На светот веројатно најважно му е Трамп да не прави војни наваму-натаму. На оние во Америка најважно им е да ги реши нивните проблеми со економијата, миграцијата и слично. А на оние што ги скокоткаат приказните чии опашки се влечат со години и децении, едвај чекаат да ги исполни ветувањата дека ќе ги декласифицира документите за 11 септември, атентатот на Кенеди, смртта на Епстин....

Топ демократи се уверени дека ќе влезат во историјата како херои кои го спречиле Трамп да го уништи светот, со превентивно уништување на светот за да го спречат да ја преземе функцијата, пишуваат озбилните заебанти од Бабилон Би во сатиричната вест која го коментира последниот потег на Бајден, да му дозволи на Зеленски да гаѓа длабоко во Русија со американски ракети.

Посериозните аспекти на женското гласање на последниве американски избори ги покривме во статијата „Демократите се шокираа што жените не гласаат со нивните гениталии“. Да одиме малку на тролање: „Број еден тренд на ТикТок во моментов е кога згодни, по-Трамп женски ги тролаат левичарските орки кои гласаа за Камала“.

Новиот проект на Илон Маск е туристичка агенција, со ракети, и тоа од оние што ги вежбаа за повеќекратно користење во вселената. Ќе се лета со брзина од 27.000 км/ч. Најбрзите комерцијални патнички авиони летаат некаде со околу 1.000 км/ч.

Циниците знаат да кажат дека маркетингот е цената која ја плаќаш за производот кој не ти е доволно добар. На таа линија своевремено беше и Рамбо Амадеус кој тврдеше дека на реално добрите производи не им треба рекламирање (како пример го наведуваше Т'га за југ). Ама па, од друга страна, Хенри Форд викаше дека оној што ќе сопре рекламирање за да заштеди пари е како некој кој ќе го сопре часовникот за да заштеди време. Одиме во слава на вторите.

„Демократите станаа како кралско семејство кое поради толку многу инцест, за жал, има деца кои се ретардирани. А истото може да се случи и со идеите доколку и тие се зачнати во атмосфера на интелектуален инцест. А да ги тргнете штипките од носот и да почнете реално да разговарате со другата половина од земјата?

Со лисици на раце, мајка на пар деца од една селендра во Џорџија, САД, е извадена од дома и одведена зад решетки. Се товари за родителска небрежност и негрижа. Што било? Додека таа била со едното дете на лекар, шерифот видел дека нејзиното друго дете (10 години) шетало САМО по улица. Во место од 300 жители! Бидејќи ѝ се заканува една година затвор, добила понуда тоа да ѝ го симнат од врат ако потпише дека на синот ќе му стави ГПС следач на телефонот. За неверување.

Фасцинантно поинаков поглед на тоа како функционира овој универзум кој авторитетно го опишува сер Дејвид Атенбороу. Сè на светов е електрично тело кое функционира во електричен универзум. Суптилната игра на фреквенции меѓу растенијата и пчелите го тера човек длабоко да помисли дека овде има некој мастер план кој не го разбираме.

Се вика Том Хоман и е поранешен полицаец, па еден период работи на границата, за во времето на Трамп да биде именуван за директор на ИЦЕ, агенцијата задолжена за царина и гранична контрола на САД. Ликот изгледа и звучи како да ќе ја реши американската граница до Венецуела.

Официјалната номинација за Нобелова награда на овој генијален изум ја пријавуваме под наслов: „Иновативна употреба на комерцијален ласер (light amplification by stimulated emission of radiation) за драстично проширување на неговата апликативна вредност, во случаи кога е неопходно рамномерно и пред сè праведно распоредување животворни течности“.  Што, не е јасно??

„Како да ја сокриеш својата ерекција од Господ?“, „101 начин за продолжување на пенисот кои можат да се прават секаде“, „1.000 места кои треба да се посетат пред да те ликвидира ИСИС,“ „Задоволството да се произведува дрога“, „Зошто жените заслужуваат помалку“... се дел од лажните наслови на книги кои заебантиве ги читааат во метро. Генијално. Кај нас би било доволно шокантно во јавен превоз да читаш и нормална книга.

Мал увид во тоа на што сè се трошеле пари на американските даночни обврзници, од шоуа на травестити во Еквадор, до проучување на тајниот јазик на касапуите во Париз. Теми за кои допрва ќе се откриваат чуда ако поштено се фатат за работа Маск и Рамасвами во новиот оддел за владина ефикасност. Оф, оф, тек кога ќе дојдат до тоа што сè и кого сè имаат финансирано овде кај нас нивните агенции.  

