освоени бодови.

извор

Македонија уште стои настрана: Листа кој е „за“, а кој „против“ Инфантино

8 август 2026

Политичката битка во светскиот фудбал станува сè поинтензивна во пресрет на изборите за претседател на ФИФА, кои се закажани за март следната година. По контроверзиите околу проектот „FIFA Forward Enterprise“ и одлуката на Џани Инфантино да се откаже од него, сè поголем број национални фудбалски федерации јавно го соопштуваат својот став дали актуелниот претседател сè уште ја има нивната доверба.
Меѓу федерациите кои се изјаснија против нов мандат на Инфантино се и Фудбалскиот сојуз на Србија, како и федерациите на Хрватска, Германија, Англија, Норвешка и уште неколку европски земји.
Од друга страна, Инфантино и понатаму има силна поддршка од голем дел од светот. Африка, Азија и Јужна Америка се силно зад него и има големаа поддршка од нив.
Федерации што јавно го поддржуваат Инфантино:
Катар, Обединетите Арапски Емирати, Мароко, Египет, Шри Ланка, ДР Конго, Џибути, Либан, Индонезија, Филипини, Кувајт, Гамбија, Мексико, Аргентина, Парагвај, Бутан и Бангладеш.
Федерации што се против негов нов мандат:
Србија, Хрватска, Германија, Англија, Норвешка, Велс, Шведска, Данска, Финска, Холандија, Романија, Грција, Албанија и Јордан.

извор