Под Балтичкото море ( и до 40 метри) се гради 18 километри долг тунел кој ќе ги поврзе двете земји со две автомобилски, две железнички и една линија за итни случаи. Буџет: седум милијарди евра. Сега со траект се патува 45 минути, тоа ќе биде скратено на седум минути со воз кој ќе шишка 200 километри на саат. Кај нас за седум минути не можеш да стигнеш од Собрание до Црвен крст. Јбг.

Извинете ако ви одземаме време, ама следат цели девет минути од оние луѓе кои ја уништија довербата во медиумите, меѓудругото воспевајќи го супериорниот морален профил на Бајден кој „никогаш не би го помилувал својот син Хантер“. Ако се прашувате како им е сега, откако го помилува, би значело дека верувате дека во нив има некаква способност за срам. А не сме сигурни во тоа.

Како некој што интуитивно го разбира духот на времето, Рамбо го забележува она што и истражувањата го потврдуваат (Види во „Вистината нема шанси со лагата“). Епилог: од појавата на интернетот (википедии, библиотеки, научни архиви, што сакаш...), всушност зголемен е бројот на рамноземјаши. И уште нешто: социјалните мрежи им ја спуштаат рачната на фрустрираните и притоа нема кој да ги закочи. Како во кафана, на пример.

Имавме пред едно осум години пренесено генијален текст на покоен Милош Васиќ во кој се презентираше духот и рецептите од книгата „Емигрантски готвач“ (види: Умрено прасе: Eppur si muove) во којa се говореше за прасе, јагне и друга макробиотика. Овојпат, со далеку помали литературни амбиции и сведено на декемврискиот минимум - прасето. Стенограмски точен рецепт. 

Викторија Нуланд беше третиот по ранг дипломат на САД, главен архитект на украинската голгота и заедно со Хилари и Олбрајт, член на најгеноцидното женско трио што некогаш излегло или владеело со САД. Од пред кратко време е член на бордот на директори на американскиот Националниот фонд за демократија кој често се доживува како фасада за рушење непожелни влади и инсталирање марионети.

Народната мудрост вели дека не се може со глава в ѕид, главно затоа што ѕидот е потврд од главата и џабе ќе ја маваш во него пошто ќе си ја скршиш. Но, постојат и поинакви ситуации. На пример кога ѕидот неочекувано ќе се отвори и ќе те проголта. Сцена од шарената револуција во Тбилиси, Грузија. 

Бомбардирањето е хипотетичко, ама Старбаксот не е. Во Јужна Кореја се отвори Старбакс на самиот брег од реката Хан која ги дели Северот и Југот, со директен поглед на Северна Кореја.

Од Капетан Марвел и Реј Скајвокер, до дизниевите Мулан и наскоро Снежана, сè повеќе жени растураат на филмските платна. Само што, најмногу ги растураат гужвите пред благајните, бидејќи тука нешто е сериозно погрешно. А никој немаше против Сара О'Конор да го лупа Терминатор. Сумирано во еден коментар: Јаки ЖЕНСКИ карактери - не; јаки женски КАРАКТЕРИ - да!

Заинтригирани од цената која ја постигнуваат неговите слики (види: „Останавме ние без Ротко во дневна“), наидовме на видео во кое се рецензираат делата на Марк Ротко, прогласен за „патријарх на тагата и загубата“. Да чуете само што сè имало (имало, си го питам) во тие двобојни баналности. Тој да ти опишувал трагедијата да се биде човек. Хмм. Овој што го смислуел текстот, треба повеќе пари да заработува од Ротко.

Јасно ни е дека поздравот „чао“ сме го земале од Италијанците. Но, за лингвистичка реконструкција и етимологија на зборот, треба да се вратиме неколку чекори наназад, до античка Венеција, за да дојдеме до моментот дека со „чао“ всушност викаме „Јас сум твојот роб.“ Или, ако е полесно, „Јас сум твојот Словен“. Што му доаѓа исто. И тогаш и сега.

Хонгкошка аукција на делото „Без наслов (жолто и сино)“ на Марк Ротко (Маркус Јаковлевич Роткович, 1903 - 1970), американски апстрактен сликар роден во Латвија. Трето најскапо продаденото дело на еден западен уметник на азискиот пазар. Ќе сфатите зошто сликата се вика „жолто и сино“ и уште повеќе, зошто било тешко да ѝ се смисли каков било наслов. Ротко сигурно викал, јас сум бре уметник, не сум копирајтер.

Користењето велосипед значи бавна економска смрт на оваа планета. Велосипедистот е некој кој не купува автомобил, не позајмува пари за да го има, не плаќа полиса за оситгурување, не плаќа за гориво и сервис, не дава денар за паркинг, не се дебелее а здравите луѓе се смрт за фармацевтската економија.... Но, почекајте до крај на оваа тирада, тие не се најлошите. Има едни бетер и од нив!

