10 гола на првите 20 средби не е лош просек за напаѓач во нова средина, ама тука не се работи за било кој, туку за Килијан Мбапе, суперѕвезда со материјал за Златна топка. Не му оди баш на Бернабеу, тоа е факт, а за причините е тешко да се зборува. Дресот на Реал носи огромен притисок, плус гужва е во напад, посебно што по природа играат на иста позиција со Винисиус.

Ако некој сака да остане во свој свет дури и на фудбалски трибини, тогаш има и такви стадиони за него. Сент Џејмс Парк во Њукасл, Истер Роуд во Единбург и Тајнкасл Парк во Единбург

Меѓу долгогодишните големи ривали на терените отсекогаш владееше меѓусебна почит. Овојпат новинарите фрлија бибер и малку зачинија. 

На толку спортски настани неделава, да ти имало и швајцарски Куп од каде мора да видите нешто. Базел и Сион одиграа 2:2, а по само 5 минути од стартот на мечот, Ѓердан Шаќири изведе многу мајсторски, но и интелигентен удар од прекин. Како ја свитка мајсторе, секоја чест. Многу умешно изведено.

Изминатава ноќ Никола Јокиќ го запиша својот 139. трипл-дабл во НБА кариерата со што се искачи на трето место на вечната листа кошаркари со вакви подвизи во историјата на НБА.

Сант Андреу од четврта лига против Реал Бетис од прва. Мечот заврши без изненадување, 1:3, а домаќините во еден момент просто неверојатно е како немаа ниту 1% среќа за да реализираат во оваа акција. Најлудиот момент е кога ќе ја фукне тој со цела сила и ќе погоди свој играч на сама гол линија.

За првпат во историјата на Евролига една навивачка група, овојпат онаа на Панатиниакос позната под името Гејт13 гостуваше во белградска Арена на меч против Партизан. Ова беше дополнителен мотив за и онака загреаните црно-бели да направат земјотрес во салата. Преку 20.000 навивачи на Партизан го видоа најдобриот меч на нивните играчи кои го растурија европскиот првак со 18 поени разлика - 91:73.

Њукасл и Ливерпул одиграа 3:3, а многу малку фалеше гостите во првиот дел да бидат во негатива од два гола. Но Гордон не успеа да го дуплира водство, а Вирџил ван Дајк скроз непотребно го легна на земја. Ситуацијата остана незабележана и несанкционирана. Класичен Серхио Рамос потег.

Поточно самиот вели дека нема никаков случај (новинарите направија дебата зошто тој не играл, не бил во добри односи со Гвардиола и ред глупости). Пеп вели: „Да да, личен проблем имам со најдобриот играч на светот во последна третина од теренот, проблем имам со фудбалерот со кого работам 9 години и кој ми ги донесе најголемите успеси“.

Евертон ја игра последната сезона на Гудисон Парк на кој се сместени од далечната 1892 година. Новиот стадион им е готов или скоро готов. Се проценува на околу 800 милиони фунти и има капацитет од 52.888 седишта. По сè изгледа е изграден по примерот на Олд Трафорд. Со можност за водопад кога врне дожд.

На 30 декември ќе полни 40 години. Зад себе има 21 сезона, 4 НБА титули, 4 признанија МВП во регуларниот дел од сезоната, 4 признанија МВП во финалните серии, 3 МВП принанија на Ол стар, 3 олимписки медали, прв стрелец со преку 40.000 поени. Толку му е а?

Натпреварите во Купот често знаат да донесат изненадувања во Англија, Германија, Шпанија, но ова што му се случи на Бојан Миовски е уникатно и ќе се раскажува со децении.

Баскиската гордост Атлетик Билбао е тврд орев на кој често заби кршат Барселона и Реал Мадрид. Токму синоќа „кралевите“ изгубија 2-1 а Атлетик се приклучи при самиот врв во трката за шампионска титула. Пред мечот луѓето од Билбао му подариле посебно признание „One-Club Man“ на легендарниот фудбалер на Италија и Интер, Бепе Бергоми.

