- Во 18-та минута од дуелот Словенија - Македонија во рамки од квалификациите за Европско првенство 2026, 22-годишниот Марко Митев, еден од лидерите на македонската репрезентација доживел повреда на предните вкрстени лигаменти од коленото. Додека се чекаат детални лекарски прегледи, сите се надеваат дека не станува збор за најстрашното, односно дека нема скинати лигаменти туку само истегнување.
- Средниот бек кој блесна на Светското првенство во Хрватска во јануари годинава, се издвои како носител на играта на репрезентацијата. Без него сега ќе мора и Македонија до крајот од квалификациите за ЕП 2026 и Алкалоид кого го чекаат клучни битки за титулата преку плејофот, како и европски двомеч со романска Баја Маре.
- Медиумите од шпанското говорно подрачје пренесуваат дека 17-годишниот Франко Мастантуоно, најголемиот аргентински талент од Ривер Плејт веќе потпишал договор со Реал Мадрид.
- Мастантуоно веќе дебитираше за Аргентина, главен играч е на Ривер Плејт, клуб во кој дошол на 11 години. На свои 16 години го имаше своето деби а набрзо и прв гол за Ривер со што стана најмлад еден од двајцата најмлади стрелци во историјата на клубот.
- Реал Мадрид потпишал договор со него до 2031-ва година со откупна клаузула од 1 милијарда евра. Ривер Плејт ќе добие 45 милиони евра колку што е клаузулата во три рати по 15 милиони евра. Мастантуоно ќе му се придружи на Реал Мадрид по 14-ти август кога ќе наполни 18 години. До тогаш ќе игра на Светско клупско првенство за гигантот од Буенос Аирес.
- Новиот тренер на Интер, Романецот Кристијан Киву кој ја водеше Парма, во својот стручен штаб си ги повика некогашните соиграчи Валтер Самуел и Александар Коларов за помошни тренери.
- Коларов досега работеше како селектор на младата репрезентација на Србија У-21, а сега тоа место ќе остане испразнето. Некогашниот фудбалер на Лацио, Манчестер Сити, Интер и Рома, ќе го има првото тренерско искуство на клупски план откако ја заврши играчката кариера.
