Кошаркарите на МЗТ Скопје продолжуваат со доминацијата во мак кошарката. Во финалето на Супер Купот го совладаа Кожуф со 71:65 и со тоа стигнаа до петти трофеј во Супер Купот по ред и вкупно осми. Клучниот потег на мечот го направи Војдан Стојановски со тешка тројка ала Кари од неизградена позиција, на 30 секунди до крај.

Во 3. коло од мароканската прва лига Ботола Паро 1, се сретнале екипите на Олимпик Дчеира и Кавкаб од Маракеш. Домаќините победиле 2-1 а после натпреварот избила масовна тепачка меѓу илјадници спротивставени навивачи на двата тима.

Дваесет и пет годишниот грчки фудбалер Александрос Киѕиридис го постигна најубавиот гол на колото во шкотската Премиер лига. На мечот на кој неговиот Хартс со 3-0 го победи Фалкирк, Каѕиридис го даде првиот погодок во 22' минута. Невидено голчиште кое долго ќе се врти по најдобрите моменти на сезоната во Шкотска.

Њу Орлеанс сосема оправдано ставил клаузула во договорот на некогашниот прв пик на драфтот и голема ѕвезда која многу ветуваше во НБА лигата, Зајон Вилијамсон дека при евентуална голема тежина и неприлагодливост ќе му се крати од платата.

На еден тренинг на Интер Мајами, светскиот шампион со Аргентина Родриго Де Пол кој е најдобар другар на Меси поради кого дојде во САД, пробува да даде гол од позади гол. Не успева па доаѓа Лео да му покаже како треба.

Канада, Мексико и САД на 11 јуни следната година или за нешто повеќе од 8 месеци, ќе го пречекаат фудбалскиот свет. Почнаа да откриваат дел од маркетингот.

Ливерпул по којзнае кој пат во последниве пар сезони, а особено сезонава постигна гол во последните моменти од мечот, во 87-ма минута за да израмни против Кристал Палас. Ама и првпат сезонава прими гол во 90+7' минута за прв пораз во Премиер лига, 2-1 од Кристал Палас. После натрпеварот некој луд лик, навивач на домаќините од Лондон клекнал да врзува патики на мајтап пред автобусот со играчите на Ливерпул.

Пазете, царицата не купила француско лепче со кечап и мајонез во најлонче, туку векна леб и кечап и мајонез во туба. Можела и тава ориз да нареди во лебот. Уникатната сцена е од Белград, од мечот меѓу Црвена Ѕвезда - Дубаи.

Си немале Твитерџиите друга работа, па копале да видат што се случувало во фудбалот во 1950-та, последен пат кога Реал примил 5 од Атлетико. Пеле имал 10 години. Лигата на шампионите уште не ни постоела, а бабата на Јамал не ни била родена.

Не се памети вакво мадридско дерби, како ова во 7. коло од Ла Лига. Атлетико Мадрид му даде 5 комада на градскиот ривал по седум и пол децении. Со головите на Мбапе и Гулер, кралевите до 36 минута имаа 1:2 и потоа се распаднаа. Двоен стрелец на мечот Хулиан Алварез, еден од пенал и еден од слободен удар.

Винисиус му даде на Леванте велемајсторски гол со надворешна. Некои го викаат „штикла“ удар. Не треба многу време за да се разбере кој му беше ментор.

Септември е месец на Роналдо де Лима, еден од идолите на многумина. На 18-ти наполни 49 години. Два од осумте клубови кои имаа привилегија да го имаат, се италијански: Интер (1997-2002) и Милан (2007-2008). Кој знае колку мака имале да состават листа на најдобри 10 голови.

„Бевме добра генерација. Земја со население од околу 4 милиони луѓе заврши трета на своето деби на Светското првенство. Онаа со Ракитиќ, Модриќ и Манџукиќ беше второпласирана. Нè надмина“.

Срушен е балканскиот мит за успехот на бегалецот Здравко Мамиќ. Европската пролет на Динамо повеќе не е само сон, туку реалност. Без него им оди подобро.

Вест Хем има лош старт во Премиер лигата со само една победа и 4 порази, меѓу кои петарда во градското дерби од Челси. Лани завршија 14-ти. Грахам Потер ептен го изеде на Твитер.

Веќе е позната филмската приказна кога Манчестер Јунајтед му гостуваше на Спортинг Лисабон на пријателски натпревар во Португалија. Кристијано Роналдо на 18 години буквално маста им ја извади на шампионските играчи на Јунајтед па Сер Алекс Фергусон после мечот рекол дека не си оди додека не го потпишат чудото од дете. И го доведоа набрзо во Јунајтед.

Луис Томас Буфон е син на Џанлуиџи Буфон од првиот брак, со чешкиот модел Алена Середова. Малиот има 17 години, во декември ќе полни 18. Лани дебитираше во сениорски фудбал во втора лига Серија Б, а сега заигра за првпат и во Купот на Италија. Влезе во игра за Пиза на мечот против Торино.

Баш зборевме сега на работа дека 100 вакви видеа имаме објавено. Ама немаат и немаат крај овие драмолетки. Падна од допир и лежеше како мртовец, а уште појак од него беше судијата, кој извади црвен картон за ништо.

Во претпоследно пласираниот клуб во турската втора лига Сакарјаспор игра и ветеранот Чанер Еркин кој долги години беше лев бек во Галатасарај, Фенербахче, Интер, Бешикташ и други турски клубови. Тој во поразот на неговиот тим од 4-1 од Пендикспор не можел да ги воздржи нервите и удрил свој соиграч поради што добил црвен картон.

Лил го совлада Бран од Норвешка со 2:1 во ЛЕ, благодарение на Оливие Жиру. Овој човек не старее и го запиша третиот гол на својот петти настап. Влезе во 67-ма минута, по само 13 минути игра му донесе победа на својот тим, а воедно стана и најстар стрелец во историјата на Лига Европа, откако влегол од клупа. Погледнете го овој небесен скок во дуел со двајца. На 30 септември полни 39 години. 

Следната година, 2026-та во САД, Мексико и Канада ќе се одржи Светско фудбалско првенство. Првиот човек на Соединетите Американски Држави Доналд Трамп во четвртокот пред новинарите изјавил дека размислуваат на некои градови да им одземат домаќинство поради небезбедност.

Со головите на Ерик Гарсија, Левандовски и Араухо, Барселона го совлада Овиедо на гости 1:3. Ама губеше на полувреме, бидејќи Жоан Гарсија глумеше Мануел Ноер.