„Општеството има одговорност да истражува. Некогаш се возбудувавме од непознатото и ја користевме секоја можност да погледнеме подалеку. Зачекоревме по месечината, почнавме да користиме машини за да допреме до далечните точки во Универзумот. Има уште толку многу да се научи."

Задутре (петок) во рамките на „Панфиз" (Меѓународниот фестивал на пантомима и физички театар), на малата сцена на Универзална сала во 19 часот ќе се промовира ДВД со претстава која е посветена на трговијата со луѓе, работена исклучиво со телесни движења и без зборови.

Убавата страна на тоа што повеќето „големи" теми во уметноста а богами и во новинарството се исцрпени, е што почнуваат да добиваат внимание и такви кои се навидум банални, a всушност супер интересни. Како на пример оваа, за важноста на балетанките.

Црвенкапа ја посетува баба ѝ од 1697, кога приказната за неа и волкот била објавена прв пат во француска антологија на детски приказни. И во оваа, од 21. век, таа го прави истото. Ама не е баш исто.

Редовната петочна Букбокс читанка овој пат ја објавуваме во вторник. За тоа има барем две добри причини – денешниот почеток на Саемот на книгата, и излегувањето од печат на првото критичко издание на „Категориите" од Аристотел на македонски, со паралелен текст на старогрчки јазик.

Се сеќавате на серијата филмови на Слејт, раскажани во три слики што мрдаат? После „Кум“, еве ги „Голи во седло“ и „Граѓанинот Кејн“.

Откако Одборот за доделување на Пулицеровата за 2012 не успеа да се договори околу наградата за белетристика, по светските медиуми почнаа да фрчат остри коментари на негова сметка, особено земајќи предвид дека од страна на жирито задолжено за оваа категорија биле предложени стварно добри книги.

23. април во календарот на УНЕСКО е Меѓународен ден на книгата и авторското право. Иако тој момент кај нас се уште не е дојден, наскоро можеби ќе треба во насловот на манифестацијата да се појасни - а ден на која книга? Онаа старата, на хартија?

Има читатели кои се во состојба да најдат замерки и во коректорски и јазично најчистиот, и стилски најдобриот текст. И полека се навикнуваме на тој факт. Но можеме да замислиме како им било во „Економист“ кога го добиле писмово - тие цело време мислат дека пишуваат за политика и економија, кад оно...

Српско-американскиот писател Чарлс Симиќ, добитник на Пулицер за поезија, има и не така необична страст - читање во ВЦ. „Ако сте како мене, тогаш сигурно имате нешто за читање во тоалетот. Што и да е", признава тој за New York Books Review.

Излезе нова збирка песни на неодамна починатата полска поетеса и добитничка на Нобеловата награда за книжевност, која ги содржи 13-те последни песни кои таа ги подготвувала за издавање.

Застапувајќи се за европски културни вредности, но и одлучно укажувајќи на местото на Србија во таа неисцрпна ризница, Демократската младина на Прокупље воочи изборите во Србија ја препева „Одата на радоста".

Светски познатиот словенечки филозоф Славој Жижек неделава гостуваше на Универзитетот Јеил во рамки на на тродневната манифестација Bulldog Days, која се организира во чест на новопримените студенти. 

Шарл Азнавур, еден од најпознатите пејачи и композитори на сите времиња, е автор на околу 1,000 песни, кои ги имаат испеано исто толку познати музичари како Реј Чарлс, Боб Дилан, Лајза Минели, Хозе Карерас. Во моментов, на 87 години, е на турнеја низ САД. А не е ни банкротиран, па да мора...

„Изјавата на Андерс Брејвик, дека играњето Call od Duty и World of Warcraft му помогнало во подготовката на злосторството, покажува дека животот ја имитира уметноста, колку и таа да е грда" - напиша Асошијетед Прес, за човекот кој поминал цела година изолиран од остатокот од светот, за виртуелно да се подготви за неговите акции, кои минатиот јули доведоа до смрт на 77 луѓе.

Вчера пак се собравме во „Пепер" и јадевме книги. Супер си поминавме.

Букбокс нема, или барем мисли дека нема проблем со запирките. Напротив, тие - заедно со цртичките - ни се омилените интерпункциски знаци, кои ни овозможуваат да земеме воздух, да застанеме, да помислиме. Ама има луѓе кои изгледа поинаку дишат од нас. Истото го забележале и во Њујорк Тајмс, и во Њујоркер. Та не сме саде ние...

Дечкото се вика Макс Темкин, има дипломирано филозофија, и се занимава со графички дизајн.

Текстот го преобјавуваме од две причини...

Музејот на современа уметност во Казорија, близу Неапол, почна да ги пали делата од својата колекција, во знак на протест заради намалувањето на буџетот на институциите од областа на културата. Директорот на музејот, Антонио Манфреди, лично ја запалил првата слика.

Во пресрет на нашиот утрешен Фестивал на јадење книги, ви претставуваме готвач кој навистина може да се јаде.

Во април 1992. членови на трите култни бенда во камион кружеа низ улиците на Белград. Нивните пораки беа осамен антивоен крик. Да си повториме: мирот е најубавата девојка, која не може да ја има секој.

„МВР ги предупредува велосипедистите да се движат само по обележаните велосипедски патеки, за да не заработат казна од 25 евра“ - вака гласеше информацијата која ја израдува нашата пролетна душа, која едвај чекаше да ги напумпа гумите и да се пушти по - да, да - обележаните и безбедни велосипедски патеки низ градов.

Објавени годинешните добитници на Пулицеровата награда, за врвни постигнувања во печатеното и онлајн новинарство, литература и музика. Изненадување е недоделувањето на наградата за белетристика, што се случува прв пат по 1977 година.