- На 11 март, денот на раѓањето на Оливера Николова, издавачката куќа „Арс Ламина“ ја востанови наградата „Оливера Николова“ за најдобар необјавен роман за деца и млади. Таа ќе се доделува секоја година на 11 март, а првиот конкурс се отвора денес и трае до 11 јуни 2025 година (други детали на линкот).
- На прес-конференцијата што денеска се одржа во „Литература.мк“, во „Дајмонд мол“ се обратија Бранка Бугариска (директорка на издаваштво во „Арс Ламина“) и членовите на жирито за наградата „Оливера Николова“ за 2025 година: Оливера Ќорвезироска (уредничка и писателка), Весна Мојсова-Чепишевска (универзитетска професорка) и Јагода Михајловска-Георгиева (писателка).
- Мисијата на наградата е двојна: да се одржи континуитет на големото авторско име на Оливера Николова со симболично творечко надоврзување на нејзината бележита трага во современата македонска книжевност, како и да се ревитализира еден од жанровите во кои создаваше Николова – романот за деца и млади.
- Повеќе од 65 издавачи и 110 промоции ќе има на 37. издание на Саемот на книга, кој ќе се одржува од 8 до 14 мај во Арената „Борис Трајковски“ во Скопје, под слоганот „Храна за душа“. Саемот ќе биде отворен свечено на 8 мај на пладне, а секој нареден ден ќе биде отворен од 10 до 20 часот, освен на последниот ден, кога ќе биде отворен до 18 часот.
- Љубителите на модерната литература ќе уживаат во дружењето со популарниот германски писател Себастијан Фицек.
- Годинава национално претставување ќе има Србија преку нивното Министерство за култура на Србија, а ќе се претстави и „Гете институтот“ во соработка со Амбасадата на Германија.
- И годинава ќе се воведат специјалните автобуски линии со број 100 и 200 кои ќе возат од Ѓорче Петров и од Лисиче до салата.
- Дел од промоциите кои ќе се одвиваат во Промотивниот центар тука. Дополнителни активности ќе има на поединечните штандови на издавачите.
- Maргарет Атвуд, Џејн Фонда, Мајкл Палин, Боно, Барак Обама, Били Ајлиш - сите тие и куп други со свои пораки му оддаваат почит и му го честитаат 99-тиот роденден на британскиот природонаучник, водител и писател, популаризатор на науката и грижата за природата.
- Арундати Рој пишува: „Тој покажа како секое живо суштество на оваа планета е поврзано во еден голем жив ентитет. Сами, ние сме ништо. Не поседуваме и не контролираме ништо, освен веројатно нивото до кое би можеле да уништиме сè.“
- Маргарет Атвуд: „Живеев во Единбург кога започна првата серија на Дејвид. На улиците тие вечери немаше никој. Сите беа дома и гледаа - ја гледаа природата како што никогаш не ја беа виделе претходно“. (фото: Epa Images)
