Една од најмоќните агенции во светот, ќе си речете имаат ресурси за секакви операции, професионалци од секоја можна структура. Доаѓа време за честитање Нова година и они мртви-ладни на Твитер го пуштаат следниов дизајн:

2016-та видена низ окцето на ГоПро, апаратчето што на вегетативните форми на човечка егзистенција им даде увид во светот на оние што во меѓувреме живеат.

Секогаш ќе се најде некоја Јованка да ти ја вади душата на памукче. Јебеш му матер ако репликите не биле баш вакви. Памтите од документарецот Хјустон како го пребацуваа со јажиња од брод на брод? Еве зошто.

Види што сè можело да се нац'цка во една саксија. А ние пипер-патлиџан ќе насадевме.

Сцена од модна фотосесија во Јапонија. Ај што и самото позирање е прилично ретардирано (се префрлаат од една на друга нога ко роботи што шмелцаат), туку овој црепов не мрда ни кога ќе остане по гаќи. Што има да му ја мислиш, си знае државата...

Бидејќи Македонија нема нешто особена среќа со своите претседатели (а некогаш и тие со неа), можеби треба го побараме идниот во друга професионална структура. Порноѕвезди прашани што би правеле кога би биле главни во својата земја. Цурите покренаа озбилни прашања, најискрена меѓу нив сепак е Џорџа Џонс.

Звучи неверојатно но стварно се имаат сретнато, вечерано и притоа немаат прозборено ни збор. Едниот чија смрт лани ова време ја започна лавината која 2016-та ја направи црна година и другиот, чија смрт покрена лавина срања кои уште трујат наоколу. Што мислите, од кај му на Леми инспирација за онолкави прстени и ордени?

Сејо Сексон од Забрањено пушење замислува како денес би се развивала ситуацијата со двајцата култни ликови од нивната песна кои пред 30 години откриваа дали море је провод, дали море су коке. "Песната денес би имала тажен хепиенд", вика Сексон.

Тоа што Тесла може сама да вози значи дека треба да направи илјадници пресметки и предвидувања во секунда, за добро на сите. Во пракса (ненамерно и не е тест) тоа значи дека Тесла може да предвиди судир (и да ти алармира) пред тоа воопшто да се случи.

Внесуваш бенд / музичар што ти прави мерак за слушање, он ти вади цел облак други имиња што би требало да ти легнат на вкусот.

Првио семестар ако не се угоеш 20 кила, нешто праеш погрешно и мора да се преиспиташ.

Екранизирани совети на американскиот професор Роберт Рајч за тоа како да се справиш во ситуација кога на празнична софра некој ќе почне да те гуши со десничарски ставови. Јбг, немаме видео со совети за обратната ситуација, кога на пример социјалдемократ, распослан на мрсна софра, ќе те убедува дека не може веќе да гледа како народот гладува.

Кога ќе станеш славен, макар и случајно, редно е да ја искористиш приликата. А ако си станат славен како непоправлив ерген, тоа значи и машината за алишта да ти е непоправлива.

Ансамбл Александров е официјалниот армиски хор на руските вооружени сили. Формиран е за време на СССР, а составен е од машки хор, оркестар и танцова група. Името го носи по својот прв диригент, Александар Василевич Александров. На 25 декември 64 члена на ансамблот загинаа во авионска несреќа на пат кон Латакија, каде што требаше да настапат пред руските вооружени сили во Сирија.

Сè почна со една свадба....

Ок Македонци. Пробавме да си ги извадиме очите, ударнички се потрудивме да се надвикаме и прекувремено се потрудивме да се испомразиме до коска. А да пробавме малку со љубов и убавина? Пред крајот на оваа заебана година токму со такво полнење доаѓа поздравот до сите вас од нашата њујоршка екипа. Песната (музика, текст и аранжман) е на Дуке Бојаџиев, пее Крсте Роџевски, на кларинет е Исмаил Лумановски, на виолини Владимир Крстев. Отворете си ја душата, "Свет без граници" е љубовна порака. Преубава.

Откако го објавивме видеото за Амазон Го стана речиси дневна рутина некој да ти каже нов начин како да им го хакнеш системот (па ќе го држам цело време позади некој друг, ќе го пуштам да се тркала до влезна врата, ќе фрлам конец од надвор...). Французиве најдоа начин како да го хакнат и Амазон Го и криминалецот во нас.

Што значи „шоу во живо“ за луѓето што го прават шоуто во живо. Таман ќе помислиш - чекај бе овие којзнае колку студија и опрема имаат за да можат цело шоу да го снимаат во живо, и они цела сценографија ќе ти демонтираат за помалку од 2 минути.

Ако ги немате сретнато до сега, видеата на Tasty се најлошото можно нешто што може да те спопадне на интернет. Наивно гледаш нивен клип од 18 секунди и го гасиш табот. За кратко пак го отвораш табот, чисто за да изгледаш уште еден клип. Креваш глава од монитор, минале 3 саати, прегладнет си, разочаран од животот, ти течат лиги, а знаеш дека во фрижидер имаш само тегла кисели краставички и кесичка супа од петел. Налет сè, пушташ уште еден клип.

Ако на сон или јаве ги разгледувате опциите за канцелариската работа која ве очекува, дозволете да ви помогнеме да ја донесете правилната одлука.

In a Turkish galaxy far, far, away... Или, што би се рекло на нашки: Турче галакси, уџум, уџум ептен....

Глен Бек е една комплетна лудачина (самопрогласен катастрофист), кој повеќе од 10, а посебно последниве 8 години, секој потег на американските либерали, посебно на Обама, го доживуваше апокалиптично и идентично ѝ го пренесуваше на својата публика. Иако десничар до срж (на времето ја поддржуваше и Чајанката) тој пред изборите се крена против Трамп. Во моментов, поделеноста во САД е дојдена до точка во која Глен Бек стана глас на разумот (ок, со прилично реформирани ставови) и почна да учи левичари - опрајте се, станати сте катастрофисти, личите на мене.