Денвер Нагетс долго ќе жали за пропуштената шанса да се пласира во ново конференциско финале. На тој пат им се испречи сјајната Минесота Тимбервулвс која со тимска игра и одлично распределени поени го урна шампионот и тоа среде Колорадо на негов терен.
Руди Гобер, најдобриот дефанзивец на лигата, врати за сите коментари на негова сметка од претходните дуели па погоди кога беше најпотребно. Сјајна вечер имаа и Карл-Ентони Таунс, Едвардс, Конли, Мекданиелс.
Кај Нагетс Никола Јокиќ ифрли 34 поени, 19 скока и седум асистенции. Покрај него играше само и единствено Џамал Мареј кој беше најефикасен со 35 поени и по три скока и асистенции. Потфрли апсолутно целиот тим на Денвер. Играчите од позадина кои во текот на целата сезона даваа огромен придонес, сега разочараа во целост.
За 40 минути на паркетот Кентавиус Колдвел-Поуп имаше само 5 поени и шест скока што е можеби негов најслаб учинок во плејофот. Кристијан Браун додаде исто само пет поени, Мајкл Портер Џуниор уфрли седум поени со девет скока а секогаш стандардниот Арон Гордон потфрли со мизерни 4 поени и 4 скока. Токму тука лежи причината за поразот на Нагетс.
На сета макотрпна работа во регуларниот дел да се изборат за предност домашен паркет сега им пропадна залудно затоа што изгубија дури 3 меча на домашен паркет!
Кај победникот, Џејден Мекданиелс беше адут од ракавот на тренерот Крис Финч. Мекданиелс уфрли 23 поени со шест скока, Карл-Ентони Таунс додаде 23 поени со 12 скока, а фантастичен придонес дадоа Едвардс со 16 поени, осум скока и седум асистенции, Руди Гобер со 13 поени и 9 скока, Наз Рид, најдобриот шести играч од регуларниот дел кој синоќа уфрли 11 поени, Мајк Конли додаде 10 поени со осум скока и четири асистенции.
Сето ова беше доволно за големо славје на Минесота која оди во финале откако четири пати го совлада шампионот на НБА лигата.
За потсетување, Денвер се врати целосно во серијата откако губеше 0-2 со два убедливи порази на домашен терен. Направија Јокиќ и другарите 3-2 но Минесота ги зема следните два меча и заслужено оди во финале каде ги чекаат Далас Маверикс со Ирвинг и Дончиќ.
