Колку навистина вреди Пулицер?
24 февруари 2023
- Да се добие толку престижна награда како Пулицер во областа на новинарството, драмата, поезијата, белетристиката итн., значи дека нивните автори одеднаш ќе станат продавани и богати. Така? Па, зависи.
- Извештај објавен неодамна во Publisher's Weekly открива интересни факти. На пример, победникот во категоријата поезија од 2014, Виџај Сешадри, пред да ја добие наградата имал продадено 11 примерока од својата книга, а по добивањето на Пулицер истата година само 81. „Маргарет Фулер“ на Меган Маршал, победничка во категоријата биографија за истата година, поминала малку подобро - од 62 примерока на 387.
- Најлошо се продаваат токму спомнатите жанрови - поезија, драма, биографија и есеистички книги. Многу подобро поминуваат романите. Откако е обзнанета наградата, продажбата на „Голдфинч“ на Дона Тарт скокнала од 7.095 на 15.079, што е пораст за 113%. До денес книгата е продадена во над 407.000 примероци и се печатат нови изданија. Има и романи кои поминале дури и подобро од ова, како „Олив Китериџ“, победникот од 2009 на авторката Елизабет Траут. Таа до сега се има продадено во речиси милион примероци, но за нејзината популарност веројатно има придонесено истоимена мини-серија на ХБО, со Френсис МекДорманд.