Сите светски медиуми јавуваат дека е извесно оти Трамп за државен секретар ќе го одбере Марко Рубио (53). Сенатор на Флорида од кубанско потекло, прв латино политичар кој ќе заземе таква топ позиција. Во последно време беа шајка иако не беше баш толку одамна кога тој го нарекуваше Трамп измамник (con artist) кој никогаш нема да стане претседател на Америка. Енивеј, битно Израел се радува.

Откако сè изгубија затоа што сè што не се согласуваше со нив прогласија за фашисти, левичарските аналитичари што МСНБЦ ги влече во студио од сето ова извадија поука дека за тоа се криви, пази ова - фашистите, кои сега ете ги има толку многу што создале мулти-милијарди долари вреден фашистички еко-систем. Никогаш нема да сфатат.

Купила таа шише шампањ, некој ја прашал што е специјалниот повод, таа му рекла дека вечерта ќе ја прославува победата на новата претседателка на САД. Овој претпазливо ѝ рекол дека ќе биде неизвесно, на што таа надмено му рекла дека е политички аналитичар па ваљда подобро знае од него. Сега знаете, и двајцата утнале, само што таа утнала како што само „политички аналитичар“ знае да утне.

Германската економија е во тешка повеќегодишна дефанзива, владата штотуку се распадна (и заради тоа дали најпаметно се трошат парите) ама постојат германски политичари кои се толку надвор од реалноста што се екстремно великодушни: Михаел Рот (цел живот политичар) на Трамп му го понуди следново: Ако САД се повлекува, Германија ќе ги преземе сите трошоци за одбрана од Украина.

Сигурно ви се случило некогаш да се натепате мрсен бурек уште рано-рано сабајле па брзо потоа да се покаете пошто осеќате како таа топка тесто запиња некаде по стомакот и цревата. Тоа може да се опишува секако, но убедени сме дека го имаме најдобриот опис за тоа што всушност се случува во таквите моменти. Видео илустрација, музичка илустрација - перфектно!   

Легенди од ноќните шоуа на американските телевизии од типот на Џони Карсон, не само што не тупеа за кого треба да се гласа, не само што делкаа и лево и десно, туку беа и ултра -забавни. Овие денес се обични партиски труби со ич хумор и се досадни како емисиите да им се викаат „Ве забавува Коља Мрак“ или „Лејт најт со Румена.“ Не е чудо што јаден Кимел се расплака откако ги дозна резултатите. Пирс Морган и Мегин Кели ги прават партал, со порака фашистите да си ги бараат во своите разбудени редови.

662 е бројот на Јутјуб прегледи на концертот на групата Зијан, присутен на платформата повеќе од една година. Само 662! Пред некој ден имаа концерт по повод 42 години постоење и се вратија во МКЦ после 30 години. Беа ли ТВ екипи, ги исповикаа ли по емисии, за барем малку од малку да ги ублажат бљувотините, од Звезде гранда до турски серии, со кои со години систематски го урнисуваат духовниот имунитет на нивната публика?

Васил Тупурковски не беше уникатен социјалистички функционер само затоа што носеше џемпери кога задолжително се носеа одела. Циле не e габаритен човек само по физичкиот волумен туку и по животното искуство и широчината на неговата љубопитност. Чутура од Рибља Чорба пренесува што му раскажал Бодан Арсовски кога до него седнал Циле. Слушнете ја приказната и помислете, што ли би имал да раскаже, на пример, Бојан Маричиќ? 

Градот Никшиќ има службена Лада, ама ја нема. Ладата ја нема година и пол и е пријавена во полиција. Ама и покрај тоа што ја нема и полицијата ја бара, во неа редовно се полни бензин на службена картичка.

Настапот на Крафтверк на фестивалот „Рингишпил на младите“ (1970) во Соест, Северна Рајна Вестфалија, е најраната концертна снимка на пионерите на електронската музика. Таа година се формирани и се во оригиналниот состав. Публиката као малку збунети, ама, малку по малку, го фаќаат ритамот. Ожежи, мајсторе!

Девојката ја научи важноста да се обезбеди и осигура плаќањето пред да се обврзеш на договор. Дечкото е другар на брат ѝ и држи ДВЕ пластични чаши со вода. Понудата му гласи: Ќе ти дадам 20 долари ако ми дозволиш да ти истурам ДВЕ чаши вода врз глава. Таа не гледа проблем во тоа. Тоест гледа, ама малку доцна. 

- Кој е овој човек, како има дојдено овде? - шокирано праша политичкиот коментатор на левичарските „Младотурци“, Ченк Ујгур, за гостинот кој ги заплеска сите оние кои се на пола копје од победата на Трамп. - Овде сум по покана, а дојдов со пасош, му враќа Пољакот Доминик Таржински (десничар, суверенист), член на Европскиот Парламент. Жестоко.