Вести › Набрзинка

Гeoргиј е новиот дебарско-кичевски митрополит

12 јуни 2025

На седница на Светиот архиерејски синод, без ниту еден глас против, за нов митрополит е избран игуменот Георгиј (Ѓорѓевски). Доаѓа на местото на покојниот Тимотеј.
Роден на 24 јули 1968 година во Скопје, матурирал богословија во средното во Драчево, Богословските студии ги завршил во Скопје, а веќе на 22-годишна возраст станал професор во своето поранешно училиште. Потоа патот во води во Германија и Рим, каде што магистрирал и докторирал на престижниот Понтификален универзитет „Грегоријана“.
Од 2010 до 2014 година бил амбасадор на Република Македонија при Светата Столица во Ватикан.
Замонашен е на 27 мај 2025 година во манастирот во Криви Дол, во само три последователни дена е ракоположен во јероѓакон, јеромонах, и на Педесетница – 8 јуни, добива чин игумен.
Претходно, Софиската митрополија се дистанцираше од писмото на нејзин клирик кој пред изборот на митрополит на Дебарско-Кичевската епархија, изрази поддршка за епископот Партениј од Бигорски манастир.

извор

Русјаков: Светот, галаксијата и црните дупки низ вселената

9 ноември 2025

ВМРО-ДПМНЕ победувајќи ја изгуби цела Македонија, СДСМ го освои Зрновце, а Левица растури во Њујорк.
Апелирам итно да се врати ѓубрето на улиците, ем затоа што им е потребно на стаорците, кои никогаш не ги видовме, ама беа распостелени насекаде по медиумите и мрежите, ем затоа што тоа им припаѓа и со него смеат да се справуваат само надлежните, оние урбаните, најпаметните, освестените, бањатите, политички (над)независните, кои живеат на социјалните мрежи и оттаму неподносливо му досаѓаат на светот, галаксијата и црните дупки низ вселената.
Оти ако им го земеме ѓубрето, она духовното, нордистанско, кое самите го ѓубреа низ земјава помагајќи им на орачите и сејачите од „меѓународната“, но и она материјалното, расфрлано по улиците, со што ќе си ги полнат речениците, арогантната недуховитост и гневот од фрустрациите од фактот дека само они знаат како треба и што е паметно, ама глуп народ, никако да им се допре до генијалноста.

извор

Бугарија ќе ја „администрира“ рафинеријата на Лукоил

8 ноември 2025

Бугарското Национално собрание по итна постапка усвои закон што на државата ѝ овозможува да преземе директна контрола врз рафинеријата на руската компанија Лукоил во Бургас.
Цел на Законот е да се обезбеди работење на најголемата рафинерија на Балканот откако Лукоил поради санкции од САД беше принуден да го продаде својот имот во странство.
Владата ќе назначи специјален администратор, кој ќе управува со компанијата ако се оцени дека постои ризик по националната или енергетската безбедност на земјата. Бугарската влада тврди дека ова не е национализација, туку „заштитна мерка што ќе се активира само ако работењето на рафинеријата биде загрозено“.
Администраторот ќе има право да гласа во името на акционерите, да управува со средствата и, ако е потребно, да предложи продажба или преструктурирање на делови од компанијата.
Рафинеријата во Бургас обезбедува најголем дел од горивата за бугарскиот пазар и овозможува извоз во соседните земји.

извор