Арсенал синоќа беше првиот премиерлигашки клуб кој ја доби привилегијата да игра и да добие поддршка од навивачи по долгата пауза поради коронавирусот.
Големото задоволство кое со децении е како семејна традиција во Англија, го почувствуваа 2.000 приврзаници на Топџиите кои среќни и задоволни си заминаа дома со убедлива победа од 4:1 против Рапид Виена во ЛЕ.
Клубот ја организираше продажбата на картите по принципот „Прв дојде, прв услужен“, а тие очекувано отидоа како алва за само 20 минути.
Навивачите очекувано мораа да поминат низ безбедносните проверки, да ги дезинфицираат рацете, да застанат на мерење температура и да седат на растојание. Нивниот кам бек на Емирати едноставно беше атракција.
Меѓу оние кои се вратија на свое место беше и маскотата која за малку ќе останеше без работа поради кратење на трошоците на Арсенал.
Не чекаа многу за да видат голчиште во живо
