Фудбалската репрезентација на Албанија, предводена од Бразилецот Силвињо направи изненадување и во Лесковац ја совлада Србија 0-1 во дуел кој многу лесно би можел да значи дека Албанците на крајот ќе одат во бараж а Србија испаѓа од игра за Светско првенство.

Димитриевски искина на голот на Македонија и е можеби најзаслужниот што Белгија не успеа да ни даде гол. Спречи неколку чисти голови, а на крај им се заблагодари на македонските навивачи за поддршката и им го подари дресот.

Франција го совлада Азербејџан со 3:0 и има 3 од 3 во својата група, каде се уште и Исланд и Украина. Головите ги дадоа Мбапе, Рабио и Флоријан Товин. Килијан тргна и толку беше. Немаше спас за гостите.

Македонија имаше голема поддршка на важното гостување во Белгија каде стигна до голем бод, со кој ги задржа шансите за историски пласман на СП 2026. Нашите навивачи во форма, секогаш и секаде.

Македонската фудбалска репрезентација со целосно дефанзивна тактика стигна до голем бод во Гент. Белгијците притискаа од сите страни, но не најдоа лек за македонската одбрана и Столе Димитриевски. На средина од првиот дел, нашите фудбалери имаа четири блока во само 10 секунди. Каква драма.

Се повтори Брисел 1994-та. Македонската фудбалска репрезентација освои голем бод на гостувањето против големиот фаворит Белгија. На 2 кола до крај остануваме први на табела, но со натпревар повеќе.

Осум години. Сто натпревари. Три медали за хрватскиот фудбал. Тоа е успехот на човекот кој во 2017-та изјави: Сакам само да одам на Светско првенство со Хрватска.

Јирген Клоп врза 8 и кусур години во Ливерпул, каде испиша историја со 8 трофеи, меѓу кои Премиер лига и ЛШ. Гвардиола на Етихад е над 9, во кои стигна до 18 трофеи. Но кога е стаж во прашање, тешко достижни се легендарните Венгер и Фергусон, со кој се одбележа една славна ера на островот.

Освен хајлајтсот и головите од ремито на Македонија против Белгија кое се одигра во Брисел пред 31 година, налетавме и на нивно видео со изјави од таа средба. Андон Дончевски цепа на француски.

Македонската фудбалска репрезентација вечерва како лидер во групата Ј го игра 6. квалификациско коло за СП 2026. Мундијалскиот сон е сè уште жив. Следува најтешкиот натпревар. Можеби и клучен.

Паралелно со мундијалските квалификации, синоќа се одиграа и неколку пријателски средби. Полска го доби Нов Зеланд со 1:0. Фино ги изработија, а на крај Зјелински ја заби во гол атрактивно.

„Ламин е голем играч, но тој е сепак 18 годишно момче. На тие години, сите прават грешки, но тој ќе го стекне животното искуство, ќе научи што е добро, а што лошо за него. На крајот сите треба да го гледаме тоа што го прави на терен. Нека му е со среќа“.

Селекцијата на Австрија играше ракомет против аматерите од Сан Марино. Марко Арнаутовиќ стана најдобар стрелец во историјата на националниот тим.

Сме виделе мал милион атракции под кош и тројки од пола терен или од кош на кош, ама ова е вистинска реткост. Оклахома Сити го совлада Шарлот Хорнетс со 122:116 во предсезонските натпревари. 21 годишниот Кејсон Волас ги збуни сите.

Скок, одраз, контрола, елеганција во движење. Во линија со глава ја крена ногата. Нереално.

Рударејќи по интернет најдовме информација дека сите три деца на најдобриот стрелец во историјата на Атлетико Мадрид Антоан Гризман биле родени на 8-ми април! Неверојатна коинциденција. А едно од децата, малиот Амаро Гризман има таква дарба за фудбал што многумина му предвидуваат кариера како татко му.

И покрај многуте проблеми поради тешките услови за игра во Шангај каде влажноста била преголема, Новак Ѓоковиќ преброди уште една препрека и се пласираше во полуфинале. Српскиот тенисер уште од почеток на турнирот на 3 натпревари повраќаше и имаше потешкотии со прилагодување на амбиентот и големата влажност. Денес во четвртфинале заигра после тешката борба во осминафинале со Шпанецот Мунар, и го совлада младиот Белгиец Зизу Бергс со 2-0 по сетови 6:3, 7:5.

Играа заедно за репрезентација, но цела кариера беа ривали во нивните клупски кариери како легенди на Ливерпул и Манчестер Јунајтед. „Би ги тероризирал сите“, вели Стив за Пол.

Лацио пред 25 години со Крањоти, нема допирна точна со сегашниот Лацио на Лотито. Во тоа време со Свен Горан Ериксон како тренер освоија Серија А, два пати Куп на Италија, два пати Супер Куп на Италија, Куп на Куповите на победниците, Супер Куп на Европа, а играа и финале во Куп на УЕФА. Имаме „пред и потоа“ видео со дел од јунаците.

Екипата на Еурофарм Пелистер го запиша и третиот пораз по ред во елитната Лига на шампиони откако синоќа изгуби 36-25 од Висла во Полска. По поразите од ПСЖ во Париз и ГОГ Гудме во Битола ова беше трет загубен дуел за Битолчани. Пелистерци се држеа дваесетина минути но Висла резултатски се одлепи па гостите бркаа приклучок до крајот. Кај Пелистер, Дејан Манасков имаше седум гола, Павле Атанасијевиќ четири, додека Никола Митревски фати девет топки. Филип Кузмановски постигна само два гола од кои едниот беше објавен на страниците на ЕХФ со прашање: „Дали е ова најдобриот шутер во ЛШ“?

Шпанска Ла Лига и италијанска Серија А после долги години убедувања и преговори, успеаа од УЕФА да добијат дозволи некои нивни натпревари да се играат во САД и Австралија.

Либија и Зелено'ртски острови одиграле луд натпревар во квалификациите за Светско првенство. Домаќините први повеле после само неколку секунди од стартот на дуелот со автогол. Резултатот неколку пати се менувал, а два гола биле интересни. Едниот го дал Либиецот Таха Ал-Шалави во 58-ма минута за 3-1, а едниот гостинот Сидни Кабрал во 76-та минута за 3-2 по голем кикс на домашниот голман. Зелено'ртски острови се први на табела со дури 20 бода и големи шанси за пласман на Светско 2026.

Пред и по натпреварот Фенербахче - Феенорд во Истанбул, во 3. квалификациско коло за Лига на шампиони имало неколку инциденти по улиците и близу стадионот. И сè е разбирливо, и навивачка тензија и тепачки ама ова што го правеле тројца Турци е за секоја осуда. Се обидувале да фрлат бетонски столб врз противнички навивачи при што удриле еден холандски навивач кој претрпел потешка повреда. Сега холандската полиција и обвинителство ги бараат трите лица за обид за убиство. Повредениот навивач два месеци не можел да оди на работа, не можел да вози и имал главоболки.