На 17 октомври во 18 часот во рамки на 4. коло од Серија А се игра големото градско дерби Интер - Милан. Двата клуба во моментов статистички имаат најдобри резултати и најдолга серија без пораз меѓу сите тимови во Италија.

Португалците го викаат O Mágico и тој е единствениот футсал играч кој повеќе од четири пати е прогласен за најдобар во светот. Прво во 2010-та, а потоа пет години по ред 2014, 2015, 2016, 2017 и 2018. Што повеќе правиме муабет?

Баерн искористи простор меѓу репрезентативен и клупски фудбал да одигра меч од Купот на Германија против Дирен. А таму талентот го докажа Џамал Мусиала кој има само 17 години.

Додека Вардар го газеше Фленсбург, чуварот на голот на Македонија ги фрустрираше ракометарите на Пик Сегед на кои им фати 15 топки од кои една му беше скроз лудачка. Му спречи цепелин на Канелас со нестварна интеревенција и беше прогласен за играч на мечот, а Порто славеше 25:19.

Ракометарите на Вардар не можеа да посакаат поубав кам бек на паркетот после сите перипетии со коронавирусот кој им „скина“ два меча од распоредот. Одиграа како во најдобрите денови и го декласираа германскиот состав кој допатува во Скопје непоразен со три од три.

Каква пауза, каква корона, какви бакрачи. Вардарци вечерва блеснаа против Фленсбург, а играч на мечот беше Столе Стоилов кој ги растури Германците и направи шоу во стилот на Индира Кастратовиќ, без да гледа во гол. Уживајте.

За тие што подетално ја следат кариерата на Надал ќе забележат дека осојувачот на 20 Гренд слемови има ритуали, како на пример редење на шишињата на пауза кои мора да бидат свртени со етикетите према терен.

Роден во 1946-та година во Минстер (Германија), Ервин Костеде, кој играл шпиц и се изнадавал голови за Минстер, Дујзбург, Стандард Лиеж, Кикерс Офенбах, Херта Берлин, Борусија Дортмунд, Лавал, Вердер Бремен и Оснабрик, во 1974 дебитирал за Германија.

Стара, ама добра реклама за спортскиот пијалак Powerade на компанијата Кока Кола.

Сме ги гледале многу пати, но обично од оној стандарден страничен агол. Ова е снимано од чело и ја доловува убаво целосната слика со се гужвата зад гол. Финале на СП 1994, Бразил - Италија 3:2. Промашуваат иконите Барези и Баџо.

Оваа статија не е за Столе кој треба да поработи малку на себе и да се преиспита што прави, туку за Златната копачка на Европа од минатата сезона кој беше распнат на крст поради слабо одигран натпревар.

По пеналот кој го заработи Ѓоко Зајков, селекторот Ангеловски не чекаше ни секунда и одма му покажа со прст на Алиоски тој да го изведе. А Џани, можеби најдобар пеналџија во репрезентацијата, маестрално погоди за 1-1 и важен бод со играч помалку. Алиоски важи за еден од луѓето задолжени за добра атмосфера во соблекувална, а со тоа ќе се сложат и комшиите во Лидс.

Гостување во Боливија е необично искуство низ кое поминува секоја репрезентација во Јужно-американските квалификации за Светско првенство. Стадион на највисока надморска висина на свет, играчите пред мечот се спремаат со кислородни боци.

Го напушти шеснаесетникот, мислиш Ноер е и со цел памет намерно со рака ја удри топката и плус го лажеше судијата дека не било рака. Со Косово па не ни ја исфрли, ни ја земаа и ни дадоа гол, а се сеќавате со Ерменија на претходните Лига на нации? Со право го мајтапат. Многу киксови во низа.

Во бразилската најдобра лига, Коритиба го изненади Палмеираш со 1-3 на гостински терен, па нивниот голман Вилсон си дозволи и да прави будалаштини. Ама за разлика од нашата глава букова, овој барем добро пројде.

Неколку занимливости од мечот Сантос - Атлетико Гојаниенсе. Прво гостинскиот играч Жандерсон ги направи салата при еден напад, а второ му асистираше на пазете, бразилскиот Кореец Франциско Хјун сол Ким (29 години) кој постигна страшен гол.

Во 4. коло од Лига на нации, Македонија ремизираше 1:1 (0:0) со Грузија и освои важен бод, особено ако се знае дека повеќе од 20 минути игравме со играч помалку поради глупоста на Столе Димитриевски.

До вчера го гледаше само на тв, му се восхитуваше и лепеше постери од него, а сега имаше прилика и да игра против својот 13 години постар идол. Плус има и снимки како го емитирал како младинец во Монако.

За да те почитуваат клинците на кои можеш да им бидеш дедо, не можеш само да бидеш строг со нив. Мора да изнајдеш начин на кој взаемно ќе се респектирате. Еднаш Дешам им пуштил современ рапер во автобус, тие му вратиле со баритон и класика од негово време.

Ај сега да одмориме со Лига на нации затоа што имаме врвна локална приказна во која јунак е Драгиша Косниќ, веројатно најиздржливиот фудбалер со кариера долга фасцинантни 52 години. Син му се откажал уште во младинци, а тој нема намера да застане.

Македонската радио телевизија (МРТ) ја израдува спортската јавност во земјава, откако соопштија дека ќе ги даваат натпреварите на македонските клубови во еврокуповите.

Шпанскиот прволигаш и повремен учесник во Лига Европа, Хетафе, одлучил привремено да го смени името на клубот, па до следниов викенд и мечот против Барселона во Ла Лига, ќе се вика Фе. Овој збор „Фе“ во шпански значи верба а управата соопштила дека се решиле на ова за да им помогнат на сите кои во 2020-та година поминуваат низ тешко време поради глобалната вирусна пандемија, како и на навивачите да веруваат во триумф над Барса.

Имаат 500 и кусур илјади жители, 186-то место се на ФИФА и годинава го имаа победено само Гибралтар. Толку многу чекаа и посакуваа гостинска победа, што стрелецот ќе го задушеа кога му направија туш.

Сериозно обемна научна студија покажала дека едно сецкање на мечот за прегледување на ВАР трае во просек 40-ина секунди. А активно се игра фудбал 52-56 минути, прекините за спремање слободен удар, аут, прекршоци, изведување корнери итн. изнесува 30 минути. Па стрпете се за поправеден фудбал.