Лос Анџелес Клиперс го претрпе третиот пораз од стартот на сезоната и сега има три победи и три изгубени меча после шест одиграни кола. Конечно најновото засилување за тимот, Џејмс Харден заигра но тоа не спречи пораз 111:97 од Њујорк Никс.

Шампионот Денвер Нагетс убедливо со 134:116 го совлада Њу Орлеанс а Никола Јокиќ одново покажа зошто е најдобар играч во лигата. Српскиот центар го забележа 108-от трипл-дабл во НБА кариерата и сега е на високото четврто место пред легендите Леброн Џејмс и Џејсон Кид.

Се обидуваме да се присетиме, ама екстра брзо заклучивме дека НЕ сме виделе вакво нешто до сега.

Олимпик Лион, некогашниот хегемон во францускиот фудбал, проаѓа низ најтежок период. Сезонава во 10 кола имаат само 4 бода и се единствен тим од сите први и втори лиги во Топ5 првенствата ширум Европа кој нема ниту една победа досега. Во неделата ремизираа 1-1 со Мец а единствена светла точка 21-годишниот Скели Алверо.

Аргентинските навивачи докажано се најверни на светот. Го покажаа тоа и минатиот викенд кога околу 100.000 пристигнаа во Рио де Жанеиро да ја бодрат Бока Јуниорс во финалето на Копа Либертадорес против Флуминенсе. И покрај тоа што место на трибините имаше само за 30.000 следбеници на Бока, другите дошле да бидат поблизу до клубот. Некои го следеле мечот од фан базата на Копакабана.

Шкотска - Англија, 30 ноември, 1872-ра година. Тогаш се случува револуцијата со првиот судија на фудбалски натпревар. Каков бил? Голем, дебел и непристрасен. Немал свирче, туку бело марамче.

Белгискиот клуб Унион Сен Жилоа веќе пар сезони е прав хит во тамошното првенство. Во неделата првпат после далечната 1964-та година го совладаа трофејниот Клуб Бриж. Триумфот од 2-1 го донел шпицот Мохамед Амура со погодоци во 22’ и 68’ минута. Првиов со школски ножички.

На секогаш незгодното гостување на Артемио Франки, Јувентус се соочи со неверојатни 68% посед на топка на Фиорентина и дури 25 удари кон гол. Војчех Шчесни се поднасмеа под брк и даде ваква изјава: „Имавме тешки моменти околу 89 минути, кои сепак ни донесоа 3 бода“.

Легендарниот бугарски фудбалер Димитар Бербатов кој држеше фудбалски часови во Баер Леверкузен, Тотенхем и Манчестер Јунајтед, решил да се маскира до степен во кој никој не може да го распознае. Рекордерот по број на настапи на бугарската репрезентација ги зачудил сите присутни на еден маалски фудбал.

Виктор Вембанјама ги демантираше сите песимисти околу неговиот настап во НБА. Французинот пред почеток на сезоната имаше бледи настапи, но како што почна регуларниот дел на лигата, прави парампарче. Прво во два меча го растури Феникс Санс во само три дена. Сега постигна 20 поени со 9 скока и 4 асистенции во поразот на Сан Антонио Спарс од Торонто Репторс. А имаше и блокада за која се зборува на големо.

Кога играш против Реал Мадрид, а и кога Реал игра против тебе, се користат максимално сите средства да се стигне до бод(ови). Тоа најдобро на своја кожа го осети кошаркарскиот тим на Партизан минатата сезона. Стадионот „Сантијаго Бернабеу“ важи за едно од најтешките гостувања за секој ривал, особено за тимови како Рајо Ваљекано на нашиот Столе Димитриевски. Македонецот бранеше врвно, беше прогласен за играч на мечот, а во еден момент се обиде да го намести за картон Винисиус.