Вучиќ беше кај Стивен Сакер во фајтерскиот формат на BBC, HARDtalk. Намазан е, јасно. Особено за прашања кои се незгодни но извираат од спорна морална позиција. Прво, Англичанец после Брегзит некому да му мрчи за оддалечување од ЕУ, второ, да проблематизира твоја подршка за нечија територијална поддршка некој што ти ја бомбардирал земјата. А имаме и јак коментар.

На 15-ти април 2019-та година, целиот свет, а посебно Франција, а најпосебно Париз, беа парализирани од шок од сцената како до рушење гори фамозната катедрала Нотр Дам, стара 800 години, место во кое 28 француски кралеви беа обезглавени и нулта точка од која се мери растојанието меѓу Париз и секое друго место во Франција. Пет години и 780 милиони евра подоцна, на катедралата ѝ е вратен оригиналниот лик.

Хартиен оглас залепен за бандера со корисно инфо делче кое се кине (обично телефонски број) е еден од најстарите огласувачки методи. Овде на ливчето нема телефонски број, туку слоган за поддршка на Израел. Но, дури кога ќе го скинете, сфаќате дека огласот е 2.0. А кога ќе си ги видите прстите, сфаќате дека е 3.0.

Мајчин тој, на сите обврски и галами нашол време да лансира линија тематски гитари (електрични и акустични) на чиј врат пишува „Make Amerika Great Again“. Od 1.500 до преку 11.000 долари. Само тие најскапите со негов потпис да ги продаде, од сегашниот лагер ќе заработи околу 14 милиони долари. Само да не му најдат дека се произведени во Кина.

Украина процени дека руската хиперсонична ракета Орешник која пред неколку удри во воена локација близу градот Днепар (по што НАТО и Киев закажаа итна средба, да се види што-како да се прави), носела шест боеви глави, секоја со по шест свои експлозивни товари) и летала со брзина од близу 1.300 километри на час. Не беше толку одамна кога некој нè убедуваше дека очајните Руси земаат делови од машини за садови и фрижидери од што воената индустрија им е на бандаж.

Радио емисија во која по барање на извисената страна, им се јавуваат на оние кои биле на еден дејт, ама потоа никогаш пак не се јавиле. Му се јавуваат на дечко и налетуваат на уште полабав тип од Џеф Бриџис во Биг Лебовски. Зошто не се јавил? Затоа што девојката била преактивна за негов вкус. Што поконкретно? Му предложила да тркнат до продавница. Пешки!

Пренесовме (тука) дека двајцата најголеми хејтери на Трамп од MSNBC, Џо Скарбороу и Мајка Бжежински (ќерка на 'Д' Бжежински), после седум години лично се сретнале со нивниот архи-непријател. Според нив, тие не биле на 'баци рака' во неговиот Мар-а-Лаго, туку отворено зборувале за сите незгодни теми и во очи му кажале за што не се согласуваат со него. Трамп тоа не го памти така. 

Само да го видите ѕидот кој Египет го има изградено долж границата со Газа за да го спречи масовното доаѓање на палестински бегалци. За едни, ова е доказ дека Палестинците не ги сакаат ни „нивните“ (муслиманите), за други, ова е начин како да се спречи израелската стратегија да ја испразнат Газа од Палестинци за да може да се инсталираат "од реката до морето." Како и да е...  

Во тенисот најдобро враќал топки Новак Ѓоковиќ, но и на интернет има куп луѓе кои знаат да закопаат некого кој баш поверувал дека има пост за ас. Мала компилација од такви брутални а смешни вратки и спуштања, во моментов најчести инспирирани од последните американски избори, но и малкиу поопшти.  

После повеќегодишен пад на продажбата и тенчење на производното портфолио, Јагуар реши да мине низ масивна трансформација и да го „ре-обмисли“ брендот. Го сменија логото (хмм) и извадија промотивен спот со наслов „Не копирај ништо“ со шарени, разбудени, вибрантни и екстравагантни дечки, девојки, бинарни, флуидни и каквигод. „Вие коли продавате?“ ги праша Илон Маск. 

Со паѓањето на цените на авионскиот превоз, стандардите на таквото патување паднаа на ниво на „превоз на аргати“, од пинцурски седишта па до услуга. Последен пат кога прашавме што вино имаат, стјуардеса на Визер ни кажа дека имаат “ПРОЦЕСО“! (ваљда имаа Просеко, ама не фала, се префрливме на пиво). Дечково нашол хак како да се избегне убедливо најлошата варијанта, да седиш на средина.

Не јаделе пача зашто не им се свиѓала како изгледа (оти па брокулата една лепотица што е...). Но, ако не може да ги освои со убаво, можеби ќе ги освои со здраво. Колаген за нежна кожа, здрави зглобови и свиленкаста коса. Извор на протеини неопходни за обнова на мускулите и јакнење на имунитетот. Ниска калориска вредност, помага при варење, има минерали и витамини.... Ете, ни до ракијата не стигнавме а веќе ја засакавте.