Македонскиот ракометен првак го забележа првиот пораз оваа сезона во Лигата на шампионите, а изненадувањето го направи Колдинг кој важи за аутсајдер во групата Б и кој стигна до првата победа.

Фудбалерите на Аталанта од Бергамо попладнево со 3:0 го совладаа Карпи, а вториот гол кој го постигна Алехандро Гомез нè потсети на погодокот на Шаќири против Англија во Саутемптон.

Ракометарите на Металург во неизвесен натпревар против романскиот Баја Маре го претрпеа третиот пораз во Лигата на шампионите 21:20 (10-9).

Навивачите често имаат свои луѓе меѓу редарите, но во Грција влегоа и меѓу лекарите. На дуелот од втората грчка лига меѓу Лариса и Ерготелис медицинскиот тандем на домашните фрлаше повреден противнички играч од носилата.

Второто најголемо дерби во Бугарија меѓу Локомотив Пловдив и Ботев Пловдив заврши со победа на домаќините од 2:0, а најдобар играч на мечот беше нашиот Зоран Балдовалиев кој постигна еден од двата гола за Локо. После мечот навивачите на Ботев се степаа со полицијата.

Репрезентацијата на Босна и Херцеговина, која се избори за третото место во квалификациската група и автоматски за баражот, ќе се обиде да се квалификува на Европското првенство во дуелите со Република Ирска која е редовен учесник на баражите.

Ракометарките на ЖРК Вардар имаа очаен старт во новата сезона од најелитното клупско европско натпреварување. Во првото коло загубија од конкурентот за врвот на табелата во групата со 22:27.

Македонскиот репрезентативец го постигна можеби најубавиот гол во кариерата откако на мечот против Целје кој го доби Марибор со 3:1, распали од огромна далечина.

Сајтот СтадиумДБ го објави просекот на гледачи на европските стадиони каде се играа квалификациите за Европско првенство. Англија, Полска и Германија се очекувано најгледани, а претпоставуваме каде се наоѓаме ние кога гледаноста на репрезентацијата е во прашање. 

Нико Пачински е еден од најомилените фудбалери во историјата на Сент Паули. Во 2002-ра го матираше Оливер Кан за историската победа против Баерн Минхен, а потоа сите пари ги потрошил на коцка и сега работи во погребални услуги.

Незгодни, непријатни, смешни, случајни. Така некако би се опишале овие 11 фотографии во фудбалот.

Доста е со новиот Меси од Аргентина, или заменикот на Роналдињо во Бразил. Таленти за почит и внимание имаме и во Македонија. Посебно се издвојува малиот Ренато од Скопје кој на 6 години ја владее топката, дрибла по тројца, а во клубот каде тренира го викаат „нашето злато“.

Шкодран Мустафи има гостиварско потекло и игра за германската фудбалска репрезентација со која го освои златото на Мундијалот лани. Во моментов е член на Валенсија, екипа чијшто спонзор е пиварата Естрела. На денешниот прес, Мустафи го отстрани шишето со пиво од масата, затоа што како што вели тој Исламот не дозволува никаква врска со алкохолот.

По заминувањето на Љубинко Друловиќ, ФФМ одлучи селекторското место да му го довери на Игор Ангеловски, тренерот на Работнички и довчерашен помошник на Друловиќ во репрезентацијата.

Поранешниот фудбалер на Барселона, Белорусинот Александар Хлеб во пресрет на дуелот на неговиот Батер Борисов со Каталонците во среда изјави дека се срами од тоа како се однесувал додека играл на Камп Ноу.

Израснат во сиромашно семејство меѓу малолетни родители, Агуеро својот фудбалски пат го одел од прашливите игралишта во Килмеш, преку Индепендиенте па сè до Мадрид и Манчестер. Ќерката на Марадона му роди син, но потоа се раздели со неа.

Уште 10 пати да направеле рипит на видеово немале да претераат. Легендата на Манчестер Јунајтед е две години во пензија и шутира вака. 

Со оглед на тоа што 4 години играше во Барса, а од 2013-та е во Баерн и не треба да не чуди што на Шпанецот вака му почнуваат тренинзите.

Сите знаеме за колку пари Кристијано Роналдо премина од Манчестер Јунајтед во Реал Мадрид пред 6 години, но сигурно не знаете за што го трампале како мал.

Од 2 години живеел без татко, а од 16 останува без мајка. Во такви околности, Челичниот Мајк растел со уличните банди во Њујорк, но тоа не го спречило да стане еден од најуспешните боксери во историјата. Скандалите и инцидентите со поранешните сопруги кои допринесоа Тајсон да банкротира, во втор план ги ставија неговите феноменални борби.

ЖРК Вардар пред две сезони на првиот меч во Јане Сандански во ЛШ ја торпедираше Подравка со 39:26, а најпрецизна беше Јованка Радичевиќ со 8 голови. Ваков старт им посакуваме и утре против Ѓер во првата пресметка од новата сезона во елитното натпреварување.

Во период кога сè е црно во македонскиот фудбал, за убави вести ни преостанува да тропнеме на врата на рубриката „На денешен ден“ и да се навратиме на херојскиот подвиг на Седлоски, Васоски, Шаќири и компанија кои направија Англија да брка нерешено против нас.

По вчерашните шпекулации за неговото заминување, Љубинко Друловиќ од денеска и официјално не е повеќе селектор на Македонската фудбалска репрезентација.

„Не беше лесна одлука, но прав момент е да се каже доста е", со овие зборови иконата на Реал Мадрид, Раул Гонзалес Бланко објави дека се повлекува од фудбалот на крајот од сезоната.