Нокаут фазата на Светското првенство во Бразил освен без Шпанија и Англија ќе биде осиромашена и за светскиот првак од 2006 година, кој по елиминацијата во групната фаза на СП Јужна Африка 2010, со иста судбина се соочи и во Бразил.

Групата Д беше јасно дека ќе ја напушти една голема фудбалска сила, но Коста Рика ги измеша математиките, па вечерва на Англија ќе и се придружи Уругвај или Италија. Шансите ги анализира поранешниот уругвајски напаѓач кој играше во Серија А.

Навивачката енергија е најсилна во Бразил кој е преплавен со фанови од 32 земји, но мундијалската треска може да биде луда забава и на домашен терен, како во случајот со Алжирците кои заедно урлаа на историските четири голови против Кореја.

Фудбалерите на Иран кои ја изнамачија Аргентина 90 минути, предизвикаа фудбалска треска во својата земја. Но од видеото за поддршка на исламската земја во кое нема никаква голотија, уапсени се двајца 23 годишни навивачи на кои им го расипаа мундијалското уживање.

Легендата Џон Мекинро изгледа не може да се помири дека тој одамна е повлечен од тениските терени а неговите архи-непријатели се сè уште таму. Па предлага судиите комплетно да бидат одстранети од тенисот. Еве како го замислува тој тоа.

Крис Смолинг е резервен репрезентативец на Англија, но и таа позиција не му е загарантирана.

Ако репрезентацијата за која навивате на Светско загуби во судискиот продолжеток на натпреварот, виновна ви е Астон Вила.

Мексиканците за 10 минути ја решија Хрватска, а при секој постигнат гол камерата го ловеше шоуменот Мигел Ерера кој пласманот во осминафиналето го доживеа како влез во финале.

По елиминацијата на БиХ и втората балканска селекција се простува од Светското првенство која немаше рецепт за Средноамериканците. Убедлив во последниот меч од групната фаза беше и домаќинот кој го декласираше Камерун.

Составот на Луи ван Гал е првата селекција на Мундијалот во Бразил која со максимални три победи ќе патува во посакуваната нокаут фаза. Светскиот шампион не ги излечи раните со убедливата победа против Австралија.

Селекцијата која викендов беше многу блиску до сензационална победа против Германија е првата земја за која изби скандал за местење натпревари за време на Мундијалот, но доказите не се однесуваат на меч од Светското.

Младичов типувал на Италија и се заколнал дека доколку не ја победат Коста Рика ќе им го изеде постерот. Ветено, сторено. Посебен ритуал имаше за Балотели кој остана без бакнежот од британската кралица кој го побара во случај на победа.

Аргентина, Белгија, Чиле, Колумбија, Коста Рика и Холандија се селекциите кои ќе ги гледаме во топ 16 фазата на Светското првенство. За останување на мундијалскиот празник се борат уште 10 земји кои во следните четири денови ќе се обидат да ја избегнат судбината на Шпанија, Англија, Камерун, БиХ и Австралија.

Со гол во 95 минута фудбалерите на Португалија во трилер завршница се спасија од пораз на средбата против САД, но останаа со минимални шанси за пласман во нокаут фазата.

Селекцијата на Нигерија по пауза од 16 години успеа да победи во групната фаза на едно Светско првенство во натпревар кој значи елиминација за БиХ, но и судиска неправда за дебитантот на Мундијалите.

Продолжуваат изненадувањата на Мундијалот во Бразил. Фудбалерите на Гана и ги расипаа сметките на Германија која се надеваше дека вечерва ќе обезбеди виза за осминафинале и со борбена игра успеа да и откине бод. 

Напаѓачот на мексиканскиот тим Пачука, Енер Валенсија му ја донесе првата победа на Еквадор на Светското првенство во Бразил и го елиминираше тимот на Хондурас кој прв ја затресе мрежата.

Фудбалерите на Франција се најефикасниот тим во досегашниот дел на Мундијалот во Бразил. По трите голови против Хондурас, составот на Дидие Дешамп ја декласираше Швајцарија со 5:2 за пласман во нокаут фазата.

Меѓу белгиските репрезентации откривме дека има бизнисмени и правници, а доста занимливо е и минатото на фудбалерите на Англија каде има еден фанатик по правење скара, како и школуван фудбалер во скапо училиште кој знае латински јазик.

Репрезентацијата на Шкотска не се пласираше на Светското во Бразил, но за нивните навивачи тоа не значи дека нема забава. На арената во Сао Паоло беше развиорено шкотското знаме, а навивачот беше измешан со уругвајските фанови за дополнителен сеир наметен за нивните ривали од Англија.

Планетарниот фудбалски собир е магнет за стари, млади, жени, деца, па дури и за оние кои не се по спортот. Кај домаќините се појавија двајца кои излажаа дека ќе седат на стадион, а овој навивач на посебен начин ја доживеа победата на Бразил над Хрватска.