Во „дербито“ на дното во најтешката лига на свет, англиската втора позната како Чемпионшип, Чарлтон во 90+7' минута дава гол за израмнување 1-1 против Портсмут на гости. Навивачите во транс! После само неколку секунди домаќинот дава гол во 90+8' за победа 2-1. Навивачите во очај.

Ноќта во НБА лигата ја одбележа незгодната повреда на Никола Јокиќ, како и две страшни забивања. Едното е од Брендон Милер преку Кајл Кузма со дофрлање, а второто е од цепелин на Виктор Вембанјама.

Каков играч беше светскиот шампион со Бразил од 2002-ра, маестралниот легендарен фудбалер на Барселона покажува и неговиот богат домашен музеј со сувенири. Имаше почит од секого и секаде.

Денвер Нагетс се на маки. Се повреди најдобриот. Првичните прогнози не се добри.

Марио Касун, со кариера во Европа, имал кусо НБА искуство во периодот 2004-2006 во дресот на Орландо Меџик. Во 1 минута ќе ви раскаже со кои сè морал да се рова под кошевите. Ежење, ама за нас. За него страв. Дончиќ и Јокиќ го опишува со неколку збора.

Хрватскиот голман Матија Орбаниќ кој брани за турски Ерзурумспор на дуелот против Чорум кој го добиле 1-0 решил да се стопли со врел чај. На теренот минус степени, температура под нула.

Африканскиот Куп на нации е во полн ек. Се одиграа две кола. Брегот на Слоновата Коска и Камерун одиграа 1:1. Погледнете ја акцијава во два потези. Бекот одигра еден на еден во стилот на Роберто Карлос, а потоа му ја даде на тацна на Диало кој ја награди работата на својот соиграч на перфектен начин. Играчите трчаат на различни страни, коментаротот вика, публиката е во транс. Преубави сцени на најголемиот турнир во Африка.

Еден од највозрасните луѓе на светот, 104-годишниот воен ветеран од Втора Светска војна Доминик Крители, ја исполнил американската химна на дуел од најпознатата светска хокеарска лига НХЛ меѓу Ајлендерс и Ренџерс кој завршил 2-0.

Натпреварот меѓу Мерсин и Бодрум во турската женска прва кошаркарска лига имал и трето полувреме. Откако гостинките од Бодрум во последни секунди стигнале до победата со кош на крајот за 72:73, на паркетот избила општа тепачка. Најлошо поминала кутрата Ејдина Топчу на која и пукнале аркада па била пратена во болница на шиење и сега е во добра состојба.

Во ноември во Полска излегла биографијата на Роберт Левандовски во која имало многу интересни и еден несекојдневен детал - Барса барала од Роберт да не дава голови пред крај на сезоната 2022/2023 за да не мора да го плаќаат бонусот на Баерн Минхен.

Второлигашкиот фудбал од Турција го носи пеналот за заборав, како круна на сите импровизации и како за крај на годината. Многу лошо и несериозно, како Балотели да му е братучед.

ЛА Лејкерс го разби најслабиот тим во лигата Сакраменто Кингс 125-101. Лука Дончиќ маестрално стигна до 34 поени, пет скока и седума систенции за 22 минути на паркетот. Леброн Џејмс беше втор стрелец со 24 поени, три скока и пет асистенции. Имаше и сјајно забивање по одлична асистенција на Маркус Смарт без гледање.

Сандерленд и Лидс Јунајтед одиграа 1:1 во 18. коло од Премиер лигата. Домаќините го отворија резултатот во 28 минута, гостите израмнија уште на старт на второ со голот на Доминик Калверт Луин. Погледнете им акцијата. Цел тим учествуваше. Реткост е ова.

Португалецот на свои 40 години уште е расен стрелец, дава голови и голови. Кристијано Роналдо во саботата вечер даде 2 нови гола за Ал Наср во победата над Ал Ахдуд и сега имаат 10/10 победи, на прво место се со максимални 30 бода пред Ал Хилал кој има 26 бода. Роналдо со новите два погодоци стигна до импресивна бројка од 956 гола во кариерата! На официјални натпревари. Никој и никаде како него. Кажа дека целта му е златната 1000-ка.

Веќе неколку Светски првенства во фудбал по ред, Јапонците ја воодушевуваа светската јавност откако и фудбалерите во соблекувалните и навивачите на трибините после натпреварите правеа пиц-пец. Излегуваа видеа на кои се гледаше како чистат, бришат, си го собираат ѓубрето. Сега и во Африка на тамошниот Куп на Африкански нации слично нешто.

Македонскиот шампион на спектакуларен начин ја одбележа 70 годишнината од своето постоење. Настанот помина во силно емотивна атмосфера, исполнета со видео пораки од сите краишта на светот, аплаузи за легендите и минута тишина за оние кои повеќе не се меѓу нас.

Во модерната „Кока кола Арена“ во Дубаи, вечерва некогашниот Топ 10 тенисер кој сега е дури 671 на АТП листата поради долгото отсуство поради повреда, ја совлада најдобрата тенисерка на светот Арина Сабаленка 3:6, 3:6.

Црвена звезда убедливо ја совлада љубљанска Цедевита Олимпија 97-77, а овој натпревар го одбележи историското деби на младиот талент Огњен Симјановски кој стана најмлад дебитант во историјата на белградскиот тим. Симјановски е роден на 28. септември 2009-та година во Суботица а синоќа заигра со само 16 години и три месеци. Со ова младиот Огњен ги надмина досегашните рекорди на Никола Топиќ кој пред да замине во НБА лигата дебитираше за Звезда на 16 години, шест месеци и 13 дена.

Шпанска Марка денес носи текст за извештајот на шпанскиот Технички комитет на судии кој признал 10 судиски грешки на 51 натпревар.

Најдобриот светски кошаркар според многумина, Никола Јокиќ продолжува да ја импресионира светската кошаркарска јавност. Синоќа во поразот на неговиот тим од Орландо Меџик 127:126 Србинот стигна до јубилеен 180-ти трипл-дабл во кариерата.

Уште еднаш традиционално, Божиќните и Новогодишните празници ќе бидат разубавени со супер интересното натпреварување во скијачки скокови - Четири скокалници. 74-ти пат.

Прво ги реши како мали деца, а потоа го понижи и голманот. Кога сте виделе последен пат вакво соло, еден човек против пола екипа?

Една чудна и ретко видена ситуација во јапонскиот фудбал. Од најлошата повратна топка до голман, другиве како да се инспирираа во напад.

Франческо Тоти, Габриел Батистута, Винсент Кандела, Винчецо Монтела и Кафу. Ова е само дел од славната банда на едно подзаборавено Скудето, кое и го донесоа на Рома сезоната 2000/2001. Времиња.