Ливерпул се спаси во последните секунди од мечот со последнопласираниот на табела во Премиер лига, Лутон. Голот за 1:1 и бод за „црвените“ го постигна Колумбиецот Луис Диаз кој минува низ најтешкиот период во животот.

Емилиано Мартинез, на кој пред неколку дена Франс фудбал, на база на настапите на Мундијалот во Катар и освојувањето на светската титула, му додели награда за број 1 голман во светот, прими ептен киксерски гол од Нотингем Форест за пораз на Астон Вила од 2:0.

Ливерпул киксна против Лутон на гости и на сите фамилијарни маки 1:1 им извади Луис Диаз дури во 95-та минута. Него што му се случува на Нуњез кога ќе излезе сам пред гол? Стана специјалист за вакви утки.

Холандска телевизија во која гостува Рафаел ван дер Варт мести топка во студио до линија за да покаже колку знаат да лажат некои агли. Вие ја мислите дека е надвор, а нема везе. Инаку правилото е јасно. За да биде гол, мора цела да влезе.

Рајо Ваљекано успеа да му оддолее на Реал Мадрид среде „Сантијаго Бернабеу“ и реми 0:0 да земе голем и драгоцен бод. За играч на мечот е прогласен македонскиот голман Столе Димитриевски.

Некаде во нисколигашкиот полски фудбал, се појавува еден опасен јунак со број 21 кој со интелигенција ала Сергеј Милинковиќ Савиќ, им го испи мозокот на неколкумина. Забавата ја расипува еден крамањонец, симнат од планина.

Баерн Минхен уште еднаш докажа дека му нема рамен во цела Бундеслига. И покрај тоа што Баварците минатата недела срамно испаднаа во германскиот Куп од третолигашот Сарбрикен и сите очекуваа Дортмунд конечно да го победи Баерн, синоќа гостите од Баварија демонстрираа страшна моќ и славеа со 0-4 во германскиот Дер Класикер.

Новак Ѓоковиќ уште еднаш покажа зошто е најдобар светски тенисер откако во страшно напорниот меч со тврдиот Андреј Рубљев успеа да направи пресврт и по исцрпувачка борба да победи со 2-1 по сетови 5-7, 7-6, 7-5. Париската публика одново го иритираше и му свиреше, а Ѓоковиќ во еден момент по триумфот им покажа колкави кохонес има. Денес во финалето од 15 часот во Париз го очекува Бугаринот Григор Димитров.

Маестрален ноемвриски старт за македонските напаѓачи. По Елмас и Миовски, мрежата ја тресе и Александар Трајковски кој со својот прв гол за Хајдук, му носи победа на својот тим против Рудеш од 1:0.

Македонскиот напаѓач не застанува и стигна до гол број 10 сезонава во Шкотска на сите натпреварувања. Абердин ќе игра финале во Лига Купот откако го совлада Хибернианс со 0:1 со голот на Миовски во 78-ма минута, кој го претрча пола терен и го матираше голманот за голема победа.

Еден од најстарите бразилски клубови, Флуминенсе за првпат во својата клупска историја стигна до највредниот пехар во Јужна Америка, откако синоќа во спектакуларно финале на култната „Маракана“ со 2-1 ја совлада Бока Јуниорс после продолженијата. Во регуларниот дел беше 1-1.

Ако ја изгледавте лакрдијата во Кавадарци, префрлете се сега во Македонска Каменица на мечот Саса - Охрид Лихнидос, втора лига. На трибина настанува групна тепачка меѓу малкумина навивачи. Дел се пресметуваат со клоци и боксови, дел фаќаат сеир, еден влетува со факел, а полицијата ја нема.

Бидејќи судиската лакрдија е нели веќе општо позната, па и здодевна, на нашиот фудбал му требаше некоја нова додатна циркузијада на тоа, како на пример да се вмеша градоначалник и да им покаже среден прст на судиите, кои да бидеме реални, го заслужуваат. Па за што би пишувале инаку? Срцки тие.