Никола Јокиќ и натаму е најдобар кошаркар во НБА лигата, но и натаму има слаба, бледа поддршка од соиграчите во Денвер Нагетс. Тимот има 11 победи и 8 порази и се наоѓа на очајното 8-мо место во Западната конференција. Никола Јокиќ неколку пати сезонава беше уловен како им вика на своите соиграчи, пробува да ги разбуди. Со право, вели Чарлс Баркли кој вели дека би било фер Нагетс да го трампаат Јокиќ а не да го арчат најдобриот дел од неговата кариера.

Првите 6 меча од 14. коло во Премиер лигата донесоа дури 19 гола. Најмногу имаше на битката меѓу Њукасл и Ливерпул кои одиграа 3:3. Три од нив заслужуваат внимание.

Никола Митревски имаше фантастична ноќ во салата Боро Чурлевски кога најмногу требаше, бидејќи триумфот на Еурофарм Пелистер над Висла Плок, за битолчани значи задржување на шансите за пласман во нокаут фазата од ЛШ. Мечот го заврши со 13 одбрани, од кои две се најдоа на социјалните мрежи на ЕХФ. 

Во дуелот на повремените бундеслигаши а сега второлигаши, во Купот на Германија Келн со 2-1 ја совлада Херта Берлин. Гостите поведоа од пенал во 12-та минута, домаќините израмнија набрзо после во 30-та минута со автогол, а дури во продолженија славеа со гол од пенал на Дејан Љубичиќ во 120+1' минута.

Имаме нов, многу сериозен кандидат за признанието промашување на сезоната. Тоа е Дејан Љубичиќ од Келн на дуелот против Херта Берлин. Се ушепртља на метро од гол мислиш Стам и Кембел се пред него. Но има голема среќа? Знаете зошто? Го реши мечот во продолженијата со гол од пенал и тоа во 121-ва минута.

Лајпциг го совлада Ајнтрахт Франкфурт со 3:0 и обезбеди четвртфиналето во Купот на Германија. Внимавајте добро на движењата на хитот од Словенија Бенџамин Шешко. Има 21 година и е висок 195см, колку Ибра, на кој и потсеќа во стилот на игра. Но овој пат во шеснаесетник изеде двајца, со потези карактеристични за Роналдо Бразилецот, посебно голманот. Го издвојуваме и убавиот гол на Опенда. Елмас не беше во комбинација поради повреда.

Реал Мадрид загуби 2:1 на гостување против Атлетик Билбао, а Килијан Мбапе, веројатно за прв пат во кариерата промашува два пенали за една недела, после оној на Енфилд Роуд. Кралевите имаат пет порази и всушност го повторуваат стартот на сезоната 2020/2021. Минатата сезона на 55 средби имаа само два порази, а сега стигнаа до пет после 24 меча. Загубија и од Барселона, Лил, Милан и Ливерпул. Сите порази им на последните 11 натпревари.

Во се-бразилското финале на најголемиот фудбалски турнир во Јужна Америка, Копа Либертадорес, лидерот во бразилската Серија А Ботафого направи право чудо откако со играч помалку уште од 120-та секунда, на крајот го совлада големиот ривал Атлетико Минеиро со 3-1. Ова беше прв историски триумф на Ботафого во Копа Либертадорес во 125 годишната историја на клубот.

Во Премиер лига синоќа имаше луда вечер. Паднаа еден куп голови, Арсенал го победи Ман. Јунајтед 2-0, Сити конечно победи и ја надмина кризата а Ливерпул имаше 2:3 на гости кај Њукасл во меч полн пресврти но во последни моменти од дуелот прими гол за 3:3.

Екипи како Ливерпул, Интер и Баер Леверкузен сезонава имаат по еден пораз во првенство, Наполи и Реал по два, Барса три, Сити четири. Излезе статистика од топ 9 лигите, од единствените екипи кои немаат загубено натпревар. Јуве како претплатен на реми.

Под водство на новиот тренер Раул Алонсо, ракометарите на Еурофарм Пелистер ја совладаа полска Висла Плок 21:18 (12:10) и сега имаат реални шанси за понатамошен пласман, нешто што до пред месец дена изгледаше како сон. Никола Митревски блескаше на голот со 13 одбрани, а Филип Кузмановски како топ биеше во нападот и даде седум гола. Кај гостите најефикасен беше Миха Зарабец со шест гола.