Свиреше со Мајлс Дејвис, Дизи Гилеспи, Чет Бејкер, Стен Гец. Неговата биографија е половина век историја на џезот, на чиј стилски развој и самиот влијаел.
Роден е во 1931 во Јајце, Босна и Херцеговина. Музичка академија завршил во Белград. На 18 години станал член на Биг бендот на Радио Белград. Кариерата ја продолжува во Германија а во 1961 добива стипендија за студии на Беркли.
По враќањето во Европа формирал свој секстет и во 1966 го снимил својот прв албум „Свингинг Македонија“, кој денес се смета за камен-темелник на балканскиот џез. Неговата дискографија опфаќа над 200 албуми, меѓу кои и „Ноќи во Скопје“ снимен во градов во 1995 под етикетата на Скопскиот џез фестивал.
Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.
„Орбитал“ на британската авторка Саманта Харви, е романот којшто ја доби престижната Букерова награда за проза за 2024.
Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.
