- Министерството за спорт и Владата на Република Македонија ќе одржат свечена церемонија на која ќе бидат доделени Национални признанија на најуспешните македонски спортисти.
- Церемонијата ќе се одржи на 11 јуни со почеток во 12:00 часот, а таму ќе присуствуваат министерот Борко Ристовски и премиерот Христијан Мицкоски.
- Сите поканети ќе добијат Признание за врвни достигнувања во спортот, а меѓу нив се Горан Пандев, Дарко Панчев, Илија Најдоски, Петар Наумоски, Перо Антиќ, Кирил Лазаров, Стојанче Стоилов, Владо Недановски, Петар Ангелов, Марко Кизиќ, Марко Мишевски, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска и Клара Боева.
- Сите добитници во минатото оставија огромен белег во екипните спортови, беа на високо ниво во своите клупски кариери, но воедно и ја претставуваа Македонија на најубав можен начин преку националните репрезентации, со што добија легендарен статус во нашето општество.
- Медиумите од шпанското говорно подрачје пренесуваат дека 17-годишниот Франко Мастантуоно, најголемиот аргентински талент од Ривер Плејт веќе потпишал договор со Реал Мадрид.
- Мастантуоно веќе дебитираше за Аргентина, главен играч е на Ривер Плејт, клуб во кој дошол на 11 години. На свои 16 години го имаше своето деби а набрзо и прв гол за Ривер со што стана најмлад еден од двајцата најмлади стрелци во историјата на клубот.
- Реал Мадрид потпишал договор со него до 2031-ва година со откупна клаузула од 1 милијарда евра. Ривер Плејт ќе добие 45 милиони евра колку што е клаузулата во три рати по 15 милиони евра. Мастантуоно ќе му се придружи на Реал Мадрид по 14-ти август кога ќе наполни 18 години. До тогаш ќе игра на Светско клупско првенство за гигантот од Буенос Аирес.
- Новиот тренер на Интер, Романецот Кристијан Киву кој ја водеше Парма, во својот стручен штаб си ги повика некогашните соиграчи Валтер Самуел и Александар Коларов за помошни тренери.
- Коларов досега работеше како селектор на младата репрезентација на Србија У-21, а сега тоа место ќе остане испразнето. Некогашниот фудбалер на Лацио, Манчестер Сити, Интер и Рома, ќе го има првото тренерско искуство на клупски план откако ја заврши играчката кариера.
